کشوک بکولا رن پوچے پر ایک اہم دستاویزی فلم کا پریمیئر 27 اگست 2025 کو شام 6:00 بجے انڈیا انٹرنیشنل سینٹر (آئی آئی سی)، نئی دہلی میں ہوا۔ او پی جندل گلوبل یونیورسٹی کے پروفیسر ڈاکٹر ہندول سین گپتا کی ہدایت کاری میں بننے والی اس فلم میں بدھ  بھکشو اور سفارت کار کو خراج تحسین پیش کیا گیا جنہوں نے جدید لداخ کی تشکیل اور منگولیا میں بدھ مت کو زندہ کرنے میں اہم کردار ادا کیا تھا۔ تقریب کے مہمان خصوصی   اورہندوستان میں منگولیا کے سفیر  عالی جناب  گن بولڈ دمجاو اور انٹرنیشنل بدہسٹ کنفیڈریشن (آئی بی سی) کے ڈائریکٹر جنرل شری ابھیجیت ہالڈر مہمان خصوصی تھے، جو ایک ویڈیو پیغام کے ذریعہ عملی طور پر شامل ہوئے۔ اسکریننگ کے بعد پروفیسر سین گپتا اور پروفیسر روندر پنتھ، ڈائریکٹر (اکیڈمک)، آئی بی سی کے درمیان  تبادلہ خیال ہوا۔

 

کشوک بکولا رن پوچے نےا سپیٹک، لداخ میں پیتھوپ گومپا کے روحانی سربراہ کے طور پر خدمات انجام دیں، اور ان کے پیروکار بدھ امیتابھ کے اوتار کے طور پر ان کی تعظیم کرتے ہیں۔ ان کا ماننا ہے کہ وہ اصل سولہ ارہات میں سے تھا — جو بدھ کے قریبی شاگرد تھے — اور یہ دعویٰ کرتے ہیں کہ ان کے گزشتہ  19 اوتار تبتی صحیفے نیتن چگچوت میں درج ہیں۔

دستاویزی فلم میں رن پوچے کے شاندار سفر کو بیان کیا گیا ہے، جس میں لداخ کے نوجوانوں کو آزادی کے بعد اپنی سرزمین کا دفاع کرنے کے لیے ریلی نکالنے سے لے کر دس سال تک منگولیا میں ہندوستان کے سفیر کے طور پر ان کے تبدیلی لانے والے کردار تک کا ذکر ہے۔ ان کی کوششوں نے کمیونزم کے زوال کے بعد خطے میں بدھ مت کو دوبارہ زندہ کرنے میں مدد کی، جس میں اولانبتار میں ایک خانقاہ کی تعمیر بھی شامل ہے، جو انہوں  نے لداخ میں قائم کی تھی۔ سربراہان مملکت سمیت متعدد پیروکاروں کے ساتھ، ان کا اثر و رسوخ بہت زیادہ تھا۔

فلم نے جواہر لعل نہرو سے لے کر اندرا گاندھی اور اٹل بہاری واجپئی تک ہندوستان کی سیاسی قیادت کے ساتھ رن پوچے کے گہرے روابط کا بھی پتہ لگایا۔ اس نے ایک ایسے شخص کا پورٹریٹ پیش کیا جس کا اثر سرحدوں سے آگے چلا گیا، جس نے دو  ممالک  کے روحانی اور سیاسی منظر نامے کو تشکیل دیا۔ اس طاقتور داستان کو سنیماٹوگرافر کوٹیشور راؤ نے زندہ کیا اور گرین میڈیا کے رشی سوری نے پروڈیوز کیا۔

 عالی جناب گن بولڈ دمبجاو ، ہندوستان میں منگولیا کے سفیر نے کہا – ‘‘کشوک بکولا رن پوچے ایک عظیم آدمی تھے۔ انہوں نے 11 سال تک منگولیا میں ہندوستان کے سفیر کے طور پر خدمات انجام دیں۔ ایک نوجوان اسکالر کی حیثیت سے مجھے ان کے ساتھ منگولیا کے مختلف مقامات کے دوروں پر جانے کا موقع ملا۔ مجھے ان کی منگولیا کی آمد کے موقع پر ان کی آمد کا اعزاز حاصل ہوا۔ ان کی موجودگی اور آشیرواد کی وجہ سے، ہم لوگوں اور حکومت ہند کے شکر گزار ہیں کہ انہوں نے رن پوچے کی بدولت منگولیا میں واپسی کی۔’’

انہوں نے مزید کہا کہ‘‘لوگ عام طور پر وزرائے اعظم کا انتظار کرتے ہیں، تاہم، منگولیا میں اس کے بالکل برعکس تھا۔ اپنے دور میں، ہمارے صدر نے رن پوچے کی آمد کا بے صبری سے انتظار کیا۔ ہندوستان میں منگولیا کے سفیر نے ایسے قابل ذکر سفیر بھیجنے پر ہندوستانی حکومت کا تہہ دل سے شکریہ ادا کیا۔ یو ایس ایس آر کے تحت 70 سال کے خونریزی کے بعد بدھ مت دوبارہ زندہ ہونا شروع ہوا- اور اس وقت، منگولیا کو واقعی بکولا رن پوچے کی رہنمائی کی ضرورت تھی۔’’  جناب  ابھیجیت ہلدر، ڈی جی آئی بی سی نے کہا کہ‘‘میں پروفیسر ہندول سین گپتا، پروڈیوسر رشی سوری اور تمام فلم سازوں کی کاوشوں کی دل کی گہرائیوں سے  ستائش  کرتا ہوں جنہوں نے کشوک بکولا رن پوچے کی میراث کو انتہائی شاندار طریقے سے پیش کیا ۔ میں کشوک بکولا رن پوچے کے ساتھ 1990 سے جڑا ہوا ہوں، جب میں ایک نوجوان افسر تھا، جب وہ ماسکو میں ہندوستان کے سفارت خانے کا مختصر دورہ کیا تھا، تب سے 35 سال ہو چکے ہیں اور میں ان کی میراث کو زندہ رکھنے کی کوشش کرتا ہوں۔ آئی بی سی میں شامل ہونے کے بعد ہم نے اس بات کو یقینی بنانے کے لیے کام کیا ہے کہ لوگ بدھ دھما کے لیے اس کے بے پناہ تعاون کو سمجھیں۔

انہوں نے مزید کہا کہ "ہم نے بکولا رن پوچے کے مجسمے کلمیکیہ، بوریاٹیہ، تھووا اور منگولیا، دو سینٹ پیٹرزبرگ اور ماسکو بھیجے ہیں۔ میں شکر گزار ہوں کہ رن پوچے  آتما کے ساتھ ہماری نمائندگی کرتے رہتے ہیں۔ لیہہ میں شانتی اسٹوپا، جو بدھ بھکشوؤں کے درمیان  واقع ہے، جاپان اور ہندوستان سے 1983 میں تعمیر کیا گیا تھا۔’’

فلم میں شامل منگولیا کے سابق صدر نمبرین اینکھ بیار نے کہا:‘‘وہ مجھے مہاتما گاندھی کی یاد دلاتے ہیں۔ میں نے گاندھی کے بارے میں بہت کچھ پڑھا ہے۔ بکولا ان  ہی کی طرح ایک  دور اندیش شخصیت تھی، انہوں نے منگولیا کے لوگوں کے دل جیت لیے۔ بدھ کا دن منانا منگولیا میں ایک بھولی ہوئی روایت بن گئی تھی، لیکن بکولا نے اس کی پہلی علامت بُدھ ڈے کا آغاز کیا۔ بہت سے فراموش کئے  ہوئے سالوکے بعد دوبارہ منعقد ہوا، اب پارلیمنٹ نے بدھ کا دن سرکاری طور پر منانے کی قرارداد منظور کی ہے’’۔

لاماپُربت سے اگلگ بتیل منستری جنہیں فلم میں دکھایا گیا  ہے، نے ہندوستان میں تھانگکا پینٹنگ سیکھی، جبکہ شیرن ڈورلنگ نے وہاں مراقبہ کی تعلیم حاصل کی۔ آج، منگولیا وپاسنا کی مشق کے لیے مشہور ہے- اور یہ دونوں افراد اب بھی کشوک  بکولا کو اس کو ممکن بنانے کا سہرا دیتے ہیں۔

 

یہ بکولا ہی تھے جنہوں نے انہیں ہندوستان بھیجا تھا- وہ گہرائی سے سمجھتے تھے کہ کس طرح نظریہ اور عمل کو ساتھ ساتھ  لے کر چلنا چاہیے۔ علم اور تجربے کے انضمام کے ذریعے لوگوں کو متاثر کر کے انہوں  نے اس طرح معاشرے کی خدمت کی ۔ یہی وجہ ہے کہ بہت سے لوگوں نے ہندوستان کا سفر کیا، جن میں معروف مراقبہ  بھکشو سرندے بھی شامل ہیں۔

سونم وانگ چک جو کشوک بکولا رن پوچے کی سوانح نگار ہیں، نے فلم میں ارہت بکولا کے بارے میں لکھا ہے، جن کی دوبارہ پوجا کی جانے لگی، جیسا کہ یہ پیشین گوئی کی گئی تھی کہ بکولا کا اوتار ظاہر ہوگا۔ اس زمانے میں جب سوویت یونین کے اثر و رسوخ کی وجہ سے بدھ مت زوال کا شکار تھا، کشوک بکولا رن پوچے کی آمد نے بہت سے لوگوں کو یقین دلایا کہ پیشن گوئی سچ ہو گئی ہے۔

یہ فلم میں بتایاگیا ہے- ایک سفارت کار کے لیے ایک ملک میں طویل مدت کے لیے خدمات انجام دینا شاذ و نادر ہی ہوتا ہے - عام طور پر، زیادہ سے زیادہ تین سال کے قریب ہوتا ہے۔ تاہم، کشوک بکولا  جوزیادہ دیر منگولیا میں رہے اور 1993 میں بدھ کے مقدس آثار کو وہاں لے آئے۔ وہ کسی دوسرے کے برعکس بدھ مت کے استاد تھے- ان کی خدمات و تعاون کو صرف سفارت کاری کی عینک سے نہیں سمجھا جا سکتا۔ وہ ایک حقیقی روحانی استاد تھے۔

سابق ایس جی، آئی بی سی دھماپیا نے کہا کہ بکولا نے دھما کی طاقت کے ذریعے روس، منگولیا اور ہندوستان کے درمیان دوستی کے پل کا کام کیا۔ کشوک بکولا رن پوچے کی تعظیم میں منگولیا میں سابق ہندوستانی سفیر ایم پی سنگھ نے منگولیا میں ہندوستانی سفارتخانے میں ان کے زیر استعمال  عبادت کے  ہال کو ویسا ہی رکھا ہے۔ انہوں نے ریمارکس دئیے کہ کشوک بکولا رن پوچے کی شراکت نے دونوں ممالک کے درمیان دو طرفہ اور اقتصادی تعلقات کو مضبوط کیا۔

فلم کی نمائش کے بعد پروفیسر سین گپتا اور پروفیسر روندر پنتھ کے درمیان بات چیت ہوئی۔ پروفیسر سین گپتا نے پروفیسر پنتھ کا خیرمقدم کیا، جنہوں نے انہیں مبارکباد دی اور کہا کہ جہاں بھی بدھ دھما موجود ہے، آئی بی سی اس کی حمایت کے لیے موجود ہے۔ پروفیسر پنتھ نے ذکر کیا کہ اقوام متحدہ پہلے ہی ویساک کو اقوام متحدہ کے یوم ویساک ( یو این ڈی وی) کے طور پر تسلیم کر چکی ہے، جو بدھ کی تعلیمات کی عالمگیر مطابقت کی تصدیق کرنے کے مترادف ہے۔ مثال کے طور پر، وپاسنا ہمیں چیزوں کو دیکھنا سکھاتی ہے جیسا کہ وہ واقعی خود مشاہدہ اور خود شناسی کے ذریعے ہیں۔ آنکھیں بند کرکے اندر کی طرف جھانکنے سے صاف نظر آنے لگتا ہے۔ بدھ مت اور وپاسنا دونوں ہی سب کے لیے ہیں، جو حکمت اور اندرونی سکون کا ایک لازوال راستہ پیش کرتے ہیں۔

انہوں نے اس بات پر بھی زور دیا کہ کشوک بکولا سماج ومعاشرے کے لیے ایک عملی  بھکشو تھے۔ انہوں نے اس بات کا اعادہ کیا کہ رن پوچے کا پیغام یہ تھا کہ دھما کو افراد کے ذریعہ عمل میں لانا ہے اور اسے روایت اور عمل کو یکجا کرکے لوگوں تک پہنچانا ہے۔ یہ پیغام سب تک پہنچنا چاہیے کہ وہ خود کو بھی پاکیزہ بنائیں اور دوسروں کو بھی اس کی  ترغیب دیں۔

سامعین کے ایک رکن کے ساتھ بات چیت کا اختتام ہوا، اپنے تجربے کا اشتراک کرتے ہوئے جو رن پوچے کو بچپن سے جانتی تھی اور ان کے انتقال سے صرف ایک ماہ قبل ان سے ملی تھی،  کہا: ‘‘بدھ مت کی جس نوعیت پر وہ عمل کرتے تھے، اس کی جڑیں وجریانا روایت سے جڑی ہوئی تھیں۔ پھر بھی، وہ لداخ کے طلباء کو تھیرواد بدھ مت کا مطالعہ کرنے کے لیے بھیجنے کے لیے پرعزم تھے، جو کہ ان کی ذاتی دلچسپی کی عکاسی کرتا ہے۔ عقیدے کے بارے میں غیر فرقہ وارانہ نقطہ نظر سے جب میں نے ان کی سوانح عمری پڑھی تو مجھے احساس ہوا کہ وہ ایک سیاستدان کے طور پر کتنے ذہین تھے: ایک ہی وقت میں ایک راہب اور سفارت کار۔’’ انہوں نے اس سمت میں کوششیں کرنے پر آئی بی سی  کا شکریہ ادا کیا۔

 

*******

) ش ح –ظ ا- م ش)

UR No. 5387

(Release ID: 2161452) Visitor Counter : 11