محکمہ ایٹمی توانائی کے تحت کام کر نے والاٹاٹا میموریل اسپتال شواہد پر مبنی کینسرکا مکمل علاج فراہم کر رہا ہے۔ ٹاٹا میموریل سینٹر (ٹی ایم سی) نے بھارت کی 7 ریاستوں میں 11 اسپتال قائم کیے ہیں جو ممبئی، وارانسی، وِزَیگ، سنگرور، ملّانپور، گوہاٹی اور بھوبنیشور میں واقع ہیں۔ ان میں سے 8 اسپتال فعال ہیں جبکہ 3 ابھی زیر تعمیر ہیں۔ٹاٹا میموریل سینٹر (ٹی ایم سی)  جو ملک کا ایک ممتاز کینسر مرکز ہے، قومی و بین الاقوامی سطح پر کینسر کے علاج سے متعلق پالیسی اور حکمت عملی کی رہنمائی میں قائدانہ کردار ادا کر رہا ہے، جس میں شامل ہے:

• آنکولوجی کے ثبوت پر مبنی مشق کے ذریعے شاندار خدمات کو فروغ دینا۔
• طلباء، تربیت یافتہ افراد، پیشہ ور افراد، ملازمین اور عوام کو کینسر کی تعلیم فراہم کرنے کا عزم۔
• ایسی تحقیق پر زور دینا جو سستی، اختراعی اور ملک کی ضروریات کے مطابق ہو۔

ٹی ایم سی کی طرف سے پیچیدہ کینسر کے علاج میں کامیابیوں اور پیشرفت کی ایک لمبی فہرست ہے۔

ذیل میں کچھ کامیابیوں کو نمایاں کیا گیا ہے:

1. اے سی ٹی آر ای سی میں ہیڈرون بیم تھراپی کی قومی سہولت
2. کینسر کے علاج کے لیے ہندوستان کی پہلی گھریلو سی اے آر ٹی سیل تھراپی

• iii. پریوال- ٹی ایم سی، ڈی اے ای کے ذریعہ تیار کردہ ایکیوٹ لمفوبلاسٹک لیوکیمیا کے علاج میں استعمال ہونے والی مرکپٹوپورین کا پہلااورل سسپنشن۔

4. کینسر کی دیکھ بھال کی سہولت میں بڑی تبدیلی لانے کے لیے جوہری توانائی کے محکمے کی طرف سے پیش رفت نیوٹریسیوٹیکل ایکٹوسائٹ( اے کے ٹی او سی وائی ٹی ای)
5. مقامی طور پر حاصل کردہ وائی-90  مائکروسفیئرز (بھابھاسفیئرز) کا استعمال کرتے ہوئے ٹرانس-آرٹیریل ریڈیو ایمبولائزیشن
6. سب سے بڑا ریڈیولاجیکل ریسرچ یونٹ (تھیراپیٹیوک نیوکلیئر میڈیسن یونٹ)

ٹی ایم سی نے نیشنل کینسر گرڈ (این سی جی) کے ذریعے ملک میں عام لوگوں کے لیے جدید کینسر کے علاج کو زیادہ قابل رسائی اور سستی بنانے کے لیے ایک حکمت عملی کا آغاز اور منصوبہ بنایا ہے۔  اس وقت 382 اراکین/تنظیمیں این سی جی سے منسلک ہیں جو کینسر کے تقریبا 8,50,000 نئے مریضوں کو علاج فراہم کر رہی ہیں۔  این سی جی میں ملک میں عام لوگوں کی بڑی تعداد کا احاطہ کرنے کے لیے بڑے پیمانے پر اور دور رس اثرات مرتب کرنے کی صلاحیت ہے۔

جہاں تک دیواس اور شاجاپور حلقوں کا تعلق ہے ، لوگ قریبی درج ذیل مراکز سے سہولیات کا فائدہ اٹھا سکتے ہیں جو این سی جی-ٹی ایم سی سے منسلک ہیں۔

 

 

 

ٹی ایم سی، تکنیکی تعاون اور مدد کے ذریعے ہب اور اسپوک ماڈل کے تحت اپنے نیٹ ورک کو مرحلہ وار توسیع دے گی، جو مستقبل میں مزید کئی حلقوں کا احاطہ کرے گی۔

بھارت میں چلنے والے ہر نیوکلیئر پاور پلانٹ پر تابکاری کے قریب کام کرنے والے ملازمین اور ان کے اہل خانہ کی صحت کے جائزے کے لیے وبائیات کے سروے معتبر مقامی میڈیکل کالجز نے ٹاٹا میموریل سینٹر (ٹی ایم سی)، ممبئی، جو کہ ملک کا ایک ممتاز کینسر تحقیقاتی مرکز ہے، کے تعاون سے کیے ہیں۔ اس کے علاوہ، پیشہ ورانہ کارکنوں کے لیے سالانہ طبی معائنے باقاعدگی سے کیے جاتے ہیں۔ان مطالعات اور معائنوں سے معلوم ہوا ہے کہ تمام بیماریوں کے موربڈٹی (مرض کی شرح) کا رجحان قومی اوسط سے کم ہے۔ کینسر کی بیماری، پیدائش کے نقائص یا نوزائیدہ بچوں میں کسی بھی قسم میں اضافہ بھی قومی اوسط کے مقابلے میں نہیں پایا گیا۔یہ تمام مطالعات اور رپورٹس واضح طور پر ثابت کرتی ہیں کہ نیوکلیئر پاور پلانٹس کے آپریشن سے ان میں کام کرنے والے افراد کی صحت پر کوئی منفی اثرات مرتب نہیں ہوتے۔

یہ معلومات ڈاکٹر جتیندر سنگھ، مرکزی وزیر مملکت (آزادانہ چارج) برائے سائنس اور ٹیکنالوجی، ارتھ سائنسز، وزیرمملکت پی ایم او، وزیرمملکت پرسنل، عوامی شکایات اور پنشن،محکمہ جوہری توانائی اور خلاء نے آج لوک سبھا میں ایک زبانی جواب میں دی۔

************

 

ش ح ۔ م م ۔ م ا

Urdu No-5058

 

(Release ID: 2158884) Visitor Counter : 3