नवी दिल्ली, 12 सप्टेंबर 2025

भारतीय नौदलाचा नवीन नौदल तळ ‘आयएनएस अरावली’ चा 12 सप्टेंबर 2025 रोजी नौदल प्रमुख अ‍ॅडमिरल दिनेश के त्रिपाठी यांच्या उपस्थितीत गुरुग्राम येथे प्रारंभ करण्यात आला.

एका शानदार कमिशनिंग समारंभात, नौदल प्रमुखांना 50 जवानांनी मानवंदना दिली. युनिटचे पहिले कमांडिंग ऑफिसर कॅप्टन सचिन कुमार सिंग यांनी संस्कृतमध्ये मंगलाचरण केले आणि त्यानंतर कमिशनिंग वॉरंट वाचले. नेव्ही वेल्फेअर ॲंड वेलनेस असोसिएशन (एनडब्ल्यूडब्ल्यूए) च्या अध्यक्ष शशी त्रिपाठी यांनी कमिशनिंग फलकाचे अनावरण केल्यानंतर, राष्ट्रगीताच्या तालावर नौदलाचा ध्वज फडकवण्यात आला. राष्ट्रगीताच्या शेवटच्या स्वरात, कमिशनिंगची प्रक्रिया पूर्ण झाली.

या समारंभात व्हाइस एडमिरल संजय वात्सयन, व्हाइस एडमिरल, व्हाइस एडमिरल तरुण सोबती, डीसीएनएस, वरिष्ठ नौदल अधिकारी आणि मान्यवर उपस्थित होते.

आयएनएस अरावली ही सुविधांच्या वाढत्या प्रमाणासह अत्याधुनिकतेशी सुसंगत, मजबूत प्रशासकीय आणि लॉजिस्टिक सहकार्य प्रदान करते, ज्यामुळे अखंड कार्यान्वयन सुनिश्चित होते, असे नौदल प्रमुखांनी आपल्या भाषणात सांगितले.

"हे नवीन तळ केवळ तंत्रज्ञानाचे केंद्रच नाही तर महासागरांमधील आपले प्लॅटफॉर्म आणि भागीदारांना जोडणारा दुवा देखील असेल. हा तळ पंतप्रधान मोदी यांच्या महासागर किंवा प्रदेशांमधील सुरक्षा आणि विकासासाठी परस्पर आणि समग्र प्रगतीच्या सहयोगी दृष्टिकोनाचे खरे मूर्त स्वरूप असून तो हिंद महासागर क्षेत्रात पसंतीचा सुरक्षा भागीदार म्हणून भारताची भूमिका आणखी मजबूत करेल" असेही ते म्हणाले.

सुषमा काणे/श्रद्धा मुखेडकर/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(रिलीज़ आईडी: 2166161) आगंतुक पटल : 25