وزارت شماریات و پروگرام عمل درآمد (ایم او ایس پی آئی)، حکومت ہند نے تریپورہ حکومت اور اقوام متحدہ کے ترقیاتی پروگرام (یو این ڈی پی ) کے تعاون سے 22 اگست 2025 کو اگارتالہ، تریپورہ میں 'سب نیشنل ایس ڈی جی نگرانی کو مضبوط بنانے' پر ایک صلاحیت سازی ورکشاپ کا انعقاد کیا۔ اس ورکشاپ میں ان ریاستوں اور مرکزی علاقوں کے شرکاء نے شرکت کی جو ابھی اپنے ریاستی/مرکزی علاقہ اشاریہ جاتی ڈھانچہ (ایس آئی ایفز/ڈآئی ایفز) تیار کرنے کے ابتدائی مرحلے میں ہیں۔

جناب بکاش دیب برما، معزز وزیر، منصوبہ بندی (شماریات) ڈیپارٹمنٹ، حکومت تریپورہ نے اپنے افتتاحی خطاب میں زور دیا کہ ایس ڈی جیز کے لیے پورے حکومتی نقطہ نظر کو اپنایا گیا ہے، جنہیں لوگوں کی سماجی و اقتصادی حالات کو بہتر بنانے کے ایک آلے کے طور پر بھی دیکھا جا رہا ہے، خاص طور پر خواتین، بچوں اور معاشرے کے کمزور طبقات پر خصوصی توجہ دی گئی ہے۔ کلیدی خطاب پیش کرتے ہوئے، جناب ایس سی ملک، ایڈیشنل ڈائریکٹر جنرل، ایم او ایس پی آئی نے 2030 ایجنڈا برائے پائیدار ترقی کے حصول کے لیے مقامی عمل اور مسلسل نگرانی کی اہمیت پر زور دیا۔ انہوں نے ایم او ایس پی آئی کی قومی اشاریہ جاتی ڈھانچہ (این آئی ایف) تیار کرنے اور قومی ترجیحات کے مطابق ریاستی اور ضلعی اشاریہ جاتی ڈھانچے (ایس آئی ایفز/ڈآئی ایفز) بنانے میں ریاستوں اور مرکزی علاقوں کی مدد کرنے کی کوششوں کو اجاگر کیا۔ اعلیٰ معیار، بروقت، اور تفصیلی ڈیٹا کی ضرورت پر زور دیتے ہوئے، انہوں نے واضح کیا کہ نگرانی خود ایک مقصد نہیں ہے بلکہ ترقیاتی نتائج کو بہتر بنانے، شمولیت کو یقینی بنانے، اور سب سے زیادہ کمزور افراد تک پہنچنے کا ایک ذریعہ ہے۔ جناب ملک نے ہندوستان میں ایس ڈی جی نگرانی ایکو سسٹم کو مضبوط کرنے کے لیے ریاستوں، لائن وزارتوں، اور شراکت داروں کے ساتھ قریبی تعاون کے ساتھ کام کرنے کے ایم او ایس پی آئی کے عزم کی توثیق کی۔ جناب راجیو سین، سینئر ایڈوائزر، نیتی آیوگ نے اپنے خطاب میں اداروں کو مضبوط کرنے اور ایس ڈی جی مانیٹرنگ کے ذریعے اسکیموں کے مؤثر نفاذ کو یقینی بنانے پر توجہ دی۔ اس کے بعد، جناب ابھیشیک چندر، اسپیشل سیکریٹری، منصوبہ بندی (شماریات)، حکومت تریپورہ نے اپنے خصوصی خطاب میں ریاستی سطح کے ڈیٹا سسٹمز اور مقامی ایس ڈی جی نگرانی کو مضبوط کر کے 2030 ایجنڈا کو آگے بڑھانے کے عزم کا اعادہ کیا۔ یو این ڈی پی کے نمائندے، جناب جیمون اتھوپ، پالیسی اسپیشلسٹ نے مضبوط ڈیٹا سسٹمز، تکنیکی صلاحیتوں، اور جامع نگرانی کے طریقہ کار بنانے میں حکومت ہند اور ریاستوں/مرکز کے زیر انتظام علاقوں کی مدد کرنے کے عزم پر زور دیا۔

محترمہ سوميا ساکشی، جوائنٹ ڈائریکٹر، ایم او ایس پی آئی اور جناب ابھیشیک گورو، ڈپٹی ڈائریکٹر، ایم او ایس پی آئی نے قومی اشاریہ جاتی ڈھانچہ (این آئی ایف) اور سب نیشنل اشاریہ جاتی ڈھانچوں کے ذریعے ہندوستان میں ایس ڈی جیز کے نگرانی میکانزم کا جائزہ پیش کیا۔ ایم او ایس پی آئی نے زور دیا کہ ریاستیں/مرکزکے زیر انتظام  علاقے سب نیشنل سطح پر ایس ڈی جیز کی نگرانی کے لیے جوابدہ ہیں۔ 2019 میں، ایم او ایس پی آئی نے ریاستوں/مرکزی علاقوں کے لیے اپنا ایس ڈی جی نگرانی طریقہءکار تیار کرنے کے لیے رہنما خطوط جاری کیے، جنہیں مارچ 2022 میں اپ ڈیٹ کیا گیا اور "سب نیشنل سطح پر ایس ڈی جیز کے نگرانی طریقہءکار پر رہنمائی" کے عنوان سے رپورٹ کی شکل میں شائع کیا گیا، جو تمام ریاستوں/مرکزی علاقوں کو ایس آئی ایفز تیار کرنے کے لیے تقسیم کیا گیا۔ یو این ڈی پی  کے نمائندے نے عالمی بہترین طریقوں پر تبادلہ خیال کیا، جن میں مقامی کاری پر خصوصی زور دیا گیا۔ اس کے بعد، جناب چرنجیب گھوش، جوائنٹ ڈائریکٹر، ڈی ای ایس تریپورہ نے تریپورہ ریاست کے ریاستی اشاریہ جاتی ڈھانچہ (ایس آئی ایف) کی ترقی کے تجربات شیئر کیے۔

تکنیکی سیشنز کا مرکز گروپ مشقوں کے ذریعے ریاستی حیثیت کا جائزہ لینا تھا، جن کا مقصد ہر ہدف کی نگرانی کے لیے متعلقہ اشاریوں کی نشاندہی کرنا اور مسوداتی ڈھانچوں کی تیاری تھا۔ انہوں نے عمل درآمد کی منصوبہ بندی پر بھی توجہ دی، جس میں محکمانہ ذمہ داریوں کی تقسیم، اشاریوں کی ترجیح بندی، اور ریاستی مخصوص ایکشن پلانز کی تشکیل شامل تھی، ساتھ ہی ساتھ صنفی اور ماحولیاتی تحفظات جیسے جامع ترجیحات کو ریاستی اور مرکزی علاقہ اشاریہ جاتی ڈھانچوں میں شامل کیا گیا۔

ورکشاپ کا اختتام تمام شریک ریاستوں اور مرکز کے زیر انتظام  علاقوں کے لیے ایک عملی اقدام کے مطالبے کے ساتھ ہوا کہ وہ اپنے سب نیشنل ایس ڈی جی مانیٹرنگ فریم ورکس کو مضبوط کریں، قومی اشاریہ جاتی ڈھانچے کے ساتھ ہم آہنگی کو یقینی بناتے ہوئے مقامی ترقیاتی ترجیحات کو حل کریں۔ اس نے تمام اسٹیک ہولڈرز کے ثبوت پر مبنی پالیسی سازی اور 2030 ایجنڈا برائے پائیدار ترقی کے اہداف کے حصول کے عزم کی توثیق کی۔

***

ش ح ۔   م  د ۔  م  ص

(U :5232  )

 

(Release ID: 2160121)