بھارت میں انسانی حقوق کے قومی کمیشن (این ایچ آر سی)نے ایک میڈیا رپورٹ کا از خود نوٹس لیا ہے ۔جو 21 اگست 2025 کو اتر پردیش کے غازی آباد ضلع میں بولنے اور سننے سے محروم اجتماعی عصمت دری کی متاثرہ  ایک لڑکی کے اپنے گھر پر مردہ پائے جانے سے متعلق ہے۔  مبینہ طور پر 18 اگست 2025 کو ضلع کے علاقے لونی میں دو افراد نے اس کے ساتھ اجتماعی زیادتی کی تھی۔

کمیشن نے مشاہدہ کیا ہے کہ خبروں کے مندرجات ، اگر سچ ہیں تو  اس سے  انسانی حقوق کی خلاف ورزی کے سنگین مسائل پیدا ہوتے ہیں۔  اس لیے اس نے ڈائریکٹر جنرل آف پولیس (ڈی جی پی) اتر پردیش اور ضلع مجسٹریٹ غازی آباد کو نوٹس جاری کر کے دو ہفتے کے اندر اس معاملے پر تفصیلی رپورٹ طلب کی ہے ۔

22 اگست 2025 کو چلائی گئی میڈیا رپورٹ کے مطابق ، متاثرہ لڑکی انسٹی ٹیوٹ آف ہیومن بیہویئر اینڈ الائیڈ سائنسز ، دہلی میں زیر علاج تھی ۔اس معاملے میں  دو مبینہ مجرموں کو گرفتار کر لیا گیا ہے ، جنہوں نے اسے اس وقت اغوا کیا تھا جب وہ ایک الگ تھلگ راستے پر اکیلی جا رہی تھی اور انہوں نے اس کے ساتھ جنسی زیادتی کی تھی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ام،ن م)

U. No. 5356

(Release ID: 2161187)