جدید معذوری کی بحالی کے ساتھ روایتی ہندوستانی شفا یابی کے طریقوں کو مربوط کرنے کی طرف ایک اہم قدم میں، سماجی انصاف اور بااختیار بنانے کی وزارت کے تحت معذور افراد کو بااختیار بنانے کے محکمے(ڈی ای پی ڈبلیو ڈی) نے آیوش کی وزارت کے ساتھ مل کر کئی مشترکہ تحقیقی پروجیکٹوں کو منظوری دی ہے۔ یہ اقدامات آیوروید، یوگا، نیچروپیتھی، یونانی، سدھا، اور ہومیوپیتھی سے فائدہ اٹھانے پر توجہ مرکوز کرتے ہیں تاکہ معذور افراد(پی ڈبلیو ڈی ایس) کے معیار زندگی کو بہتر بنایا جا سکے، بشمول اعصابی تنوع، خون کی خرابی، سماعت کی خرابی، جسمانی معذوری، اور عمر سے متعلقہ حالات۔

یہ منظوری معذور افراد کے لیے قومی فنڈ کی 19ویں گورننگ باڈی میٹنگ کے دوران دی گئی، جس کی صدارت ڈی ای پی ڈبلیو ڈی کے سکریٹری جناب راجیش اگروال نے کی۔ جامع اور شواہد پر مبنی نقطہ نظر پر زور دیتے ہوئے،ان پروجیکٹوں کا مقصد تحقیق کے خلا کو پُر کرنا،مربوط علاج کو فروغ دینا، اور پورے ہندوستان میں پی ڈبلیو ڈی ایس کے لیے جامع فلاح و بہبود کو فروغ دینا ہے۔

منظور شدہ منصوبوں کی اہم جھلکیاں مندرجہ ذیل ہیں:

این آئی ای پی آئی ڈی، سکندرآباد میں نیوروڈائیورسٹی میں تحقیق کے لیے آیوش مرکز کا قیام:بین الضابطہ تحقیق اور صلاحیت سازی کےذریعہ دانشورانہ معذوری، آٹزم، اے ڈی ایچ ڈی، اور متعلقہ حالات کے شکار افراد کی مدد کے لیے روایتی نظاموں کی تلاش۔

ایس وی این آئی آر ٹی اے آر، اڈیشہ میں خون کی خرابیوں کی بحالی کے لیے تعاون:تھیلیسیمیا، ہیموفیلیا، اور سکل سیل انیمیا کے لیے’’رکتمرت وتی‘‘ جیسی آیورویدک مداخلتوں کو یکجا کرنا۔

اے وائی جے این آئی ایس ایچ ڈی، ممبئی میں فلاح و بہبود پر یوگا کا اثر:بہرے پن کے شکار طلباء اور ان کے والدین کے لیےیوگا کے فوائد کا تجزیہ۔

پی ڈی یو این آئی پی پی ڈی، نئی دہلی میں بزرگ افراد کے لیے یوگا کے ساتھ پیشہ ورانہ علاج:جسمانی، علمی، اورعملی نتائج پر مشترکہ اثرات کا مطالعہ۔

پی ڈی یو این آئی پی پی ڈی، نئی دہلی میں گھٹنے کے اوسٹیو ارتھرائٹس کے لیے آیوروید اور پنچکرما: فزیوتھراپیٹک مداخلتوں کے ساتھ آیورویدک طریقہ کار کا موازنہ۔

پی ڈی یو این آئی پی پی ڈی ، نئی دہلی میں دماغی فالج کے لیے آیوروید،اوٹی ، اوروی آر: بچوں میں مجموعی موٹر افعال پر تاثر کا جائزہ۔

ذیابیطس سے متاثرہ مریضوں میں کے علاج میں آیورویدک جڑی بوٹیوں کا انسولین کے ساتھ موازنہ

پی ڈی یو این آئی پی پی ڈی، نئی دہلی میں کیپسولائٹس: ذیابیطس کے مریضوں میں فزیو تھراپی کے نتائج کا اندازہ لگانا۔

ان پروجیکٹوں کے لیے قومی فنڈ کے تحت کل 5.26 کروڑ روپے کی منظوری دی گئی ہے، جس کا نفاذ اعلیٰ قومی اداروں جیسے کہ این آئی ای پی آئی ڈی(سکندرآباد)، ایس وی این آئی آر ٹی اے آر (اڈیشہ)،اے وائی جے این آئی ایس ایچ ڈی (ممبئی) اورپی ڈی یو این آئی پی پی ڈی(نئی دہلی) کے ذریعے کیا جائے گا۔ یہ اقدامات پبلک پرائیویٹ پارٹنرشپ، پالیسی ایڈوکیسی، اور قابل توسیع ماڈلز کے لیے ڈی ای پی ڈبلیو ڈی کی وابستگی کی نشاندہی کرتے ہیں، جو براہ راست آیوش سپورٹ کی عدم موجودگی میں بھی تسلسل کو یقینی بناتے ہیں۔

یہ تعاون معذور افراد کے حقوق کے قانون، 2016 کے تحت قومی ترجیحات اور صحت مند عمر رسیدگی کے اقوام متحدہ کی دہائی جیسے عالمی فریم ورک کے ساتھ مطابقت رکھتا ہے، جو ہندوستان کو جامع، ثقافتی طور پر جڑی معذوری کی دیکھ بھال میں ایک رہنما کے طور پر اجاگرکرتا ہے۔

***********

ش ح۔ ت ف۔ش ہ ب

U-6263

(Release ID: 2168369)