ارضیاتی سائنس کی وزارت کے تحت ایک خود مختار ادارہ انڈین نیشنل سینٹر فار اوشین انفارمیشن اینڈ سروسز (آئی این سی او آئی ایس) نے گہرے سمندر سے متعلق مشن کے تحت ہندوستانی ساحلوں پرآب و ہوا کی تبدیلی سے پیدا ہونے والی انتہائی سطح سمندر اور ساحلی خطرے پر ایک عبوری رپورٹ تیار کی ہے۔  یہ رپورٹ مستقبل میں سطح سمندر میں اضافےاور ساحلی ہندوستان پر اس کے اثرات کا ایک جامع جائزہ اور ہندوستانی ساحل کے ساتھ منتخب 11 مقامات کے لیے متعلقہ حساس نقشے پیش کرتی ہے۔  آئی این سی او آئی ایس نے ممبئی ، چنئی اور کولکاتہ سمیت 1:100000 کے پیمانے پر ساحلی خطرات سے متعلق اشاریہ (سی وی آئی) کے نقشے بھی شائع کیے ہیں جو سطح سمندر میں اضافے، ساحلی ڈھلان، ساحلی خط کی تبدیلی کی شرح، ساحلی ارتفاع، ساحلی جیومورفولوجی، سمندری لہروں کی حد اور لہر کی قابل ذکر اونچائی کی وجہ سے ساحل پر ممکنہ اثرات کے جائزے پر مبنی ہیں۔

مزید برآں ، سروے آف انڈیا (ایس او آئی) نے پانی کی سطح میں اتار چڑھاؤ، سطح سمندر میں اضافے اور وقت کے ساتھ ساحل کی تبدیلیوں (کٹاؤ یا تہ جمنا) کی وجہ سے زمینی علاقے میں سیلاب کی حد کو مدنظر رکھتے ہوئے ایک’’ہزارڈ لائن‘‘کا تعین کیا ہے۔

چھوٹے اور درمیانے درجے کے ساحلی شہروں کی مدد کے لیے موافقت کی حکمت عملی تیار کی جا رہی ہے، جو انتہائی کمزور ہیں اور اکثر مناسب وسائل سے محروم ہیں۔  حکومت ہند نے خاص طور پر ساحلی علاقوں کے لیے آب و ہوا کی تبدیلی کے موافقت، تخفیف اور لچیلی تعمیر پر مرکوز جامع حکمت عملی اور عملی منصوبے شروع کیے ہیں۔

• حکومت ہند، ماحولیات، جنگلات اور آب و ہوا میں تبدیلی کی وزارت کے ذریعے، آب و ہوا میں  تبدیلی سے متعلق قومی ایکشن پلان (این اے پی سی سی) کو نافذ کر رہی ہے جس میں مخصوص علاقوں میں مشن شامل ہیں۔  این اے پی سی سی کے تحت نو میں سے چھ مشن پانی، مسکن، زراعت، ہمالیائی ماحولیاتی نظام، انسانی صحت اور آب و ہوا میں تبدیلی کی اہم معلومات میں موافقت پر مرکوز ہیں۔  یہ تمام مشن آب و ہوا میں تبدیلی کے منفی اثرات سے نمٹنے کے لیے حکمت عملیوں پر مرکوز ہیں اور متعلقہ نوڈل وزارتوں/محکموں کے ذریعے ان پر عمل درآمد کیا گیا ہے ۔  اس کے علاوہ، چونتیس ریاستوں اور مرکز کے زیر انتظام علاقوں نے آب و ہوا میں  تبدیلی سے متعلق اپنے متعلقہ ریاستی ایکشن پلان (ایس اے پی سی سی) تیار کیے ہیں  ایس اے پی سی سی سیاق و سباق سے متعلق ہے اور ہر ریاست کے مختلف ماحولیاتی ، سماجی اور اقتصادی حالات کو مدنظر رکھتے ہوئے موافقت کی حکمت عملی فراہم کرتا ہے۔
• 15ویں مالیاتی کمیشن کی سفارشات کے بعد، 20 جون 2024 کو نیشنل ڈیزاسٹر میٹیگیشن فنڈ (این ڈی ایم ایف) کے تحت ’’ساحلی اور دریا کے کٹاؤ کے لیے فنڈز کی تشخیص اور ریلیز کے لیے رہنما خطوط‘‘ جاری کرنے کا اعلان کیا گیا۔  یہ رہنما خطوط قدرتی آفات سے نمٹنے سے متعلق قومی فنڈ (این ڈی آر ایف) کے ذریعے کٹاؤ کو کم کرنے کے کاموں اور بے گھر آبادی کی بحالی دونوں کے لیے انتظامات کرتے ہیں جس میں 2021-26 کے لیے 1500 کروڑ روپے کی تجویز کردہ رقم شامل ہے۔  یہ اس بات کو یقینی بناتا ہے کہ کٹاؤ اور آب و ہوا سے متعلق خطرات سے متاثرہ چھوٹے شہروں کو بھی مالی اور لاجسٹک مدد ملے۔
• این سی سی آر ساحلی ریاستوں کو ساحلی انتظام کے منصوبے (ایس ایم پی) تیار کرکے سائنسی اور تکنیکی مدد فراہم کرتا ہے۔  یہ ایس ایم پیز نہ صرف ساحلی تحفظ پر توجہ مرکوز کرتے ہیں بلکہ سخت انجینئرنگ ڈھانچوں کے غیر ارادی اثرات اور آب و ہوا کی تبدیلی سے پیدا ہونے والے بڑھتے ہوئے خطرات جیسے چیلنجوں سے بھی نمٹتے ہیں۔
• این سی سی آر نے ہندوستان کی ساحلی ریاستوں میں ساحلی بائیو شیلڈز پر ایک رپورٹ اور اٹلس مرتب کی ہے، جو ساحل پرموجودہ بائیو شیلڈز متعلق  گاؤں کی سطح کا تفصیلی ڈیٹا فراہم کرتا ہے جو فطرت پر مبنی حل کے طور پر کام کرتا ہے۔

اہم ساحلی بنیادی ڈھانچے، میٹھے پانی کے ذرائع اور ساحلی علاقوں میں سیلاب اور نمکین پانی کے داخل ہونے سے روزی روٹی کے تحفظ کے لیے متعلقہ سمندری ریاستوں/مرکز کے زیر انتظام علاقوں کی حکومتوں کے ذریعے منصوبہ بندی اور ان پر عمل درآمد کیا جاتا ہے۔  مرکزی حکومت اس میں صرف سہولت کار، مشیر اور محرک کا کردار ادا کرتی ہے۔  ان پروجیکٹوں کو عام طور پر ریاستوں/مرکز کے زیر انتظام علاقوں کے ذریعے ان کے اپنے فنڈز سے، کثیرجہتی فنڈز سے یا مرکزی امداد کے ذریعے مالی اعانت فراہم کی جاتی ہے۔

تاہم، ساحلی کٹاؤ کے مسائل سے نمٹنے کے لیے مرکزی حکومت کی طرف سے اٹھائے گئے کچھ اقدامات ذیل میں دیے گئے ہیں:

• کوسٹل مینجمنٹ انفارمیشن سسٹم (سی ایم آئی ایس) کا نفاذ:  سی ایم آئی ایس کا آغاز 12 ویں پانچ سالہ منصوبے کے دوران کیا گیا تھا تاکہ سائنسی اور ڈیٹا پر مبنی طریقۂ کار کے ذریعے ساحلی کٹاؤ کے چیلنجوں سے نمٹا جا سکے۔  ساحلی ڈیٹاکے ایک مخصوص ذخیرے کی کمی کو دیکھتے ہوئے، سی ایم آئی ایس کو منظم طریقے سے کلیدی ساحلی پیمانوں کو جمع کرنے اور تجزیہ کرنے کے لیے تیار کیا گیا تھا۔  سی ایم آئی ایس کا بنیادی مقصد قابل اعتماد، سائٹ سے متعلق ڈیٹا فراہم کرکے ساحلی تحفظ کی موثر منصوبہ بندی، کٹاؤ کو کم کرنے اور آب و ہوا سے موافقت میں مدد کرنا ہے۔
• نیشنل سینٹر فار کوسٹل ریسرچ (این سی سی آر) جو کہ ارضیاتی سائنسز کی وزارت کا ایک منسلک دفتر ہے، ہندوستانی ساحل کے ساتھ ساتھ ساحلی خطوں میں ہونے والی تبدیلیوں کی نقشہ سازی کر رہا ہے تاکہ طوفانی لہروں، سونامی وغیرہ جیسے پائیدار ساحلی ترقی کی طرف رہنمائی اور ساحلی خطرات سے نمٹنے کے لیے ملک کی تیاری کو بڑھایا جا سکے۔  این سی سی آر نے مارچ 2022 میں’’ہندوستانی ساحلوں کے ساتھ ساحلی خطوں سے متعلق تبدیلیوں کی قومی تشخیص‘‘ پر ایک اسٹیٹس رپورٹ تیار اور شائع کی ہے ۔  رپورٹ میں ہندوستانی سرزمین کے ساحل کی حالت کو دکھایا گیا ہے اور انہیں کٹاؤوالے، بلند اور مستحکم ساحلوں میں درجہ بند کیا گیا ہے۔

حکومت مؤثر اور جامع ساحلی لچیلاپن پیدا کرنے کے اپنے وژن کے ایک حصے کے طور پر کمیونٹی کی شرکت اور مقامی منصوبہ بندی کو مربوط کر رہی ہے۔  اس کا ذکر قدرتی آفت کے بندوبست سے متعلق قومی اتھارٹی (این ڈی ایم اے) کے تیار کردہ ساحلی خطرات کو کم کرنے اور لچیلے پن سے متعلق قومی پروگرام (آئی سی آر ایم آر پی) میں کیا گیا ہے۔

آئی سی آر ایم آر پی ایک سات اجزاء کا فریم ورک اپناتا ہے جس میں نہ صرف تکنیکی اور ساختی اقدامات جیسے خطرے کی تشخیص، ابتدائی انتباہی نظام اور ماحولیاتی نظام کا لچیلاپن، بلکہ کمیونٹی کی صلاحیت سازی اور پائیدار ترقیاتی منصوبہ بندی بھی شامل ہے۔  یہ اجزاء لچیلے پن کی کوششوں میں مقامی برادریوں کی فعال شرکت پر زور دیتے ہیں اور مقامی منصوبہ بندی کو فروغ دیتے ہیں، جس میں سماجی و اقتصادی حساسیت، ماحولیاتی حساسیت اور طویل مدتی پائیداری پر غور کیا جاتا ہے۔

یہ معلومات آج راجیہ سبھا میں سائنس اور ٹیکنالوجی اور ارضیاتی سائنسز کے وزیر مملکت (آزادانہ چارج)، وزیر اعظم کے دفتر میں وزیر مملکت ، عملہ ، عوامی شکایات اور پنشن، جوہری توانائی کے محکمے اور خلائی محکمے کے وزیر مملکت ڈاکٹر جتیندر سنگھ نے ایک تحریری جواب میں فراہم کیں۔

****

) ش ح – ک ح-  ش ب ن )

U.No. 4560

(Release ID: 2155418) Visitor Counter : 6