تکنیکی تعلیم کیلئے آل انڈیا کونسل(اے آئی سی ٹی ای) کی منظوری سے شروع کیے گئے پوسٹ گریجویٹ ڈپلومہ اِن مینجمنٹ – ایگری بزنس مینجمنٹ (اے بی ایم – پی جی ڈی ایم)کورس، جو ریجنل انسٹی ٹیوٹ آف کوآپریٹو مینجمنٹ  (آر آئی سی ایم) کے تحت چلایا جا رہا ہے، کے مقاصد اور ہدفی نتائج درج ذیل ہیں:

مقاصد:

• ایسے قابل ایگری بزنس مینیجرز تیار کرنا جو فیصلہ سازی اور قیادت کی صلاحیتوں کے حامل ہوں۔
• طلباء کو زراعت، کوآپریٹوز اور متعلقہ شعبوں کے لیے انتظامی مہارت سے آراستہ کرنا۔
• کیس اسٹڈیز، زمینی تجربات اور ادارہ جاتی روابط کے ذریعے عملی تعلیم کو فروغ دینا۔
• زرعی بنیاد پر قائم اداروں کو مشاورتی اور پالیسی سے متعلق حل فراہم کرنا۔

ہدفی نتائج:

• زراعت کے شعبے میں گریجویٹس کو اس قابل بنانا کہ وہ زرعی صنعت اور اس سے منسلک شعبوں کے لیے تیار شدہ پیشہ ور مینیجرز کے طور پر کام کر سکیں۔
• کوآپریٹوز، زرعی اداروں اور دیہی ترقی کے اداروں کے لیے تربیت یافتہ مینیجرز کا ایک دستہ تیار کرنا۔
• ایگری بزنس کے ماحولیاتی نظام میں کاروباری (آنترپریونیل) اقدامات کو فروغ دینا۔
• علمی و صنعتی تعاون کے ذریعے پالیسی میں حصہ داری اور ادارہ جاتی ترقی کو بڑھانا۔

یہ کورس اس وقت ریجنل انسٹی ٹیوٹ آف کوآپریٹو مینجمنٹ (آر آئی سی ایم)، گاندھی نگر اور ریجنل انسٹی ٹیوٹ آف کوآپریٹو مینجمنٹ ، چنڈی گڑھ میں پیش کیا جا رہا ہے۔

کورس میں سالانہ داخلے اور فارغ التحصیل طلباء کی ملازمتوں کی تفصیلات درج ذیل ہیں:

1. آر آئی سی ایم، گاندھی نگر

 

 

2.آر آئی سی ایم ، چنڈی گڑھ

پی جی ڈی ایم اے بی ایم کورس اس تعلیمی سال سے شروع کیا جا رہا ہے جس میں 30 طلباء کی داخلے کی گنجائش ہے۔

صنعت، تعلیمی اور زرعی شراکت داروں کے ساتھ تعاون جو کہ فارغ التحصیل افراد کے لیے تقرری اور کاروباری روابط کو یقینی بناتا ہے:

صنعتی اشتراکات:

نیشنل کونسل فار کوآپریٹو ٹریننگ   کے تحت آر آئی سی ایمز کی جانب سے پیش کردہ پی جی ڈی ایم–ایگری بزنس مینجمنٹ پروگرام نے انٹرن شپس، فیلڈ ٹریننگ، لائیو پراجیکٹس اور ملازمت کے مواقع کے لیے اہم صنعتی شراکت داروں کے ساتھ فعال تعلقات قائم کیے ہیں۔ نمایاں صنعتی شراکت داروں میں شامل ہیں:

• بناس کانٹھا ڈسٹرکٹ کوآپریٹو ملک پروڈیوسرز یونین لمیٹڈ (بناس ڈیری)، پالن پور، گجرات
• کیرا ڈسٹرکٹ کوآپریٹو ملک پروڈیوسرز یونین لمیٹڈ (امول ڈیری)، آنند، گجرات
• ایگریکلچرل پروڈیوس مارکیٹ کمیٹی ، پالن پور، گجرات
• اڈانی انڈسٹریز لمیٹڈ، شانتی گرام، احمد آباد، گجرات
• آئی ایچ ایس ای ڈی یو ایگروکیم پرائیویٹ لمیٹڈ
• دھنوکا ایگری ٹیک لمیٹڈ، احمد آباد، گجرات
• گجرات نرمدا ویلی فرٹیلائزر اینڈ کیمیکلز لمیٹڈ

یہ ادارے طلباء کو عملی تربیت فراہم کرتے ہیں اور ان کی پیشہ ورانہ ترقی میں معاون ہوتے ہیں، جیسے ڈیری، زرعی مصنوعات، مارکیٹنگ اور ایگرو پروسیسنگ کے شعبوں میں۔

تعلیمی اشتراکات:

آر آئی سی ایمز معزز تعلیمی و تحقیقی اداروں کے ساتھ بھی تعاون کرتے ہیں تاکہ علم کے تبادلے، کاروباری صلاحیت کی ترقی اور علمی بہتری کو فروغ دیا جا سکے۔ نمایاں تعلیمی شراکت داروں میں شامل ہیں:

• ویکنٹھ مہتا نیشنل انسٹی ٹیوٹ آف کوآپریٹو مینجمنٹ ، پونے، مہاراشٹر
• آنترپرینیورشپ ڈویلپمنٹ انسٹی ٹیوٹ آف انڈیا ، گاندھی نگر، گجرات
• انٹرنیشنل ایگری بزنس مینجمنٹ انسٹی ٹیوٹ، آنند، گجرات
• انسٹی ٹیوٹ آف رورل مینجمنٹ آنند ، گجرات
• انڈین انسٹی ٹیوٹ آف مینجمنٹ ، احمد آباد، گجرات

یہ تعلیمی اشتراکات ماہر لیکچرز، مشترکہ پروگرامز، کیس اسٹڈی کی تیاری، تحقیقی تعاون اور طلباء کے لیے کاروباری رہنمائی میں سہولت فراہم کرتے ہیں۔

پی جی ڈی ایم–ایگری بزنس مینجمنٹ   پروگرام ایک خود مالی معاونت والا کورس ہے، جسے آل انڈیا کونسل برائے تکنیکی تعلیم  کی باقاعدہ منظوری حاصل ہے۔ یہ پروگرام آر آئی سی ایمز گاندھی نگر اور آر آئی سی ایم چنڈی گڑھ میں پیش کیا جا رہا ہے۔

مالی سال 2024-25 میں حکومت کی جانب سے گرانٹ اِن ایڈ کے تحت آر آئی سی ایم گاندھی نگر کو تنخواہوں کی مد میں 168.96 لاکھ روپے اور آر آئی سی ایم چندی گڑھ کو 189.75 لاکھ روپے فراہم کیے گئے ہیں۔

آر آئی سی ایمز (بینگلور، چنڈی گڑھ، گاندھی نگر، کلیانی اور پٹنہ) دیہی اور نیم شہری علاقوں میں تربیتی اور صلاحیت سازی کے پروگرام منعقد کرتے ہیں۔ پانچوں آر آئی سی ایم کی جانب سے این سی سی ٹی کے تحت منعقدہ صلاحیت سازی کے پروگراموں کی تفصیلات درج ذیل ہیں:

 

یہ بات امدادباہمی کے وزیر جناب امت شاہ نے لوک سبھا میں ایک سوال کے تحریری جواب میں کہی۔

****

ش ح ۔   م  د ۔  م  ص

(U : 4620  )

(Release ID: 2155821)