خواتین اور بچوں کی ترقی کی وزارت ( ایم او ڈبلیو سی ڈی) نے محکمہ اسکولی تعلیم اور خواندگی ( ڈی او ایس ای اینڈ ایل) کے تعاون سے، وزارت تعلیم نے آج (3 ستمبر 2025) کو وگیان بھون، نئی دہلی میں اسکولوں کے ساتھ ساتھ آنگن واڑی مراکز کا تعین کرنے کے لیے رہنما خطوط جاری کیے۔

خواتین اور بچوں کی ترقی کی مرکزی وزیر محترمہ اناپورنا دیوی اور مرکزی وزیر تعلیم جناب دھرمیندر پردھان بھی اس تقریب میں موجود تھے۔ خواتین اور بچوں کی ترقی کی وزارت اور تعلیم کی وزارت کے سینئر افسران، ریاستوں/ مرکز کے زیر انتظام علاقوں کے نمائندوں اور آنگن واڑی کارکنوں نے بھی اس تقریب میں شرکت کی۔

‘‘آنگن واڑی سے اسکول تک - ایک کیمپس، ایک خواب’’ ۔ یہ پہل ترقی یافتہ ہندوستان میں انسانی سرمائے کی مضبوط بنیاد بنانے کے وزیر اعظم جناب نریندر مودی کے ویژن کو عملی جامہ پہنانے کی سمت  میں ایک اہم قدم ہے۔ یہ رہنما خطوط ایک ہی کیمپس میں آنگن واڑی مراکز اور اسکولوں کے مربوط ماڈل کے ذریعے ابتدائی بچپن کی دیکھ بھال اور تعلیم (ای سی سی ای) کی اہمیت کو اجاگر کرتے ہیں۔ 2.9 لاکھ سے زیادہ آنگن واڑی مراکز پہلے سے ہی اسکول کیمپس میں موجود ہیں، یہ رہنما خطوط آپریشنل وضاحت فراہم کرتے ہیں اور ریاستوں اور مرکز کے زیر انتظام علاقوں کو اس ماڈل کو مؤثر طریقے سے نافذ کرنے کے قابل بنائیں گے۔

اس موقع پر خطاب کرتے ہوئے خواتین اور بچوں کی ترقی کی مرکزی وزیر محترمہ نے اناپورنا دیوی نے کہا کہ آنگن واڑیوں کو اسکولوں سے جوڑنا بچوں کے سیکھنے کے سفر کی مضبوط بنیاد رکھتا ہے۔ یہ ابتدائی بچپن کی دیکھ بھال سے باضابطہ اسکولنگ تک ہموار منتقلی کو یقینی بناتا ہے اور بچوں کی مجموعی نشوونما میں حصہ ڈالتا ہے۔ یہ رہنما خطوط ریاستوں اور مرکز کے زیر انتظام علاقوں کے لیے اس مربوط ماڈل کو آگے لے جانے اور ایک صحت مند، تعلیم یافتہ اور بااختیار نوجوان نسل کے وزیر اعظم کے ویژن کو پورا کرنے کے لیے ایک اہم روڈ میپ کے طور پر کام کریں گے۔

اپنے خطاب میں مرکزی وزیر تعلیم جناب دھرمیندر پردھان نے کہا کہ ابتدائی بچپن کی تعلیم زندگی بھر سیکھنے کی بنیاد بناتی ہے۔ آنگن واڑیوں کو اسکولوں سے جوڑ کر ہم شروع سے ہی ایک ہموار اور قابل سیکھنے کا ماحول بنا رہے ہیں۔ خواتین اور بچوں کی ترقی کی وزارت اور تعلیم کی وزارت کی یہ مشترکہ کوشش نہ صرف بنیادی خواندگی اور اعداد کو مضبوط کرے گی بلکہ ترقی یافتہ ہندوستان کے ہدف کو حاصل کرنے کے لیے ہندوستان کے انسانی سرمایہ کو ترقی دینے میں بھی اہم رول ادا کرے گی۔

ان رہنما خطوط کے اجراء سے بین وزارتی تال میل کو مزید مضبوط بنانے اور ہر بچے کے لیے جامع ترقی اور معیاری تعلیم کو یقینی بنانے میں ریاستوں اور مرکز کے زیر انتظام علاقوں کی مدد کی توقع ہے۔

*******

ش ح۔ ظ ا- م ش

UR  No. 5637

(Release ID: 2163593) Visitor Counter : 2