حکومت نے ویب پر مبنی سی-فلڈ پلیٹ فارم کا آغاز/افتتاح کیا ہے ۔  یہ سیلاب کے نقشوں اور پانی کی سطح کی پیش گوئی کی شکل میں گاؤں کی سطح تک سیلاب کی دو دن کی پیشگی پیش گوئی فراہم کرتا ہے ۔  سی-فلڈ ویب پر مبنی پلیٹ فارم کی نمایاں خصوصیات درج ذیل ہیں:

• سی-فلڈسیلاب کی تیزی اور گہرائی کی معلومات کے ساتھ جدید 2 ڈی ہائیڈرو ڈائنامک ماڈلنگ سے حاصل ہونے والی سیلاب کی پیداوار کی معلومات کو مربوط کرتا ہے ۔
• اسے ایک سیلاب سے  متعلق یکساں پیش گوئی نظام کے طور پر کام کرنے کے لیے ڈیزائن کیا گیا ہے جو تمام دریاؤں کے طاس والے علاقوں کے لیے ان کے متعلقہ ایکشن پلان کے مطابق قومی اور علاقائی ایجنسیوں سے فلڈ ماڈلنگ آؤٹ پٹ کو مربوط کرتا ہے ۔  اس میں ابتدائی مرحلے میں گوداوری ، تاپی اور مہاندی ندی کے طاس والےعلاقوں کے لیے سیلاب کی پیشن گوئی کا احاطہ کیا گیا ہے ۔
• ویب پورٹل ابتدائی مرحلے میں تین زبانوں یعنی ہندی ، انگریزی اور اڑیہ کی حمایت کرتا ہے ۔
• اس میں اگلے دو دنوں کے لیے سیلاب کی پیش گوئی بھی شامل ہے ۔  یہ گاؤں کی سطح تک سیلاب کی معلومات دکھاتا ہے ۔
• سیلاب کی گہرائی کی بنیاد پر سیلاب کے انتباہ کی تین اقسام کی نشاندہی کرتا ہے: ایلو الرٹ 0.5 میٹر سے نیچے سیلاب کی نشاندہی کرتا ہے ، ایک اورینج الرٹ 1.5 میٹرسے نیچے کی گہرائی کی پیش گوئی کرتا ہے ، اور ریڈ الرٹ 1.5 میٹر سے زیادہ سیلاب کی نشاندہی کرتا ہے ۔
• پیش گوئی کی درستگی کو بہتر بنانے اور اس تک رسائی حاصل کرنے کے لیے ، سیٹلائٹ پر مبنی ڈیٹا سیٹ اور زمین پر مبنی ہائیڈرولوجیکل مشاہدات کا استعمال کیا جاتا ہے ۔

 یہ معلومات جل شکتی کے وزیرمملکت  جناب راج بھوشن چودھری نے آج لوک سبھا میں ایک سوال کے تحریری جواب میں فراہم کیں ۔

*****

ش ح-م ع۔ ف ر

UR No-5100

(Release ID: 2159327)