ماحولیات، جنگلات اور موسمیاتی تبدیلی کی وزارت (ایم او ای ایف اینڈ سی سی) نے ماحولیاتی (تحفظ) ایکٹ، 1986 کے تحت خطرناک اور دیگر فضلات (مینجمنٹ اینڈ ٹرانس باؤنڈری موومنٹ) (ایچ او ڈبلیو ایم) قوانین، 2016 کو نوٹیفائی کیا ہے تاکہ خطرناک اور دیگر فضلات کے محفوظ ذخیرہ، انتظام اور ماحولیاتی طور پر محفوظ طریقے سے تلف کرنے کو یقینی بنایا جا سکے۔

ایچ او ڈبلیو ایم قوانین، 2016 شیڈول III کے پارٹ  اے اور پارٹ بی میں درج خطرناک اور دیگر کباڑ کی ری سائیکلنگ، بازیافت، دوبارہ استعمال اور مشترکہ پروسیسنگ سمیت استعمال کے لیے درآمد کی اجازت دیتے ہیں۔ خطرناک اور دیگر کباڑ کو ملک میں تلف کرنے کے لیے درآمد کی اجازت نہیں ہے۔ مذکورہ قوانین کے شیڈول III کے پارٹ اے اور پارٹ بی میں درج خطرناک اور دیگر کباڑ کی درآمد صرف اصل صارفین کو ایم او ای ایف اینڈ سی سی سے مناسب اجازت اور غیر ملکی تجارت کے ڈائریکٹوریٹ جنرل  کی اجازت کے ساتھ، جیسا کہ قابل اطلاق ہو، کی اجازت ہے۔ فضلہ نیومیٹک اور دیگر ٹائر مذکورہ قوانین کے شیڈول III پارٹ بی کے تحت آتے ہیں اور اصل صارف کو ری سائیکلنگ/بازیافت کے مقاصد کے لیے درآمد کی اجازت ہے تاکہ حتمی مصنوعات جیسے کہ ری کلیم ربڑ، کرمب ربڑ، کرمب ربڑ موڈیفائیڈ بٹومین اور بازیافت شدہ کاربن بلیک حاصل کی جا سکیں۔

ایم او ای ایف اینڈ سی سی نے جولائی 2022 میں خطرناک اور دیگر کباڑ (مینجمنٹ اینڈ ٹرانس باؤنڈری موومنٹ) قوانین، 2016 میں ترمیم کے ذریعے 'کباڑ ٹائر کے لیے مال بنانے والوں کی توسیع شدہ ذمے داری (ای پی آر)' کو نوٹیفائی کیا ہے تاکہ کباڑ ٹائرز کے ماحولیاتی طور پر محفوظ انتظام کو یقینی بنایا جا سکے۔ کباڑ ٹائر ای پی آر نوٹیفکیشن کے مطابق، پائرولائسز آئل یا چارکول کے علاوہ دوسرا مال حاصل کرنے کی غرض سے کباڑ ٹائر کی درآمد ممنوع ہے۔ قوانین میں یہ شرط ہے کہ درآمد شدہ کباڑ ٹائر کو اصل صارف کے ذریعے ری سائیکلنگ/بازیافت کے مقاصد کے لیے استعمال کیا جائے تاکہ ٹائر پائرولائسز آئل کے علاوہ دیگر حتمی مصنوعات حاصل کی جائیں۔ اس کے علاوہ، سینٹرل پولوشن کنٹرول بورڈ (سی پی سی بی) کی طرف سے تیار کردہ فضلہ ٹائر ای پی آر پورٹل اس بات کو یقینی بناتا ہے کہ درآمد شدہ فضلہ ٹائر کو ٹائر پائرولائسز آئل کی پیداوار کے لیے استعمال نہ کیا جائے۔

سی پی سی بی نے جنوری 2025 میں 'ٹائر پائرولائسز آئل (ٹی پی او) یونٹس میں ٹائر پائرولائسز آئل، پائرو گیس اور چارکول کی بازیافت کے لیے کباڑ ٹائر سکریپ کی ری سائیکلنگ' کے حوالے سے معیاری عملی طریقہء کار (ایس او پی) کو نظر ثانی کیا ہے۔ ایس او پی نے ملک بھر میں ٹی پی او یونٹس کی ماحولیاتی کارکردگی کو بہتر بنانے پر توجہ دی ہے۔ نظر ثانی شدہ رہنما خطوط کو تمام ریاستی آلودگی کنٹرول بورڈز (ایس پی سی بیز)/آلودگی کنٹرول کمیٹیوں (پی سی سیز) کو فوری نفاذ کے لیے گردش کیا گیا ہے اور یہ سی پی سی بی کی ویب سائٹ پر بھی دستیاب ہیں۔

یہ معلومات ماحولیات، جنگلات اور موسمیاتی تبدیلی کے مرکزی وزیر مملکت جناب کیرتی وردھن سنگھ نے آج راجیہ سبھا میں ایک سوال کے تحریری جواب میں فراہم کیں۔

*****

ش ح ۔   م  د ۔  م  ص

(U :5127    )

(Release ID: 2159518)