এজুকেসন মন্ত্রালয়না সেপ্তেম্বর ৫, ২০২৫, ওজাশিংগী নুমিৎকী থৌরমদা ওজাশিংদা নেস্নেল এৱার্দ ২০২৫ পীবগী থৌরম পাংথোক্কনি। থৌরম অসিনা লৈবাক শীনবা থুংনা লৈরিবা শক্নাইরবা ওজাশিংবু ইকাই খুম্নবা উৎকনি অমসুং এজুকেসনগী লমদা মখোয়গী মমল য়াম্লবা থৌদাংশিংবু মশক খঙগনি। মনিপুরগী ইম্ফাল ৱেস্ততা লৈবা ঘরি অপ্পর প্রাইমরী স্কুলগী ওজা শ্রীমতি কোইজম মচাসনা অসি দিপার্তমেন্ত ওফ স্কুল এজুকেসন এন্দ লিতরেসীগী ওজা ৪৫গী মনুংদা অমনি।

এৱার্দ ফংলবশিংগী মনুংদা স্কুল এজুকেসন অমসুং লিটরেসী দিপার্তমেন্ত অমসুং হায়র এজুকেসন দিপার্তমেন্তকী ওজাশিং য়াওরি।

শ্রীমতী কোইজম মচাসনা, ১৪০৬০২০৫৫০১, ঘরী অপ্পর প্রাইমারী স্কুল, ইম্ফল ৱেষ্ট, মনিপুর – ৭৯৫১৪০

শ্রীমতী কোইজম মচাসনা অসি তশেংনা মিৎয়েং শানবা লুচিংবা অমনি। মহাক্না শিংনবশিং অদু মশক খঙদোকপা ঙম্মী অমসুং মখোয়শিং অদু থেংননবা থৌরাং অমা শেম্বা ঙম্মী। স্কুলগী হেদমাস্তর অমা ওইনা মহাক্কী রিভোলুস্নরী লিদরশিপ অসি মহাক্কী স্কুলগী খ্বাইদগী মরুওইবা শিংনবশিং: মমা-মপাগী চিংনবশিং, কম্যুনিতীগী ফত্তবা পার্তনরশিপ, অমসুং স্কিল-বিল্দিং লর্নিং দিফিসিৎশিংবু অচুম্বা মওংদা য়েংলগা হৌরকখি। অকীবগী মতৌ উত্তনা তৌদনা, মহাক্না হায়রিবা হীরমশিং অসি কোকহন্নবগীদমক্তা এম্বিসিয়স ওইবা স্ত্রাতেজিক প্লান অমা শেমখি।

শ্রীমতী মচাসনাগী খ্বাইদগী ইফেক্তিব ওইবা স্ত্রেতজীদি মহাক্কী অনৌবা স্তাইল কম্ম্যুনিতী এঙ্গেজমেন্ত, মরু ওইনা মহাক্কী অর্লি চাইল্ডহুদ কেয়র অমসুং এজুকেসন (ই.সি.সি.ই.) মহাক্না খুঙ্গংগী নহা ওইরিবা মমাশিংগা হকথেংননা ৱারী শানখি, মখোয়দা এন.ই.পি. অমসুং ই.সি.সি.ই.গী কাংলোনশিং তম্বীখি, অমসুং মসিগী খোঙথাং অসিনা স্কুল অসিগী চাউখৎলক্লিবা প্রি-প্রাইমরী ৱিং অমা লিংখৎপা খক নত্তনা পুন্না থবক তৌমিন্নবা অমসুং থাজবগী অনৌবা থাক অমা শেমখি। মখোয়বু শক্তি পীরদুনা, মহাক্না মহৈরোইশিংবু খক্তমক য়াওহনখিদে- মহাক্না অচেৎপা, কোলাবোরেতিব কম্ম্যুনিতী অমা শেমখি। মহাক্কী লুচিংবা অসিনা উৎলি মদুদি মপুং ফাবা, মীওইবদা য়ুম্ফম ওইবা থৌরাং তৌবনা অৱাবা অসি অচৌবা মাইপাকপদা ওন্থোকপা ঙম্মি।

মরুওইবা এরিয়া: মীওইবদা মীৎয়েং চঙবা প্লানিং অমসুং মমা অদুবু অঙনবা অঙাং ওইরিঙৈগী কেয়র অমসুং এজুকেসন্দা শরুক য়াহনবা।

*****

(रिलीज़ आईडी: 2163159) आगंतुक पटल : 10