وزارت تعلیم نے سنٹرل یونیورسٹی آف تمل ناڈو (سی یو ٹی این) تھروورور میں جامع بنیادی ڈھانچے کی توسیع کے لیے ہائر ایجوکیشن فنانسنگ ایجنسی (ایچ ای ایف اے) کے ذریعے کل 385.27 کروڑ روپے کے اخراجات کو منظوری دی ہے ۔

 نئی منظور شدہ فنڈنگ سےسی یو ٹی این نئے تعلیمی اور رہائشی سہولیات کی تعمیر کر سکے گا،جن میں جدید ترین تعلیمی بلاک، طلباء اور تحقیقی  اسکالرز کے لیے اضافی ہاسٹلز، اور فیکلٹی/سٹاف کی رہائشیں شامل ہیں۔ ایک مخصوص سائنس انسٹرومنٹیشن سینٹر بھی قائم کیا جائے گا، جو جدید آلات سے لیس ہوگا تاکہ اعلیٰ سطح کی تحقیق ممکن ہو سکے۔

ایچ ای ایف اے کی مالی اعانت سے چلنے والے پروجیکٹ کو بڑی حد تک وزارت تعلیم کی گرانٹ کے ذریعے خدمات فراہم کی جائیں گی ۔

 منظور شدہ منصوبوں میں شامل ہیں:

• نئے تعلیمی بلاک کی تعمیر –96.40 کروڑ روپے
• 300 بستر والے لڑکیوں کے ہاسٹلز –46.63 کروڑروپے
• 300 بستر والے لڑکوں کے ہاسٹلز –46.91 کروڑروپے
• سائنسی انسٹرومنٹیشن سینٹر –19.95 کروڑروپے
• سائنسی آلات کی خریداری –16.84 کروڑروپے
• انتظامی بلاک کی توسیع –46.16 کروڑ روپے
• فیکلٹی اور اسٹاف (تمام زمروں) کے لیے رہائشیں –62.97 کروڑ روپے
• 400 بستر والے ریسرچ اسکالر ہاسٹلز –42.60 کروڑروپے

 

یہ اہم سرمایہ کاری یونیورسٹی کے تعلیمی ماحول کو بہتر بنائے گی، طلباء اور ریسرچ اسکالرز کے لیے رہائشی سہولیات میں نمایاں بہتری لائے گی اور جدید لیبارٹریز اور آلات فراہم کرے گی—اس بات کو یقینی بناتے ہوئے کہ سی یو ٹی این اپنی تعلیمی کمیونٹی کی بدلتی ہوئی ضروریات کو پورا کرنے اور قومی اعلیٰ تعلیم کی ترقی میں اپنا کردار ادا کرنے کے لیے مکمل طور پر تیار ہو۔

 

****

(ش ح –م ع ن- م ا)

U. No.5449

(Release ID: 2161954) Visitor Counter : 15