نیشنل ہیومن رائٹس کمیشن (این ایچ آر سی)، انڈیا نے ایک میڈیا رپورٹ پر ازخود نوٹس لیا ہے جس میں بتایا گیا ہے کہ ہریانہ کے ضلع پلول کے سیولی گاؤں میں 6 اگست 2025 کو ایک گہرے گڑھے میں ڈوبنے سے تین بچیوں کی موت ہو گئی۔ اطلاعات کے مطابق بچیاں ایک اینٹ بھٹّے کے قریب گڑھے میں نہا رہی تھیں۔

کمیشن نے مشاہدہ کیا کہ اگر خبر کی تفصیلات درست ہیں تو یہ متاثرہ بچیوں کے انسانی حقوق کی سنگین خلاف ورزی کا معاملہ ہے۔ لہٰذا، کمیشن نے ڈسٹرکٹ مجسٹریٹ اور سپرنٹنڈنٹ آف پولیس، پلول کو نوٹس جاری کرتے ہوئے دو ہفتوں کے اندر تفصیلی رپورٹ طلب کی ہے۔ رپورٹ میں اس حادثے کے ذمہ دار افراد کے خلاف کی گئی کارروائی اور متاثرہ بچیوں کے لواحقین کو دیے گئے معاوضے، اگر دیا گیا ہے، کی تفصیلات شامل ہونا متوقع ہیں۔

میڈیا رپورٹ، جو 7 اگست 2025 کو شائع ہوئی، کے مطابق نہاتے ہوئے بچیاں پانی میں پھسل گئیں۔ اہلِ خانہ نے انہیں فوری طور پر پلول گورنمنٹ اسپتال پہنچایا جہاں ڈاکٹروں نے انہیں مردہ قرار دے دیا۔

 

                                      **************

ش ح۔ ف ش ع

20-08-2025

                                                                                                                                       U: 5041

 

(Release ID: 2158807)