کامرس سکریٹری جناب سنیل برتھوال نے کہا کہ سینٹر فار ریسرچ آن انٹرنیشنل ٹریڈ کے مراکز بھارت کے تجارتی مفادات کو آگے بڑھانے میں کلیدی ذمہ داریاں نبھا رہے ہیں۔ انہوں نےسینٹر فار ٹریڈ اینڈ انویسٹمنٹ لاء کی 8ویں سالگرہ کی تقریب میں یہ بات کہی ، جو کہ وزیر اعظم کے میوزیم اور لائبریری، ٹین مورتی ہاؤس نئی دہلی میں منعقد ہوئی۔ تقریب کے مہمان خصوصی جناب سنیل برتھوال نے اس بات پر زور دیا کہ مراکز کے ذریعہ کئے جانے والے کامبھارت کے قومی مفادات کے ساتھ گہراربطہے۔ انہوں نے اس بات پر زور دیا کہ تجارتی مذاکرات کی رازداری کے تحفظ کے لیے ان کا قیام بہت اہم ہے، جبکہ ساتھ ہی ساتھ اندرون ملک مضبوط صلاحیت کی ترقی میں بھی اپنا کردار ادا کر رہا ہے۔

ڈاکٹر جسٹس ڈی وائی چندرچوڑ، سابق چیف جسٹس آف انڈیا اور تقریب کے مہمان خصوصی، نے ریاستی صلاحیت کو فروغ دینے میں وکلاء اور تھنک ٹینکس کے کردار پر زور دیا جو ریاستی دستکاری میں اسٹریٹجک اہمیت رکھتا ہے۔جناب چندرچوڑ نے تبصرہ کیا کہ سی ٹی آئی ایل کا کردار تجارت اور سرمایہ کاری کے قانون کے شعبے میں ضروری مہارت اور مہارت لا کر حکومت کی صلاحیت کو بڑھا رہا ہے۔ انہوں نے نوٹ کیا کہ کس طرح صلاحیت کی تعمیر کے اقدامات نے تجارتی مذاکرات اور تصفیہ میں نتائج برآمد کرنا شروع کر دیے ہیں۔جناب چندرچوڑ نے ٹریڈ لیب جیسے تجرباتی سیکھنے کے پروگراموں میں سی ٹی آئی ایل کی کوششوں کو نوٹ کیا اور قانون کے دیگر اسکولوں میں اس کی توسیع کی وکالت کی۔

پروفیسر جیمز جے نیڈمپارا نے مراکز کی سرگرمیوں اور ان شعبوں کا خاکہ پیش کیا جہاں مرکز نے تجارتی مذاکرات، قانون سازی کے مسودے، اصول سازی، اور تنازعات کے تصفیہ سے لے کر بروقت قانونی معلومات اور تجزیہ فراہم کرنے میں محکمہ تجارت اور مختلف وزارتوں کی سرگرمیوں میں تعاون کیا ہے۔ انہوں نے مختلف تعلیمی اور باہمی تعاون کی سرگرمیوں کا بھی خاکہ پیش کیا جوسی ٹی آی ایل نے اپنی بنیاد کے بعد سے شروع کی ہیں۔

اس موقع پر نئی دہلی میں انڈین انسٹی ٹیوٹ آف فارن ٹریڈ کے وائس چانسلر ڈاکٹر راکیش موہن جوشی کی موجودگی نے اس کو چار چاند لگا دیاجنہوں نے وائس چانسلر کا خطاب دیا۔ اس تقریب میں جناب ستیہ سری نواس، اسپیشل سکریٹری آف کامرس، حکومت ہند، اور دیگر اعلیٰ عہدیداروں، وکلاء اور قانون کے طلباء بھی موجود تھے۔

آٹھویں سالگرہ کے موقع پر،سی ٹی آئی ایل نے دو اشاعتیں شروع کیں۔ سالانہ سی ٹی آئی ایل میگزین بین الاقوامی اقتصادی قانون کا از سر نو تصور کرنا: اصلاحات، لچک، تعمیر نو کے موضوع کے ساتھ جاری کیا گیا تھا اور ایک کتاب جس کا عنوان تھابیسپوک ٹریٹیز یا سٹینڈرڈ ماڈل؟اس کابھی اجراءعمل میں آیا۔

***

(ش ح۔اص)

UR No 5376

(Release ID: 2161371)