مورخہ 11-12 ستمبر ،2025 ء کو اٹلی کےروم  میں منعقدہ چوتھے کوسٹ گارڈ گلوبل سربراہ اجلاس (سی جی جی ایس) میں ، بھارتی کوسٹ گارڈ (آئی سی جی) نے عالمی سمندری حکمرانی کو مضبوط اور محفوظ بنانے، صاف ستھرے اور زیادہ محفوظ سمندروں کے ایجنڈے کی تشکیل میں آئی سی جی کو ایک اہم شراکت دار کے طور پر قائم کرنے کے بھارت کے عزم کا اعادہ کیا ۔ ڈائریکٹر جنرل آئی سی جی پرمیش شیومانی کی قیادت میں بھارتی آئی سی جی کے دو رکنی وفد نے ‘ گارڈین اگینسٹ دی بلیز: آئی سی جی کا ٹیکٹیکل رسپانس ٹو فائر ایمرجنسیز ’  کے عنوان سے ایک لیکچر دیا ، جس میں سمندری حفاظت اور سلامتی کو فروغ دینے میں ، بھارت کی مہارت اور تعمیری کردار کو اجاگر کیا گیا ۔ آئی سی جی نے 5 ویں سی جی جی ایس کی صدارت کے لیے بولی لگانے کے اپنے ارادے کا بھی اعلان کیا ، جس کی میزبانی 2027 ء میں بھارت میں کرنے کا منصوبہ ہے ۔

اس سربراہ اجلاس میں 115 ممالک اور بین الاقوامی تنظیموں کے نمائندوں نے شرکت کی۔ اجلاس کی مشترکہ صدارت اٹلی اور جاپان نے کی، جس میں عالمی سمندری ماحول کے تحفظ کے لیے اجتماعی اور مربوط نقطۂ نظر اپنانے پر زور دیا گیا۔یہ اجلاس میری ٹائم سیفٹی، سمندر کے ماحولیاتی تحفظ( میرین انوائرمنٹ پروٹیکشن)، آلودگی کے واقعات میں ہنگامی ردعمل، قدرتی آفات، سمندری حادثات اور میری ٹائم سکیورٹی کے شعبوں میں بہترین طریقۂ کار کے تبادلے کے لیے ایک مؤثر پلیٹ فارم ثابت ہوا۔گفتگو میں جدید ٹیکنالوجیز کے استعمال، صلاحیت سازی، انسانی وسائل کی ترقی اور "سرپرستِ سمندر" کی مشترکہ اخلاقیات کے تحت بین علاقائی و بین الاقوامی تعاون کو فروغ دے کر بین الاقوامی سمندری جرائم سے نمٹنے پر بھی خاص توجہ مرکوز کی گئی۔

سب سے پہلے 2017 ء میں جاپان کوسٹ گارڈ اور نپون فاؤنڈیشن کے ذریعے منعقد کیا گیا ، سی جی جی ایس ،بات چیت اور اعتماد سازی کے لیے ایک اہم طریقہ کار میں تبدیل ہوا ہے ۔ چوتھے ایڈیشن کے لیے ، اٹلی کی وزیر اعظم ، جارجیا میلونی  اور جاپان کے وزیر اعظم شیگیرو اشیبا (ورچوئل طور پر) نے سمندری آلودگی کے ردعمل ، سمندری تلاش اور بچاؤ  اور سمندری قانون کے نفاذ میں کوسٹ گارڈ کے تعاون کی اہمیت  کو اجاگر کیا ۔

 

 

 

 *************

( ش ح  ۔ ش ت ۔ ع ا )

U.No. 5938

(Release ID: 2166015) Visitor Counter : 2