چیف آف آرمی اسٹاف (سی او اے ایس)جنرل اُپندر دیویدی نے اپنی اہلیہ  محترمہ سنتا دیویدی اور اے ڈبلیو ڈبلیو اے کے صدر کے ساتھ 20 اگست 2025 کو آرمی ہسپتال (ریسرچ اینڈ ریفرل) میں اپنے اعضاء عطیہ کرنے کا عہدکیا، جس سے آرمی فورسز آرگن ریٹریول اینڈ ٹرانسپلانٹیشن اتھارٹی (اے او آر ٹی اے) کو نمایاں فروغ حاصل ہوا ہے۔ اس مہم کا مقصد آگاہی کو فروغ دینا اور آرمی فورسز کی کمیونٹی کو تحریک دینا ہے تاکہ وہ ملک میں اعضا عطیہ کرنے میں قیادت کریں۔

آرمی فورسز میڈیکل سروسز(ڈی جی اے ایف ایم ایس) کی ڈائریکٹر جنرل، سرجن وائس ایڈمرل آرتی سرین کی قیادت میں اے او آر ٹی اے نے اعضا کی بازیابی اور ٹرانسپلانٹ کے شعبے میں قومی قیادت حاصل کر لی ہے۔ ہندوستانی فوج پہلے ہی ایک ریکارڈ قائم کر چکی ہے، جس میں ایک ہی مہم میں 26,000 سے زائد اہلکاروں نے اعضا عطیہ کرنے کا عہدکیا ہے۔

اس موقع پر جنرل اپندر دیویدی نے اعضا عطیہ کو انسانی خدمت اورفوج کی قربانی اور بہادری کے جذبے کی توسیع قرار دیا۔ انہوں نے فوج کے اہلکاروں اور ان کے اہل خانہ سے آگے آنے اور معاشرے کے لیے مثال قائم کرنے کی اپیل کی۔ سی او اے ایس نے اے او آر ٹی اے کی مستقل کوششوں کی بھی تعریف کی جو اعضا عطیہ کے اہمیت کے بارے میں آگاہی پھیلانے اور فوجی اہلکاروں کو ترغیب دینے کے لیے جاری رکھے ہوئے ہے۔

صحت کی دیکھ بھال کرنے والے عملے کے اہم کردار کو تسلیم کرتے ہوئے، آرمی چیف نے اعضا کے ٹرانسپلانٹ کی دیکھ بھال میں مصروف تین فرنٹ لائن عملے کو موقع پر چیفز ریکمنڈیشن کارڈز پیش کیے، جس میں ایک ہاؤس کیپر بھی شامل ہے، جس نے مریضوں کے لیے صفائی اور حفظان صحت کو محنت سے برقرار رکھا۔ اس اقدام نے آرمی میڈیکل کور کی ہمدردانہ مریض کی دیکھ بھال کے عزم کو مستحکم کیا۔

اس تقریب میں ان عطیہ دہندگان کے  اہل خانہ کو دل سے خراج تحسین پیش کیا گیا، جنہوں نے اعضا عطیہ کے ذریعے زندگی کا تحفہ دیا۔ ان خاندانوں کو ان کے ہمدردی اور بہادری کے اعتراف میں ایک پر وقار تقریب میں اعزاز سے نوازا گیا۔

****

U.N-5061

(ش ح۔م ع ن۔م ش)

(Release ID: 2158859)