لوک سبھا میں آج  کیمیکلز  اور کھادوں  کی مرکزی وزیر مملکت محترمہ انوپریا پٹیل نےایک سوال کےتحریری  جواب میں یہ معلومات فراہم کی ہے کہ درد کش اور نفسیاتی بیماریوں سے متعلق  ادویات سمیت ادویات کی فروخت اور تقسیم کو ڈرگز اینڈ کاسمیٹکس ایکٹ 1940 اور اس کے تحت بنائے گئے قواعد کے تحت ریاستی حکومت کی جانب سے مقرر کردہ اسٹیٹ لائسنسنگ اتھارٹیز (ایس ایل اے ) کے ذریعے منظم کیا جاتا ہے۔ ایس ایل اے کو اس ایکٹ اور قواعد کے تحت اس کے نفاذ اور نگرانی کے لیے اختیارات حاصل ہیں، اور کسی بھی عدم تعمیل کی صورت میں وہ اس ایکٹ اور قواعد کے مطابق کارروائی کر سکتی ہیں۔

اس کے علاوہ ، ادویات کی آن لائن فروخت کو جامع طور پر منظم کرنے کے لیے، حکومتِ ہند نے 28.8.2018 کو ایک نوٹیفکیشن کے ذریعے مسودہ قواعد شائع کیے ہیں، جن میں عوام اور متعلقہ فریقین سے 1945 کے ڈرگز رولز میں مجوزہ ترامیم پر آراء طلب کی گئی ہیں تاکہ ای-فارمیسی کے ذریعے ادویات کی فروخت اور تقسیم سے متعلق ضوابط کو شامل کیا جا سکے۔

ان مسودہ قواعد میں ای-فارمیسی کی رجسٹریشن، ای-فارمیسی کا وقتاً فوقتاً معائنہ، ای-فارمیسی کے ذریعے ادویات کی تقسیم یا فروخت کا طریقہ کار، ای-فارمیسی کے ذریعے ادویات کی تشہیر پر پابندی، شکایات کے ازالے کا نظام، ای-فارمیسی کی نگرانی وغیرہ سے متعلق دفعات شامل ہیں۔

 

 

***********

ش ح۔ ام ۔ م ش

 (U:4417

(Release ID: 2154400)