مرارجی دیسائی نیشنل انسٹی ٹیوٹ آف یوگا (ایم ڈی این آئی وائی) نے آج وزارت آیوش کے خصوصی مہمانوں کا خیرمقدم کیا ، جنہیں 21 جون 2025 کو منعقد ہونے والے عالمی یوم یوگا (آئی ڈی وائی) کی تقریبات میں اپنے اہم کرداروں کے اعتراف میں مدعو کیا گیا تھا ۔ خصوصی مہمانوں کا یہ دورہ 79 ویں یوم آزادی کے موقع پر ہوا ۔

 

 اجتماع سے خطاب کرتے ہوئے ایم ڈی این آئی وائی کے ڈائریکٹر ڈاکٹر کاشیناتھ سماگنڈی نے ان معزز مہمانوں کو قومی تقریبات میں مدعو کرنے پر حکومت ہند کا شکریہ ادا کیا ۔  انہوں نے کہا کہ عالمی رجحان کے طور پر ابھرنے والے یوگا اپنی مستند شکل میں محفوظ کئے جانے اور فروغ پانے کی ذمہ داری رکھتا ہے۔  یوگا کے جامع نقطہ نظر پر زور دیتے ہوئے ، ڈاکٹر کاشیناتھ سماگنڈی نے روزمرہ کے معمول  میں غذا (آہار) طرز زندگی (وہار) اور رویے (آچار- وچار) کی اہمیت پر روشنی ڈالی ۔  انہوں نے تفصیلی پریزنٹیشن کے ذریعے انسٹی ٹیوٹ کی جاری سرگرمیوں کا جائزہ بھی پیش کیا ۔

اس موقع پر یوگا سرٹیفیکیشن بورڈ (وائی سی بی) کےپرنسپل کنسلٹنٹ  جناب این کےکنسار  نے مہمانوں کو بورڈ کی پیش رفت اور حصولیابیوں سے آگاہ کیا ۔  انٹرایکٹو سیشن سے شرکت کنندگان کو عصری زندگی میں یوگا کی معنویت پر تجربات اور نقطہ نظر کا تبادلہ کرنے کے لیے پلیٹ فارم فراہم ہوا۔

بعد میں دن کے وقت  کسان وفد نے ایم ڈی این آئی وائی کا دورہ کیاجسے وزارت آیوش کی طرف سے ادویاتی پودوں کے شعبے میں اپنے کردار کے اعتراف میں مدعو کیا گیا تھا۔  وفد نے مختصر یوگا بریک (وائی-بریک) سیشن میں حصہ لیا اور اس کے فوائد کا تجربہ کیا ۔  وائی بریک کی پہل سے ملک بھر میں 8.68 لاکھ سے زیادہ سرکاری ملازمین کو پہلے ہی فائدہ پہنچا ہے ۔

350 سے زیادہ مہمانوں پر مشتمل دونوں وفود کو ایم ڈی این آئی وائی کی سہولیات ، تعلیمی پروگراموں اور جاری اقدامات سے واقف کرانے کے لیے انسٹی ٹیوٹ کے احاطے کی زیر رہنمائی سیر کرائی گئی ۔

ایم ڈی این آئی وائی کے چیف اور  ڈیولپمنٹ آفیسرجناب محمد طیب عالم  اور پروگرام آفیسر ڈاکٹر آئی این آچاریہ، اساتذہ اور عملے کے ہمراہ  دورے کے دوران موجود تھے ۔

اس پروگرام سے آزادی کی مشترکہ اخلاقیات اور یوگا کی لازوال اقدار-نظم و ضبط ، ہم آہنگی اور قوم کی خدمت- کی عکاسی ہوتی ہے ۔  اس دورے سے نہ صرف یوم آزادی کی تقریبات کو تقویت ملی بلکہ یوگا کے اصولوں کو روزمرہ کی زندگی میں اپنانے کو بھی فروغ دیاگیا، جس سے اتحاد ، امن اور قومی فلاح و بہبود کے پیغام کو تقویت ملی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –م ش ع- م ق ا)

U. No.4803

(Release ID: 2157395) Visitor Counter : 10