اہم معدنیات میں خود کفالت حاصل کرنے کی اسٹریٹجک کوشش کے تحت، حکومتِ ہند نیشنل کریٹیکل منرل مشن (این سی ایم ایم) کے تحت پیٹنٹ فائلنگ کو فعال طور پر فروغ دے رہی ہے۔ یہ پہل 29 جنوری 2025 کو مرکزی کابینہ کی جانب سے مشن کی منظوری کے بعد کی گئی، جس کا مقصد ایکسپلوریشن، کان کنی، فائدہ اُٹھانے، پروسیسنگ اور ری سائیکلنگ کے ذریعے ہندوستان کے اہم معدنی ویلیو چین کو مضبوط کرنا ہے۔

نیشنل کریٹیکل منرل مشن کی کلیدی ترجیحات میں سے ایک یہ ہے کہ مالی سال 2030-31 تک اہم معدنیات کی ویلیو چین میں 1,000 پیٹنٹ کی فائلنگ کی مدد اور نگرانی کی جائے، تاکہ ملکی ٹیکنالوجیز کی جدت اور تجارتی کاری کو فروغ دیا جا سکے۔

مئی 2025 میں 21 اور جون 2025 میں 41 پیٹنٹ، اہم معدنی ویلیو چین سے متعلق ہندوستان میں دائر کیے گئے۔ مئی 2025 کے دوران، معدنیات کے کلیدی شعبوں میں 2 پیٹنٹ دیے گئے، جبکہ جون 2025 میں مزید 8 پیٹنٹ دیے گئے۔ یہ دستاویزات تحقیق و ترقی کی بڑھتی ہوئی رفتار کی عکاسی کرتی ہیں جو ہندوستان کی سبز توانائی کی منتقلی اور اسٹریٹجک شعبوں کے لیے ضروری معدنیات کی تلاش، استخراج، پروسیسنگ اور استعمال پر مرکوز ہیں۔

ان علاقوں کی کچھ مثالیں جہاں پیٹنٹ دیے گئے ہیں:

• اٹریبیئم سے ڈوپ کیے گئے دھاتی آکسائیڈ نینو پارٹیکلز اور انوڈ پر مشتمل ایک ہی انوڈ اور ثانوی بیٹری کی تیاری کا طریقہ
• ٹنگسٹن-پولیمر کمپوزٹ مولڈ نکیل ویناڈائٹ پتلی فلم تیار کرنے کا طریقہ، جس میں سبسٹریٹ اور طریقہ کار شامل ہیں
• سوڈیم آئن بیٹریوں کے لیے ٹینٹلم ڈوپڈ نیسیکون سالڈ اسٹیٹ الیکٹرولائٹ

یہ پیٹنٹس این سی ایم ایم کے تحت تعاون یافتہ بڑھتی ہوئی جدت کی مثالیں ہیں، جن میں لتیم، نکل، ٹائٹینیم، ٹنگسٹن، ویناڈیم، اٹریبیئم اور ٹینٹلم جیسے معدنیات شامل ہیں — جو صاف توانائی، الیکٹرانکس اور اسٹریٹجک ٹیکنالوجیز کے لیے انتہائی اہم ہیں۔

حکومت اس ابھرتے ہوئے شعبے میں اسٹریٹجک خودمختاری کو یقینی بناتے ہوئے، اہم معدنی ٹیکنالوجیز میں اختراع کے لیے ہندوستان کو عالمی مرکز کے طور پر قائم کرنے کے لیے پرعزم ہے۔

****

ش ح۔ ا س ک۔ج

(Release ID: 2154968) Visitor Counter : 8