انسانی حقو ق کے قومی کمیشن (این ایچ آر سی) انڈیا نے ایک میڈیا رپورٹ کا از خود نوٹس لیا ہے  ۔ اس خبر کے مطابق  مدھیہ پردیش کے سدھی ضلعے میں ایک 20 سالہ خاتون ، جو اپنے منگیتر کے ساتھ باہر گئی تھی ، کو مبینہ طور پر چار افراد نے زیادتی کا نشانہ بنایا  ۔ اس کے علاوہ ،  ان لوگوں  نے  مبینہ طور پر  ، اس کے ساتھی  پر حملہ بھی کیا ۔ حملہ آوروں سے  بچ کرنکلنے  کے بعد ، وہ ایف آئی آر درج کرنے کے لیے پولیس اسٹیشن پہنچے ۔

کمیشن نے مشاہدہ کیا ہے کہ خبروں کے مندرجات ، اگر سچ ہیں تو  یہ انسانی حقوق کی سنگین خلاف ورزی ہے ۔ لہٰذا ،  کمیشن نے مدھیہ پردیش پولیس کے ڈائریکٹر جنرل کو نوٹس جاری کیا ہے ، جس میں دو ہفتے  کے اندر اس معاملے  کی  تفصیلی رپورٹ طلب کی  ہے ۔

توقع ہے کہ رپورٹ میں تفتیش کی صورتحال کے ساتھ ساتھ متاثرہ کی صحت سے متعلق معلومات بھی شامل ہوگی ۔

**********

U.No. 4991

(ش ح۔  م ع  ۔ ع ا)

(Release ID: 2158518)