قومی شماریات کے دفتر (این ایس او)، شماریات اور پروگرام کے نفاذ کی وزارت (ایم او ایس پی آئی )، آج ڈاکٹر امبیڈکر انٹرنیشنل سنٹر، نئی دہلی میں بلائے گئے خدمات کے شعبے کی صنعتوں کے سالانہ جائزے(اے ایس ایس ایس ای) کے بارے میں غور و فکر کے اجلاس کے انعقاد کا اعلان کرتے ہوئے خوشی محسوس کر رہا ہے۔ اس سیشن نے شروعاتی مطالعے کے ذریعے حاصل کیے گئے تجربے کی بنیاد پر، سروے کے طریقہ کار کی تطہیر اور آئندہ مکمل اے ایس ایس اس ای کے سروے کے آلات کو ٹھیک کرنے کے لیے، حکومت، صنعتوں اور اکیڈمی کے اسٹیک ہولڈرز کے ساتھ باہمی تعاون کے لیے ایک پلیٹ فارم فراہم کیا۔

مختلف شعبوں مثلاً صنعت اور داخلی تجارت کے فروغ کے محکمے (ڈی پی آئی آئی ٹی)، بہت چھوٹی، چھوٹی اور اوسط درجے کی صنعتوں کی وزارت (ایم ایس ایم ای)، اقتصادی امور کے محکمے (ڈی ای اے)، نیتی آیوگ، آر بی آئی، عالمی بینک، تکنیکی مشاورتی گروپ کے ماہرین (ٹی اے جی)، تعلیمی اور تحقیقی اداروں، اور صنعتی انجمنوں اور تجارتی اداروں سمیت تقریباً 100 شرکاء نے تفصیلی گفت و شنید میں اپنا غیر معمولی تعاون دیا اور اجلاس میں سرگرمی کے ساتھ حصہ لیا۔

غور و خوض پر مبنی سیشن کی صدارت ڈاکٹر سوربھ گرگ، آئی اے ایس، سکریٹری، شماریات اور پروگراموں کے نفاز کی وزارت نے کی، اور اس سیشن میں مختلف نامور شخصیات کی شرکت ملاحظہ کی گئی جن میں ڈاکٹر راکیش موہن، رکن ای اے سی- پی ایم، ڈاکٹر رام سنگھ، ڈائرکٹر، دہلی اسکول آف اکنامکس، ڈاکٹر اُماکانت دش، نائب چانسلر، گوکھلے انسٹی ٹیوٹ آف پالیٹکس اینڈ اکنامکس، ڈاکٹر بی این گولدار، پروفیسر، آئی اے ایس آر آئی، محترمہ گیتا سنگھ راٹھور، ڈائرکٹر جنرل، نیشنل سیمپل سروے (این ایس ایس)، جناب این کے سنتوشی، ڈائرکٹر جنرل (مرکزی شماریات)  شامل تھے۔ ان کے علاوہ اہم وزارتوں، تحقیقی اداروں، اور صنعتی انجمنوں کے دیگر افسران اور معززین نے بھی اس اجلاس میں شرکت کی۔

ڈاکٹر سوربھ گرگ، سکریٹری، شماریات اور پروگرام کے نفاذ کی وزارت (ایم او ایس پی آئی) نے نئے سروے متعارف کرانے اور بعض موجودہ سروے، جیسے کہ متواتر لیبر فورس سروے (پی ایل ایف ایس) اور غیر مربوط شعبے کی صنعتوں کے سالانہ جائزے(اے ایس یو ایس ای) پالیسی کے مطابق سالانہ سروے کے نتائج کی تعدد کو بڑھانے کے لیے وزارت کے عزم کا اعادہ کیا۔ کلیدی اقتصادی اشاریوں میں خدمات کے شعبے کے اہم کردار کو اجاگر کرتے ہوئے جیسے کہ قدر میں اضافہ، براہ راست غیر ملکی سرمایہ کاری، برآمدات، اور روزگار اور اس شعبے کے بارے میں دانے دار ڈیٹا کی کمی، ڈاکٹر گرگ نے سروسز سیکٹر انٹرپرائزز (اے ایس ایس ایس ای) کے سالانہ سروے کو شروع کرنے کے پیچھے دلیل کی وضاحت کی۔ انہوں نے اس بات پر زور دیا کہ متنوع ڈومینز کے ماہرین کے ساتھ بامعنی تعاون سروے کے ڈیزائن اور طریقہ کار کو بہتر بنانے میں معاون ثابت ہوگا۔ انہوں نے صنعتی اداروں اور تجارتی انجمنوں پر بھی زور دیا کہ وہ درست اور بروقت اعداد و شمار فراہم کرکے اپنا مکمل تعاون کریں جو سروے کی کامیابی اور اس کے نتائج کی ساکھ کو یقینی بنانے میں اہم ہوگا۔

ڈاکٹر راکیش موہن، ممبر ای اے سی- پی ایم نے خدمات کی صنعت کے مختلف ذیلی شعبوں کا ذکر کیا جن کی معیشت میں بڑھتی ہوئی اہمیت کے پیش نظر سروے میں خصوصی توجہ کی ضرورت ہے۔ دہلی اسکول آف اکنامکس کے ڈائریکٹر ڈاکٹر رام سنگھ نے اپنے خطاب میں این ایس ایس کو قوم کی خدمت کے 75 سال کامیابی کے ساتھ مکمل کرنے پر مبارکباد دی۔ انہوں نے اس نئے سروے کو شروع کرنے کے لیے جی ایس ٹی این ڈیٹا سے مستفید ہونے کے لیے ایم او ایس پی آئی کی بھی ستائش کی، اس طرح اے ایس یو ایس ای کے ساتھ مل کر خدمات کے شعبے کے پورے اسپیکٹرم کا احاطہ کیا گیا۔ عالمی بہترین طریقوں پر روشنی ڈالتے ہوئے، ورلڈ بینک کے سینئر ماہر اقتصادیات، تھامس ڈینیئل وِٹز نے ایک جامع بزنس رجسٹر (بی آر) قائم کرنے کی ضرورت پر زور دیا جو سالانہ سروے آف انڈسٹریز (اے ایس آئی) اور سروسز سیکٹر انٹرپرائزز  کے سالانہ سروے (اے ایس ایس ایس ای)جیسے سروے کے لیے ایک مضبوط فریم کے طور پر کام کرے گا۔

تکنیکی سیشن کے آغاز میں، محترمہ گیتا سنگھ راٹھور، ڈائرکٹر جنرل (این ایس ایس)، ایم او ایس پی آئی نے ہندوستانی معیشت میں سروس سیکٹر کی اہمیت اور اسٹیک ہولڈرز کے ساتھ مل کر سروے کے طریقہ کار کو تشکیل دینے کے لیے ذہن سازی کے سیشن کی اہمیت پر دوبارہ زور دیا۔

تکنیکی سیشن میں اے ایس ایس ایس ای کے مقاصد، سیکٹرل کوریج، مجوزہ نمونے لینے کا فریم، حال ہی میں کیے گئے پائلٹ اسٹڈی سے اہم نتائج اور سروس پروڈکشن کے اشاریہ کی تیاری میں اے ایس ایس ایس ای ڈیٹا کی افادیت سمیت اس کا ایک جامع جائزہ پیش کیا گیا۔ اس سیشن میں عالمی سطح پر کی جانے والی اسی طرح کی سروے مشقوں میں بین الاقوامی بہترین طریقوں کا جائزہ بھی شامل تھا۔

تکنیکی سیشن کے بعد، ایک کھلی منزل پر بحث ہوئی جس میں مختلف اسٹیک ہولڈر وزارتوں، بین الاقوامی تنظیموں اور صنعتی انجمنوں کے نمائندوں نے اپنی ڈیٹا کی ضروریات اور سروے سے ان کی توقعات کو اجاگر کرتے ہوئے اپنے خیالات کا اظہار کیا۔

غور و خوض پر مبنی اجلاس سے اخذ شدہ چند اہم نکات

• اے ایس ایس ایس ای کے لیے نمونے لینے کے فریم کے طور پر جی ایس ٹی این ڈیٹا بیس کی توثیق

• سروے کے نظام الاوقات کی اصلاح بڑے اسٹیک ہولڈرز کی ضرورت کو پورا کرتی ہے۔

• سروے کو اسٹیک ہولڈرز کی ضرورت کے مطابق ترتیب دینا

• سروے کے جواب کی شرح کو بڑھانے میں صنعت کی انجمنوں کی شمولیت

اس سیشن  نے غور و فکر، نظریات اور اتفاق رائے  کے لیے ایک موثر پلیٹ فارم کے طور پر کام کیا۔ تبادلہ خیال کے دوران حاصل ہوئیں معلومات اور سفارشات اے ایس ایس ایس ای کے مکمل پیمانے پر آغاز کے لیے نقطہ نظر اور نفاذ  کی حکمت عملی کو بہتر بنانے میں اہم کردار ادا کریں گی۔

 

**********

 (ش ح –ا ب ن)

U.No:4678

(Release ID: 2156177)