اسٹارٹ اپ انڈیا  اور کامرس اور صنعت کی وزارت  کے صنعت اور اندرونِ ملک تجارت کے فروغ کےمحکمے (ڈی پی آئی آئی ٹی) نے موبیلٹی ، فن ٹیک، انشورنس ٹیک اور ابھرتے ہوئے ٹیکنالوجی کے شعبوں میں بھارت کے اسٹارٹ اپ ایکو نظام کو مزید مستحکم کرنے کے لیے ایک آٹو ٹیک اور فائنانس سولیوشن پلیٹ فارم ‘ کار دیکھو ’ گروپ کے ساتھ ایک مفاہمت نامے پر دستخط کیے  ۔

اس اشتراک کے تحت ، ڈی پی آئی آئی ٹی اور کار دیکھو گروپ اسٹریٹجک مینٹرشپ ، مارکیٹ تک رسائی ، ٹیکنالوجی کا بنیادی ڈھانچہ اور فنڈنگ کے مواقع فراہم کرکے ڈی پی آئی آئی ٹی سے تسلیم شدہ اسٹارٹ اپس کی ترقی کو تیز کریں گے ۔ اسٹارٹ اپس کار دیکھو کے متنوع پلیٹ فارمز جیسے کار دیکھو ، انشورنس دیکھو ، روپی ، بائیک دیکھو ، زِگ وہیلز ، پاور ڈرفٹ ، ریو ، کالج دیکھو ، کریک-ای ڈی اور دیگر تک رسائی حاصل کریں گے ۔

یہ شراکت داری الیکٹرک موبیلٹی ، آٹو ٹیک ، فائنانس اور پائیداری جیسے شعبوں میں انٹر پرینیور شپ کو فروغ دینے کے لیے ، بھارت اسٹارٹ اپ گرینڈ چیلنج کے تحت اختراعی چیلنجوں کی میزبانی کا بھی جائزہ لے گی ۔ اسٹارٹ اپس کو گِرنار ویژن فنڈ (جی وی ایف) کے ذریعے ڈومین – اسپیسفک گائڈینس اور مشترکہ سرمایہ کاری کے مواقع کے لیے کار دیکھو کے لیڈرشپ نیٹ ورک تک رسائی حاصل ہوگی ۔ بانیوں اور اسٹارٹ اپ ٹیموں کے درمیان کاروباری اور تکنیکی صلاحیتوں کی تعمیر کے لیے کار دیکھو برانڈز کے تعاون سے ہنر مندی کے فروغ کے اقدامات بھی کیے جائیں گے ۔

اس موقع پر خطاب کرتے ہوئے ، ڈی پی آئی آئی ٹی کے جوائنٹ سکریٹری جناب سنجیو نے کہا کہ معروف کارپوریٹس کی مہارت کو بھارتی اسٹارٹ اپس کی اختراعی صلاحیت سے جوڑنے سے نقل و حرکت ، مالیات اور پائیداری کے لیے طاقتور حل سامنے آئیں گے ۔ انہوں نے مزید کہا کہ کار دیکھو کے ساتھ شراکت داری ملک بھر میں تعاون ، صلاحیت سازی اور بازار تک رسائی کے مواقع پیدا کرے گی ۔

کار دیکھو گروپ کے شریک بانی اور سی ای او امیت جین نے کہا کہ کمپنی ، بھارت کے سب سے زیادہ امید افزا اسٹارٹ اپس کے ساتھ مل کر کام کرنے اور لاکھوں لوگوں کو متاثر کرنے والی اختراعات کو آگے بڑھانے کے لیے پرعزم ہے ۔ انہوں نے کہا کہ ڈی پی آئی آئی ٹی کے ساتھ شراکت داری اور اسٹارٹ اپ انڈیا پلیٹ فارم کے ساتھ انضمام کار دیکھو کو موبیلٹی ، فن ٹیک اور اس سے آگے ابھرتے ہوئے کاروباریوں کو رہنمائی ، فنڈ اور مارکیٹ تک رسائی فراہم کرنے کے قابل بنائے گا ۔

اس مفاہمت نامے پر ڈی پی آئی آئی ٹی کے ڈائریکٹر ڈاکٹر سمیت جارنگل اور کار دیکھو گروپ کے شریک بانی اور سی ای او امیت جین نے دونوں تنظیموں کے سینئر عہدیداروں کی موجودگی میں دستخط کیے ۔

 

.................. . ............................................. . ......................

( ش ح ۔ م م  ۔ ع ا )

U. No. 6029

(रिलीज़ आईडी: 2166805) आगंतुक पटल : 23