انڈین سائن لینگویج ریسرچ اینڈ ٹریننگ سینٹر (آئی ایس ایل آر ٹی سی) نے 15 روزہ آر پی ایل - سرٹیفیکیشن ان انڈین سائن لینگویج انٹرپریٹیشن (سی آئی ایس ایل آئی) تربیتی پروگرام کا آغاز کیا، جو خاص طور پر کوڈا (بہرے بالغوں کے بچے) اور سوڈا (بہرے بالغوں کے بہن بھائی) کے لیے ترتیب دیا گیا ہے۔

افتتاحی تقریب نئی دہلی میں واقع آئی ایس ایل آر ٹی سی میں منعقد ہوئی، جس میں ڈپٹی ڈائریکٹر جنرل، ڈی ای پی ڈبلیو ڈی، محترمہ ریچا شنکر مہمانِ خصوصی تھیں۔ اس موقع پر جناب جسبیر سنگھ، ڈپٹی سیکریٹری، بیداری، عمومی اور تشہیری اسکیمیں (اے جی پی)، ڈی ای پی ڈبلیو ڈی بطورِ خصوصی مہمان شریک ہوئے۔

آئی ایس ایل آر ٹی سی کے ڈائریکٹر جناب کمار راجو نے شرکاء کا خیر مقدم کیا اور اس تربیتی پروگرام کی اہمیت پر روشنی ڈالی۔

 انہوں نے کہا کہ اس پروگرام کا مقصد شرکاء کی موجودہ انڈین سائن لینگویج کی مہارتوں کو تسلیم کرنا اور ان کی باقاعدہ تصدیق فراہم کرنا ہے۔

محترمہ ریچا شنکر نے منتخب امیدواروں کو مبارکباد پیش کی اور کہا کہ حکومتِ ہند اور ڈی ای پی ڈبلیو ڈی انڈین سائن لینگویج کمیونٹی کو بااختیار بنانے اور آئی ایس ایل انٹرپریٹیشن خدمات کو مضبوط بنانے کے لیے پرعزم ہیں۔ انہوں نے شرکاء سے تبادلہ خیال کیا، ان کے خیالات سنے، اور انہیں مستقبل کے اقدامات کے لیے اپنی تجاویز پیش کرنے کی ترغیب دی۔

شرکاء نے اس قلیل مدتی کورس کے آغاز پر آئی ایس ایل آر ٹی سی اور ڈی ای پی ڈبلیو ڈی کا شکریہ ادا کیا، جس کا وہ کافی عرصے سے انتظار کر رہے تھے۔ اس تربیتی پروگرام میں کل 18 امیدواروں نے شمولیت اختیار کی۔

سیکریٹری، ڈی ای پی ڈبلیو ڈی کا خصوصی شکریہ ادا کیا گیا جنہوں نے اپنی دوراندیش قیادت اور تعاون سے اس تربیتی پروگرام کو حقیقت میں بدلا۔

اس موقع پر جناب ہریش سونی، اسسٹنٹ پروفیسر، پروگرام کوآرڈینیٹر، محترمہ خوشبو سونی (کو-کوآرڈینیٹر)، دیگر اسسٹنٹ پروفیسرز، ماسٹر ٹرینرز، اور(ڈیف انسٹرکٹرز)  بہرے انسٹرکٹرز بھی موجود تھے۔

******

UR-4645

(ش ح۔ اس ک۔ ع ن)

(Release ID: 2155918)