آیوشمان بھارت-پردھان منتری  جن آروگیہ یوجنا (اے بی-پی ایم جے اے وائی) دھوکہ دہی اور بدسلوکی کے تئیں بالکل برداشت نہ کرنے  کی پالیسی رکھتی  ہے اور اس کے نفاذ کے مختلف مراحل میں اسکیم میں ہونے والی مختلف قسم کی بے ضابطگیوں کی روک تھام ، اس کا پتہ لگانے اور اس کی روک تھام کے لیے مختلف اقدامات کیے گئے  ہیں ۔  ایک مضبوط اینٹی فراڈ میکانزم قائم کیا گیا ہے اور قومی صحت اتھارٹی (این ایچ اے) میں نیشنل اینٹی فراڈ یونٹ (این اے ایف یو) قائم کیا گیا ہے اور دھوکہ دہی اور بدسلوکی سے وابستہ معاملات کی چھان بین اور تحقیقات اور ان کے خلاف مشترکہ کارروائی کرنے کے لیے ریاستی اینٹی فراڈ یونٹس (ایس اے ایف یو) کے ساتھ قریبی ہم آہنگی کے ساتھ  کام کرتا ہے ۔

اسکیم کے آغاز سے لے کر اب تک کل 3,167 اسپتال بے ضابطگیوں اورخلاف ورزیوں کے مجرم پائے گئے  ہیں، اور 1114 اسپتالوں کو پینل سے خارج کیا گیا ہے ، ریاستوں اورمرکز کے زیر انتظام علاقوں کی طرف  سے  موصولہ رپورٹ کے مطابق دھوکہ دہی کرنے والے اداروں کے خلاف مناسب کارروائی کرتے ہوئے 1504 غلط اسپتالوں پر 122 کروڑ روپے کا جرمانہ عائد کیا گیا ہے اور 549 اسپتالوں کو معطل کیا گیا ہے ۔

قومی صحت اتھارٹی این ایچ اے تمام ریاستوں اور مرکز کے زیر انتظام علاقوں کو مضبوط ریئل ٹائم ڈیش بورڈ کی نگرانی تک رسائی فراہم کرتا ہے جس سے شفافیت اور جواب دہی میں اضافہ ہوگا ۔

صحت اور خاندانی بہبود کے مرکزی وزیر مملکت جناب پرتاپ راؤ جادھو نے آج راجیہ سبھا میں ایک تحریری جواب میں یہ معلومات فراہم کی ۔

۔۔۔۔۔۔۔۔۔۔۔

ش ح۔۔ م م ع۔ ر ب

U-4906