লাক্লিবা ওক্তোবর ২ দগী ওক্তোবর ৩১, ২০২৫ ফাওবা স্পিসিএল কেম্পেন ৫.০ পাংথোক্নবা ভারত সরকারনা হৌজিক থৌরাং তৌরে। ইনভাইরোনমেন্ত, ফোরেষ্ট অমসুং ক্লাইমেত চেঞ্জ মিনিষ্ট্রিগী ই-ৱেষ্ট মেনেজমেন্ত রুলস, ২০২২ গী মতুংইন্না ই-ৱেষ্ট লোইশিনবদা মীৎয়েং অমা থমদুনা, ফিল্দ ওফিশিংদা থবক শুনবা মফমশিং হাংহন্নবা অমসুং ফিল্দ ওফিসশিং থবক শুবা নুংঙাইনবা স্পিসিএল কেম্পেন ৫.০ না পান্দম থম্লি।

ওক্তোবর ২ দগী ওক্তোবর ৩১, ২০২৪ ফাওবা পাংথোকখিবা স্পিসিএল কেম্পেন ৪.০ দা লু-নানবগী থবকশিং পায়খৎখি, মীয়ামগী খুদোংচাদবশিং মাইপাক্না কোকহনখি, অরিবা রেকোর্দশিং অমসুং ফাইলশিং লৌথোক্তুনা রোমগী ওফিস স্পেস হাংহনখি, হেন্না নুংঙাইবা থবক শুফম ওইহনখি অমসুং লু-নানবগী থবকশিং মাইপাক্না পাংথোকখি।

স্পিসিএল কেম্পেন ৪.০ দা দি.সি.পি.সি হেদক্বাতরশিং শরুক য়াখি অমসুং রেকোর্দ থমজিনবা অমসুং মীয়ামগী থবকশিং পাংথোকখি:

•        ফাইল ২৪৪৩ খঙদোক্লে অমসুং ২৩১ হন্না য়েংশিল্লে অমসুং মফম হাংনবা লৌথোকখ্রে।

•        ই-ফাইল ৪৬৫৬ অমসুং ই-রিসিফ মশক খঙদোক্লে অমসুং ই-ফাইল ৮৫১ অমসুং ই-রিসিফ ২৮৮১ অমুক হন্না য়েংশিল্লে।

•        দিপার্তমেন্তনা মীয়ামগী খুদোংচাদবা অহুম মাইপাক্না ৱারোইশিন পুরকখ্রে।

•        পর্লিয়ামেন্তরি এসুরেন্স নিপান য়েংশিনবগী থবক পাংথোকখ্রে।

•        অমনবা ফর্নিচরশিং, রেকোর্দশিং অমসুং শীজিন্নদ্রবা পোৎলমশিং লৌথোক্তুনা মফমশিং হাংহল্লে অমসুং থবক শুফম হেন্না নুংঙাইহল্লে।

দিপার্তমেন্তগী পি.এস.য়ুশিং অমসুং ওতোনোমস বোদিশিং - সিপেত, আই.পি.এফ.তি, ঐচ.ও.সি.এল অমসুং ঐচ.আই.এলনা কেম্পেন্দা মরুওইবা থৌদাং অমা লৌখি:

•        সিপেতনা ফাইল ৫০০০ য়েংশিনখি, মসিগী কম্পেশিংদা লু-নানবগী থবক ২৯ পাংথোকখি।

•        আই.পি.এফ.তিনা ফাইল ৪০০ মশক খঙদোকপগী মনুংদা ৩০ হন্না য়েংশিনখি অমসুং লু-নানবগী থবক ২ পাংথোকখি।

•        ঐচ.ও.সি.এলনা ফাইল ৬০০ মশক খঙদোকপগী মনুংদা ২৩০ হন্না য়েংশিনখি অমসুং স্পিসিএল কেম্পেন ৫.০ গী থৌরাং তৌরে।

•        ঐচ.আই.এলনা ফাইল ২৫০ মশক খঙদোকপগী মনুংদা ১০০ হন্না য়েংশিনখি অমসুং লু-নানবগী থবক ২ পাংথোকখি।

•       

পি.এস.য়ুশিং অমসুং ইন্সতিতুসনশিংনা অপুনবা ওইনা লু-নানবগী থবক ৪৩ পাংথোকপদা থবক ৩৩ মাইপাক্না লোইশিনখ্রে।

দি.সি.পি.সিনা স্পিসিএল কেম্পেন ৫.০ গীদমক মপুংফানা থৌরাং তৌরে:

•        লম-তু শেংনবা থবকশিং পায়খৎনবা মফমশিং মশক খঙদোকপা।

•        থবক শুফম নুংঙাইনবা ওফিসকী মফমশিং শেমদোক-শেমজিন তৌবা অমসুং ওফিস ফজহনবা।

•        ইনভাইরোনমেন্ত, ফোরেষ্ট অমসুং ক্লাইমেত চেঞ্জ মিনিষ্ট্রিগী নিয়মশিং মতুংইন্না ই-ৱেষ্ট পোৎলমশিং মশক খঙদোকপা অমসুং লোইশিনবা।

•        জি.এফ.আরগী চৎন-কাংলোনশিংগী মতুংইন্না অমনবা পোৎলমশিং মশক খঙদোকপা অমসুং মফম চানা লোইশিনবা।

•        এম.পিশিং, পি.এম.ও, রাজ্য সরকারশিং অমসুং ইন্তর-মিনিষ্টরিএল কেবিনেত নোতশিং হন্না য়েংশিনবা।

•        থা অহুম হেন্না পন্দুনা লৈরক্লবা পর্লিয়ামেন্তরি এসুরেন্স য়েংশিনবা।

•        মীয়ামগী খুদোংচাদবশিং অমসুং ৱাকৎশিং অকক্নবা মতমগী মনুংদা লোইশিনবা।

•       নিয়মশিং অমসুং থবকশিং লাইথোকহনবা, লৈবাক ঙাকপগী থবক ফগৎনবা মওং-মরি তাহনগদবা থবকশিং মশক খঙদোকপা।

•        রেকোর্দ লোইশিনবা: ফাইলশিং হন্না য়েংশিনবা, অরিবা ফাইলশিং হন্দোকখিবা অমসুং মফম হাংনবা ই-ফাইলশিং থুপজিনবা।

স্পিসিএল কেম্পেন ৪.০ গী থবকশিংগী খুৎথাংদা অমসুং স্পিসিএল কেম্পেন ৫.০গী থাজবা থমদুনা, কেমিকেলস অমসুং পেত্রোকেমিকেলস দিপার্তমেন্তনা অরোন-অথুপ লৈতবা, থবক ফজনা পাংথোকপা অমসুং তুংকোইনা চৎনবা য়াবা মীয়ামগী লৈঙাক অমগী সরকারগী পান্দম ফংনবা থবক পায়খৎকনি। মশা নানবা লৈঙাক, দাইত্ব খঙনা মীয়ামগী থবক তৌবা অমসুং থবক ফজনা পাংথোকপা ওফিস ওইহন্নবা পান্দমশিং ফংনবা দিপার্তমেন্তনা মখানা থবক পায়খৎলে।

***

(Release ID: 2167286) Visitor Counter : 2