شمال مشرقی خطے اور مواصلات کے مرکزی وزیر برائے ترقی جناب جیوتی رادتیہ ایم سندھیہ نے شمال مشرقی ریاستوں کے اسکولی طلباء کے ساتھ عملی طور پر بات چیت کی جنہوں نے این ای ایس اے سی – اسرو اور 8 شمال مشرقی ریاستی حکومتوں کے تعاون سے شمال مشرقی خطے کی ترقی کی وزارت کے این ای – اسپارکس پروگرام کے تحت اسرو کے صدر دفاتر کا دورہ کیا۔ بات چیت کے دوران، طلباء نے اسرو کی سہولیات کا دورہ کرنے اور خلائی سائنس اور ٹیکنالوجی میں ہندوستان کی ترقی کے بارے میں سیکھنے کے اپنے تجربات کا اشتراک کیا۔ مرکزی وزیر جناب سندھیا نے ان کے جوش و جذبے کی تعریف کی اور سائنسی تجسس کو پروان چڑھانے کی ترغیب دی۔

'خلاء سے متعلق بیداری، رسائی اور علم کے لیے شمال مشرق کے طلبا کا پروگرام(این ای - اسپارکس) شمال مشرقی خطوں کی 8 ریاستوں کے تعاون سے ایم ڈی و این ای آر کے تعاون سے ایک اہم اقدام ہے جو شمال مشرقی طلباء کو اسرو کی جدید خلائی ٹکنالوجی سے روشناس کراتا ہے، جس کا مقصد سائنس، ٹیکنالوجی، انجینئرنگ اور ریاضی (ایس ٹی ای ایم ) میدان میں دلچسپی پیدا کرنا ہے۔

اس پروگرام میں سائنس کے 800 ہونہار طلباء (این ای آر کی ہر ریاست سے 100) کے بنگلور کے پریمیئر اسرو مراکز کے ایکسپوزر وزٹ کا تصور کیا گیا ہے۔

طالب علموں کے چار بیچوں نے این ای – اسپارکس پروگرام کے تحت کامیابی کے ساتھ اپنے دورے مکمل کیے ہیں، جس سے شمال مشرقی علاقے کے 394 طلباء (189 مرد، 205 خواتین) کو سیکھنے کا ایک عمیق تجربہ فراہم کیا گیا ہے۔ ہر بیچ میں شمال مشرق کی تمام آٹھ ریاستوں کی نمائندگی کرنے والے طلباء شامل تھے، ان کے ساتھ ان کے ریاستی رابطہ کار، این ای سی اور این ای ایس اے سی کے کوآرڈینیٹر تھے۔ ڈونر کے مرکزی وزیر نے آج تقریباً 100 طلباء سے ملاقات کی جنہوں نے اسرو کے پریمیئر مراکز کا دورہ کیا اور پروگرام کے اثرات کے بارے میں قیمتی بصیرت حاصل کرنے کے لیے ان کی رائے اکٹھی کی۔

بات چیت کے دوران، مرکزی وزیر نے طلباء کے جوش و جذبے اور تجسس کے لیے ان کی تعریف کی، اس بات پر زور دیتے ہوئے کہ 'خلا ہی آخری سرحد ہے، اور ہندوستان اس چنگاری کی وجہ سے آگے بڑھ رہا ہے جو آپ بچے لے کر جا رہے ہیں۔' انہوں نے ہندوستان کے حالیہ سنگ میلوں پر روشنی ڈالی، بشمول چندریان-3 اور آدتیہ-ایل1 ، اور آئندہ گگنیان مشن، ہر علاقے کے نوجوانوں کو بااختیار بنانے کے لیے حکومت کے عزم کا اعادہ کیا۔

تمام آٹھ شمال مشرقی ریاستوں کے طلباء نے اپنے تجربات پر دل کی گہرائیوں سے عکاسی کی، جس میں سیٹلائٹ کے انضمام کا مشاہدہ کرنے سے لے کر اسرو کے سینئر سائنسدانوں کے ساتھ بات چیت تک شامل ہیں۔ بہت سے لوگوں نے اپنی تعلیمی خواہشات اور سائنس اور ٹکنالوجی میں کیریئر کو آگے بڑھانے کے گہرے عزم میں نئی ​​وضاحت کا اظہار کیا۔ مرکزی وزیر کے حوصلہ افزائی کے الفاظ، خاص طور پر دور دراز علاقوں کے طلباء کے لیے، پروگرام کے جامع وژن پر زور دیتے ہیں۔ انہوں نے کہا، "ہر بچہ ایک چنگاری، تجسس اور ذہانت کی ایک چنگاری رکھتا ہے، جو ملک اور دنیا کے کسی بھی حصے سے جگمگا سکتا ہے۔" تقریب کا اختتام خیالات کے متحرک تبادلے کے ساتھ ہوا، جس نے شمال مشرق سے مستقبل کے سائنسدانوں اور اختراع کاروں کی پرورش میں این ای – اسپارکس کے کردار کی تصدیق کی۔

اس کے بعد کے بیچوں کی منصوبہ بندی ریاستی حکومتوں اور تعلیمی اداروں کے ساتھ قریبی تال میل میں کی گئی ہے تاکہ 800 طلباء کے مجموعی ہدف کی طرف وسیع تر رسائی اور زیادہ اثر کو یقینی بنایا جا سکے۔

**********

 

(ش ح –ا ب ن)

U.No:6245

(Release ID: 2168260)