قومی ای-حکمرانی ڈویژن (این ای جی ڈی )، وزارتِ الیکٹرانکس اور اطلاعاتی ٹیکنالوجی (ایم ای آئی ٹی وائی) کے تحت، انڈین انسٹی ٹیوٹ آف مینجمنٹ کولکاتا (آئی آئی ایم سی) کے ساتھ شراکت میں، ‘ڈیجیٹل گورننس اور ڈیٹا مینجمنٹ’ کے تربیتی پروگرام کے تیسرے بیچ کو کامیابی سے مکمل کر چکی ہے۔ یہ پروگرام 8 تا 10 ستمبر 2025 کو آئی آئی ایم کولکاتا کیمپس میں منعقد کیا گیا۔

پہلے دو بیچز کی شاندار کامیابی کے بعد، اس تیسرے سیشن میں ملک بھر سے 28 سینئر سرکاری اہلکاروں کو اکٹھا کیا گیا، جن میں مرکزی متعلقہ وزارتوں اور ریاستی محکموں کے نمائندے شامل تھے، جیسے نئی دہلی، کرناٹک، راجستھان، آسام، بہار، اتر پردیش، جھارکھنڈ، جموں و کشمیر، پنجاب، اور مغربی بنگال۔

یہ اقدام ڈیجیٹل انڈیا پروگرام کے تحت صلاحیت سازی اسکیم کا ایک اہم حصہ ہے۔ یہ 2.5 روزہ گہرا اور حسب ضرورت پروگرام بھارت کے سینئر بیوروکریٹس کو وہ اسٹریٹجک علم اور عملی مہارتیں فراہم کرنے کے لیے تیار کیا گیا ہے جو قومی ڈیجیٹل تبدیلی کی قیادت کرنے اور مؤثر حکمرانی کے لیے ڈیٹا کی طاقت کو بروئے کار لانے کے لیے ضروری ہیں۔

نصاب کے اہم موضوعات میں شامل تھے:

• جدید ڈیٹا گورننس: قومی ڈیجیٹل اثاثوں کے انتظام کے لیے لائحہء عمل اور جدید طریقہ کار۔

• سائبر سیکیورٹی اور پرائیویسی: ڈیٹا کی حفاظت اور شہریوں کی پرائیویسی کو یقینی بنانے کے لیے مضبوط اقدامات کا نفاذ۔

• ڈیٹا پر مبنی فیصلہ سازی: موثر پالیسی سازی اور تنظیمی تبدیلی کے لیے تجزیے کا استعمال۔

• ڈیجیٹل قیادت: شہری مرکزیت پر مبنی ای-گورننس منصوبوں کے نفاذ اور قیادت کے لیے حکمت عملی۔

نصاب خاص طور پر سرکاری انتظامیہ کو درپیش جدید چیلنجز کو مدنظر رکھتے ہوئے تیار کیا گیا ہے۔ سینئر اہلکاروں کی شرکت اور بصیرت سیکھنے کے تجربے کو سب کے لیے بہت زیادہ فائدہ مند بناتی ہے۔

یہ کیپیسٹی بلڈنگ اسکیم حکومت کے اندر ایک وسیع ڈیجیٹل ماحولیاتی نظام قائم کرنے کے لیے ہے، جو اعلیٰ معیار، قابل رسائی، اور شہری مرکزیت پر مبنی خدمات کی فراہمی کو ممکن بنائے گی۔

***

ش ح ۔   م د   ۔  م  ص

(U : 5815 )

(Release ID: 2165075) Visitor Counter : 2