کوئلہ کی وزارت نے آج محترمہ روپندر برار، ایڈیشنل سکریٹری و نامزد اتھارٹی (اے ایس اینڈ این اے) کی صدارت میں ایک جامع جائزہ اجلاس منعقد کیا، تاکہ مدھیہ پردیش، آسام، اروناچل پردیش، تلنگانہ اور گجرات میں مختص شدہ ذاتی اور تجارتی کوئلہ بلاکس کی حالت اور پیش رفت کا جائزہ لیا جا سکے۔ اجلاس میں کوئلہ بلاک حاصل کرنے والے، مرکزی حکومت اور متعلقہ ریاستی حکومتوں کے سینئر حکام نے شرکت کی، تاکہ آپریشنل کامیابیوں کا جائزہ لیا جا سکے، موجودہ چیلنجز پر بات کی جا سکے اور کوئلہ پیداوار میں اضافہ کے لیے اقدامات پر غور کیا جا سکے۔

جائزہ میٹنگ کے دوران کل 39 کوئلہ بلاکس کا معائنہ کیا گیا، جن میں 33 مدھیہ پردیش میں، 2 آسام میں، 1 اروناچل پردیش میں، 1 تلنگانہ میں اور 2 گجرات میں شامل ہیں۔ ان ریاستوں میں ذاتی اور تجارتی کوئلہ کانوں کی کارکردگی میں مسلسل بہتری دیکھی گئی ہے۔ مدھیہ پردیش میں 13 کوئلہ بلاکس فعال ہیں، جن میں سے 9 کوئلہ پیدا کر رہے ہیں، جبکہ تلنگانہ میں 1 کوئلہ بلاک پیداوار میں ہے۔ یہ پیداوار کرنے والے بلاکس مالی سال 2024-25 میں مجموعی طور پر 34.80 ملین ٹن کوئلہ پیدا کر چکے ہیں، جبکہ رواں مالی سال 2025-26 میں (31 جولائی 2025 تک) پہلے ہی 10.80 ملین ٹن پیدا کیا جا چکا ہے۔

اجلاس میں اس بات پر بھی زور دیا گیا کہ ان ریاستوں کے باقی 25 کوئلہ بلاکس کو جلد از جلد فعال کیا جائے تاکہ ملکی کوئلہ سپلائی کو مزید مضبوط کیا جا سکے، درآمدات پر انحصار کم ہو اور ملک کی بڑھتی ہوئی توانائی کی ضروریات پوری کی جا سکیں۔

ذاتی اور تجارتی کوئلہ کانکنی کو فروغ دینے کے اپنے عزم کو دہراتے ہوئے وزارت نے اس بات کی اہمیت پر زور دیا کہ کوئلہ کی بلا تعطل پیداوار کو یقینی بنایا جائے، سپلائی چین میں موجود رکاوٹوں کو دور کیا جائے اور وسائل کا مؤثر استعمال کیا جائے۔ وزارتِ کوئلہ متعلقہ فریقوں کے ساتھ قریبی تعاون جاری رکھے ہوئے ہے تاکہ کوئلہ اثاثوں کی مکمل صلاحیت کو بروئے کار لایا جا سکے، شعبے کی پائیدار ترقی کو آگے بڑھایا جا سکے اور خودکفیل (آتم نربھر) بھارت کے وژن میں اپنا  تعاون پیش کرسکے۔

 

ش ح ۔   م  د ۔  م  ص

(U : 4542 )

(Release ID: 2155300)