خلا ء میں (ان-اسپیس )حکومت کرناٹک کے ساتھ (i) سینٹر آف ایکسی لینس (سی او ای) خلائی ٹیکنالوجی کی سرگرمیوں کے لیے تعاون فراہم کرنے اور (ii) کرناٹک میں خلائی مینوفیکچرنگ ہب کے قیام کے لیے دو مفاہمت ناموں پر دستخط کیے ہیں ۔ کلسٹر کے صحیح مقام کا فیصلہ ریاستی حکومت کرے گی ۔ اس کے علاوہ حکومت کرناٹک کی جانب سے کرناٹک میں خلائی مینوفیکچرنگ کلسٹر میں مشترکہ تکنیکی سہولت کے قیام کے لیے 30.06.2025 کو ایک تجویز موصول ہوئی ہے ۔

 خلا(ان-اسپیس) نے بنگلورو سے 50 سے زیادہ خلائی اسٹارٹ اپس کو تعاون فراہم کیا ہے اور 5 اسٹارٹ اپس کو سیڈ فنڈ اسکیم اور ان-اسپیس کے پری انکیوبیشن پروگرام کے تحت منتخب کیا گیا ہے ۔

خلا پر مبنی ایپلی کیشنز کو تجارتی بنانے میں مدد کے لیے ان-اسپیس کے ذریعے درج ذیل اقدامات کیے گئے ہیں:

• زراعت ،  قدرتی آفات کے انتظام  وانصرام، شہری منصوبہ بندی ، سمندری اور مشن ورچوئلائزیشن کے شعبے میں سیڈ فنڈ کے مواقع کا اعلان کیا گیا ہے ۔
• پروڈکٹ کی ترقی اور  پیشہ وارانہ بنانے میں  مدد کے لیے ٹیکنالوجی ایڈاپشن فنڈ ۔
• خلائی ایپلی کیشنز ایڈاپشن ورکشاپ کا انعقاد ، جہاں غیر سرکاری اداروں (این جی ایز) کو صارفین کے ساتھ جڑنے کے مواقع فراہم کیے جاتے ہیں ۔

یہ معلومات آج لوک سبھا میں سائنس اور ٹیکنالوجی ، ارضیاتی سائنس کے مرکزی وزیر مملکت (آزادانہ چارج) ، وزیر اعظم کے دفتر کے وزیر مملکت ، عملہ ، عوامی شکایات اور پنشن کے وزیر مملکت ، ایٹمی توانائی کے محکمے اور خلا  کے محکمے کے وزیر مملکت ڈاکٹر جتیندر سنگھ نے  ایک تحریری جواب میں فراہم کی ۔

***********

 

ش ح۔م م ع۔ م ذ

 (UN. 4990)

(Release ID: 2158569)