പ്രത്യേക സേവനങ്ങളും ഫീച്ചറുകളും
വിളവെടുപ്പിന് ശേഷമുള്ള മത്സ്യ പരിപാലനവും മൂല്യവർദ്ധന സാങ്കേതിക വിദ്യയും എന്ന വിഷയത്തിൽ ചർച്ച നടത്തി ICAR -CIFT
പോസ്റ്റഡ് ഓണ്‍:
19 SEP 2025 8:16PM by PIB Thiruvananthpuram
കൊച്ചി, 19 സെപ്റ്റംബർ 2025: ഇന്ത്യാ ഗവൺമെന്റിന്റെ ഫിഷറീസ് വകുപ്പ് സെക്രട്ടറി ഡോ. അഭിലക്ഷ് ലിഖി ഇന്ന് കൊച്ചിയിലെ ICAR-സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്നോളജി (CIFT) സന്ദർശിച്ച്, ഔദ്യോഗിക പ്രവർത്തനവും നിലവിൽ നടന്നുകൊണ്ടിരിക്കുന്ന പരിപാടികളുടെ അവലോകനവും നടത്തി.
സന്ദർശന വേളയിൽ, കേന്ദ്ര ഫിഷറീസ് വകുപ്പ് ജോയിന്റ് സെക്രട്ടറി (ഉൾനാടൻ മത്സ്യബന്ധനം) ശ്രീ സാഗർ മെഹ്റ, ICAR-CIFT ഡയറക്ടർ; ആന്ധ്രാപ്രദേശ് ഫിഷറീസ് കമ്മീഷണർ; ഛത്തീസ്ഗഢിലെ ഫിഷറീസ് ഡയറക്ടർ; സ്റ്റാർട്ടപ്പ് എപ്പിക്യൂർ ഇന്നൊവേറ്റീവ് പ്രതിനിധികൾ എന്നിവർ ചേർന്ന് "വിളവെടുപ്പിനു ശേഷമുള്ള മാനേജ്മെന്റിനും മൂല്യവർദ്ധനവിനുമുള്ള മത്സ്യ സാങ്കേതികവിദ്യ" എന്ന വിഷയത്തിൽ വിശദമായ ഒരു അവതരണം നടത്തി.
ആധുനിക സാങ്കേതികവിദ്യകൾ സ്വീകരിച്ചുകൊണ്ട് മത്സ്യ സംസ്കരണത്തിലും മൂല്യവർദ്ധനവിലുമുള്ള വിടവുകൾ നികത്തേണ്ടതിന്റെ പ്രാധാന്യം ഡോ. ലിഖി ഊന്നിപ്പറഞ്ഞു. വിളവെടുപ്പിനു ശേഷമുള്ള മാനേജ്മെന്റ് ശക്തിപ്പെടുത്തുന്നതിനും മത്സ്യബന്ധന മൂല്യ ശൃംഖല മെച്ചപ്പെടുത്തുന്നതിനും ഒരു റോഡ് മാപ്പ് തയ്യാറാക്കാൻ ICAR-CIFT- നോടും മറ്റ് പങ്കാളികളോടും അദ്ദേഹം ആവശ്യപ്പെട്ടു.
വിവിധ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും മുതിർന്ന ഉദ്യോഗസ്ഥർ, സമുദ്രോത്പന്ന കയറ്റുമതി വികസന അതോറിറ്റി (MPEDA), സ്റ്റാർട്ടപ്പുകൾ, സമുദ്രോത്പന്ന കയറ്റുമതിക്കാർ, മറ്റ് പങ്കാളികൾ എന്നിവർ ഹൈബ്രിഡ് മോഡിൽ അവലോകന യോഗത്തിൽ പങ്കെടുത്തു.
**********
( റിലീസ് ഐ.ഡി: 2168735)
സന്ദര്‍ശക കൗണ്ടര്‍ : 28