نیشنل آرکائیوز آف انڈیا نے حکومت ناگالینڈ کے محکمہ اعلیٰ تعلیم کے ساتھ مل کر کیپٹل کنونشن سنٹر، کوہیما میں ‘‘شمال مشرقی ہندوستان میں تعلیم کا فروغ’’ کے عنوان سے ایک منفرد آرکائیو نمائش کا افتتاح کیا۔ اس تاریخی نمائش  میں نایاب اور بصیرت سے بھرپور دستاویزات کے ذریعے شمال مشرقی بالخصوص ناگالینڈ میں تعلیم کے شعبے میں تاریخی ارتقاء اور پیش رفت کو نمایاں طور پر پیش کیاگیا  ہے۔

ناگالینڈ کے اعلیٰ تعلیم اور سیاحت کے وزیر جناب تیمجین امنا الونگ نے اس نمائش کا باقاعدہ افتتاح کیا۔ تقریب کے دوران عزت مآب وزیر نے ڈیجیٹل نمائش کا آغاز بھی کیا اور نمائشی بروشر کی نقاب کشائی بھی کی جو کہ خطے کے تعلیمی ورثے کے تحفظ اور فروغ کے لیے ایک اہم سنگ میل ثابت ہوگا۔

افتتاحی تقریب میں موجود دیگر معززین میں ڈاکٹر تسیئل ہوتوؤ (ایٹو) رتسو، ایم ایل اے، جناب سمر نندا، ڈائرکٹر جنرل، نیشنل آرکائیوز آف انڈیا، محترمہ سریتا یادو، آئی اے ایس، سکریٹری، اعلی اور تکنیکی تعلیم، محترمہ وی لووی ٹولی سیما، سابق آفیشیو ڈائریکٹر، ہائر ایجوکیشن، جناب سید فرید احمد، ڈپٹی ڈائریکٹر، نیشنل آرکائیوز آف انڈیا، ڈاکٹر دیویندر کمار شرما، محترمہ ایتھیل او لوتھا، کمشنر اور سیکریٹری، آرٹ اینڈ کلچر ڈیپارٹمنٹ اور سینئر حکام، اسکالرز، اساتذہ اور طلباء شامل تھے۔

اس  نمائش  میں خطے میں تعلیم کے فروغ پر مبنی ایک جامع اور فکر انگیز نظر یہ پیش کیاگیا، جس میں دستاویزات، تصاویر، خط و کتابت، اور پالیسی پیپرز شامل ہیں جو شمال مشرقی خطے میں تعلیمی اداروں کی ترقی اور اصلاحات کو بیان کرتے ہیں۔

یہ اشتراکی اقدام نہ صرف ناگالینڈ اور شمال مشرق کی بھرپور تعلیمی تاریخ کا جشن ہے بلکہ یہ اس خطے میں جدید تعلیم کو فروغ دینے والی کوششوں اور وژن کو اجاگر کرکے آنے والی نسلوں کو بھی متاثر کرتا ہے۔

یہ نمائش 8 اگست سے 14 اگست 2025 تک عوام کے لیے کھلی رہے گی اور سبھی کو شمال مشرقی ہندوستان میں تعلیم کی تاریخ کے اس دلچسپ سفر اور اس کا تجربہ کرنے کی دعوت دی جاتی ہے۔

***

ش ح۔ ک ا۔  ع ن

U.NO.4476

(Release ID: 2154962) Visitor Counter : 4