नवी दिल्‍ली, 25 ऑगस्‍ट 2025

 

विधीमंडळ संस्थांच्या प्रतिष्ठेत हळूहळू होणारी घसरण ही सर्वच सदस्यांसाठी चिंतेची बाब आहे, असे लोकसभेचे अध्यक्ष ओम बिर्ला यांनी आज सांगितले. सभासदांचे अभिव्यक्ती  स्वातंत्र्य आणि विशेषाधिकार यांचा अर्थ सभागृहाची प्रतिष्ठा कमी करण्याचे स्वातंत्र्य समजले जाऊ नये, असे त्यांनी स्पष्ट केले. लोकसभा अध्यक्ष ओम बिर्ला आज दिल्ली विधानसभेत बोलत होते.

सदस्यांच्या वर्तनाबद्दल बोलताना बिर्ला यांनी नमूद केले की विधीमंडळ संस्थांच्या सदस्यांनी विधानमंडळाचे नियम, परंपरा आणि परंपरागत प्रथांचे पालन केले पाहिजे. आपल्या संविधान निर्मात्यांनी संसद आणि विधानसभांना सदस्यांना विशेषाधिकाराचा भाग म्हणून सभागृहात सरकारवर टीका करण्याचे पूर्ण स्वातंत्र्य दिले आहे, असे त्यांनी सांगितले. तथापि, हे स्वातंत्र्य योग्य वर्तनाने संतुलित असणे आवश्यक आहे, असे त्यांनी सांगितले. सर्व राजकीय पक्षांनी विधान संस्थांमध्ये अभिव्यक्ती स्वातंत्र्याच्या महत्त्वावर विचार करावा, असे आवाहन त्यांनी सर्व सदस्यांना केले.

सभागृह नेहमीच जनतेचा आवाज असले पाहिजे आणि तेथे तयार होणारे  कायदे हे सार्वजनिक हिताचे असले पाहिजेत, असे ते म्हणाले. या संदर्भात पीठासीन अधिकाऱ्याची जबाबदारी खूप महत्त्वाची आहे, असे बिर्ला म्हणाले. वर्तमान आणि भविष्यातील पीठासीन  अधिकारी सभागृहाचे कामकाज मुक्त, निष्पक्ष आणि सन्मानपूर्वक चालू ठेवतील, असा विश्वास त्यांनी व्यक्त केला. 

संसदीय परंपराओं के प्रणेता श्री विट्ठलभाई पटेल जी के सेंट्रल लेजिस्लेटिव असेम्बली के प्रथम भारतीय अध्यक्ष बनने के शताब्दी वर्ष पर आयोजित कार्यक्रम में दिल्ली विधानसभा परिसर में उनकी प्रतिमा पर पुष्पांजलि अर्पित की।
उनका जीवन लोकतांत्रिक आदर्शों और सत्यनिष्ठ सेवा का प्रतीक है। pic.twitter.com/sQ73RW98X3

— Om Birla (@ombirlakota) August 25, 2025

 

* * *

निलिमा चितळे/श्रद्धा मुखेडकर/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2160765)