ہاؤسنگ اور شہری امور کی وزارت (ایم او ایچ یو اے) 25.06.2015 سے پردھان منتری آواس یوجنا – شہری (پی ایم اے وائی-یو) نافذ کر رہی ہے جس کا مقصد ملک بھر میں مستحق شہری مستفیدین کو بنیادی شہری سہولتوں کے ساتھ ہر موسم کے لحاظ سے پکے مکانات فراہم کرنا ہے۔ پی ایم اے وائی-یو کے نفاذ کے تجربے سے حاصل اسباق کی بنیاد پر ایم او ایچ یو اے  نے اسکیم کو بہتر بنایا اور پی ایم اے وائی – یو 2.0 ’سبھی کے لیے مکان‘ مشن کا آغاز کیا جس کا اطلاق  یکم ستمبر 2024 سے ہوا، اور اس کا مقصد آئندہ پانچ برسوں میں قابل استطاعت لاگت پر ایک کروڑ اضافی مستحق مستفیدین کے لیے مکان کی تعمیر، خریداری اور کرائے کی سہولت فراہم کرنا ہے۔ پی ایم اے وائی-یو 2.0 کو  چار زمروں یعنی مستفیدین کے زیر نگرانی تعمیر (بی ایل سی)، شراکت داری میں قابل استطاعت ہاؤسنگ (اے ایچ پی)، قابل استطاعت رینٹل ہاؤسنگ (اے آر ایچ) اور سودی رعایت والی اسکیم (آئی ایس ایس)  کے توسط سے نافذ کیا جا رہا ہے۔

پی ایم اے وائی – یو 2.0 کا اے ایچ پی عمودی دو ماڈلز کے ذریعے لاگو کیا جا رہا ہے:

ماڈل-1: پبلک سیکٹر ایجنسیوں اور پیراسٹیٹلز کے ذریعہ مکانات کی تعمیر۔

ماڈل-2: پرائیویٹ سیکٹر کے اے ایچ پی پروجیکٹس- ہاؤسنگ واؤچر کے ذریعے وائٹ لسٹڈ پرائیویٹ سیکٹر کے پروجیکٹس سے خرید کر مکان کی ملکیت۔

اسکیم کے رہنما خطوط کے مطابق، ٹیکنالوجی انوویشن گرانٹ (ٹی آئی جی) کی شکل میں ایک اضافی گرانٹ 1,000 روپے فی مربع میٹر تک 30 مربع میٹر کارپٹ ایریا فی رہائشی یونٹ اے ایچ پی پروجیکٹس کے لیے جی ایچ ٹی سی / پی اے سی ایس کے ذریعے بی ایم ٹی پی سی / سی پی ڈبلیو ڈی کے ذریعے ایم او ایچ یو اے کے ذریعے مطلع کردہ اختراعی تعمیراتی ٹیکنالوجیز کا استعمال کرتے ہوئے فراہم کی گئی ہے۔ مزید برآں، ریاستوں/ مرکز کے زیر انتظام حکومتوں کو بھی اپنے وسائل سے اے ایچ پی پروجیکٹوں کے لیے مرکزی ٹی آئی جی کے تناسب سے ٹی آئی جی فراہم کرنا ہوگا۔ ٹی آئی جی صرف جدید اور متبادل ٹیکنالوجیز استعمال کرنے والے منصوبوں کے لیے لاگو ہوتا ہے اور تمام قانونی منظوری حاصل کرنے کے بعد ہر لحاظ سے 18-24 ماہ کے اندر مکمل ہونا چاہیے۔

پی ایم اے وائی – یو 2.0 کے اے ایچ پی عمودی کے تحت، 8 پروجیکٹوں میں کل 21,017 مکانات کو وزارت نے 18.06.2025 کو صرف ریاست مہاراشٹر میں، متبادل ٹیکنالوجی کا استعمال کرتے ہوئے منظوری دی ہے۔ یہ منصوبے 90.64 کروڑ روپے (مرکزی حصہ 60.44 کروڑ روپے اور ریاستی ٹی آئی جی 30.2 کروڑ روپے) کے ٹی آئی جی حاصل کرنے کے اہل ہیں۔ اسکیم کے رہنما خطوط کے مطابق، ریاست کی طرف سے پیش کردہ تعمیل کی بنیاد پر ٹی آئی جی جاری کیا جائے گا۔ ابھی تک ریاست مہاراشٹر کو کوئی ٹی آئی جی جاری نہیں کیا گیا ہے۔ آندھرا پردیش سے ایسی کوئی تجویز ابھی تک وزارت کو موصول نہیں ہوئی ہے۔

اس سے قبل پی ایم اے وائی – یو میں، اے ایچ پی عمودی کے تحت آندھرا پردیش میں اختراعی یک سنگی تعمیراتی ٹکنالوجی پر مشتمل 2.68 لاکھ مکانات کی منظوری دی گئی تھی، لیکن پی ایم اے وائی –یو کے پہلے رہنما خطوط میں اے ایچ پی پروجیکٹوں کے لیے کوئی ٹی آئی جی فراہم نہیں کیا گیا تھا۔

پی ایم اے وائی – یو کے تحت قائم کردہ ٹیکنالوجی سب مشن (ٹی ایس ایم) گھروں کی تیز رفتار اور معیاری تعمیر کے لیے جدید، اختراعی اور سبز ٹیکنالوجی اور متبادل تعمیراتی مواد کو اپنانے میں ریاستوں/مرکز کے زیر انتظام علاقوں اور دیگر اسٹیک ہولڈرز کی رہنمائی اور سہولت فراہم کرتا ہے۔ اسے پی ایم اے وائی – یو 2.0 کے تحت ٹیکنالوجی اور انوویشن سب مشن (ٹی آئی ایس ایم) کے طور پر مزید بڑھایا گیا ہے تاکہ اختراعی ڈیزائن اور تعمیراتی طریقوں اور منصوبوں کی مدد کی جا سکے۔ ٹی ایس ایم کے تحت، گلوبل ہاؤسنگ ٹیکنالوجی چیلنج – انڈیا (جی ایچ ٹی سی- انڈیا) کا انعقاد کیا گیا تاکہ عالمی سطح پر دستیاب بہترین ثابت شدہ تعمیراتی ٹیکنالوجیز کی شناخت اور مرکزی دھارے میں شامل کیا جا سکے جس میں پہلے سے تیار شدہ ٹیکنالوجی بھی شامل ہے جو تیز، پائیدار، سبز اور آفات سے بچنے والی ہیں۔ جی ایچ ٹی سی- انڈیا کے تحت، پوری دنیا سے شارٹ لسٹ کی گئی 54 جدید ثابت شدہ تعمیراتی ٹیکنالوجیز کی ایک ٹوکری کو ریاستوں/مرکز کے زیر انتظام علاقوں بشمول آندھرا پردیش کی طرف سے اپنانے کے لیے مختلف جغرافیائی آب و ہوا والے خطوں کے مطابق چھ الگ الگ زمروں میں گروپ کیا گیا جو کہ www.ghtc-india.gov.in  پر دستیاب ہیں۔

ان پروجیکٹوں میں استعمال ہونے والی اختراعی ٹیکنالوجیز وہ ہیں جو جی ایچ ٹی سی- انڈیا کے تحت تکنیکی جائزہ کمیٹی کے ذریعے شارٹ لسٹ کی گئی ہیں اور جو ثابت شدہ اور وقت کی جانچ کی گئی ہیں۔ مزید، پی ایم اے وائی – یو 2.0 کے رہنما خطوط کے مطابق، ریاستوں/مرکز کے زیر انتظام علاقوں کے ذریعہ منتخب کردہ تھرڈ پارٹی کوالٹی مانیٹرنگ ایجنسیوں (ٹی پی کیو ایم اے) کے ذریعے مشن کے بی ایل سی / اے ایچ پی / اے آر ایچ ورٹیکلز کے تحت تعمیر کے معیار کو یقینی بنانے کا انتظام ہے۔ ٹی پی کیو ایم ایجنسیوں کو پروجیکٹ سائٹ کا دورہ کرنے اور ریاست/مرکز کے زیر انتظام علاقے اور شہری مقامی اداروں کو معیار سے متعلق مسائل پر مشورہ دینے کی ضرورت ہے۔

ہاؤسنگ اور شہری امور کی وزارت کے زیراہتمام بلڈنگ میٹریلز اینڈ ٹیکنالوجی پروموشن کونسل (بی ایم ٹی پی سی) کا قیام ملک میں اس طرح کی شناخت شدہ اختراعی ٹیکنالوجیز کی کارکردگی اور اسکیل ایبلٹی کی مسلسل جانچ، جائزہ اور نگرانی کے لیے کیا گیا ہے۔ بی ایم ٹی پی سی کو پائلٹ ڈیموسٹریشن ہاؤسنگ پروجیکٹس، اختراعی ٹکنالوجیوں کی کارکردگی کا سرٹیفیکیشن، آندھرا پردیش سمیت ملک بھر میں، بالخصوص نیلور اور دیگر طوفان سے متاثرہ اضلاع میں تربیت اور صلاحیت کی تعمیر کے لیے ذمہ داری دی گئی ہے۔ مزید، اے ایچ پی اور اے آر ایچ پروجیکٹس کے لیے ٹیکنالوجی انوویشن گرانٹ (ٹی آئی جی) کی شکل میں اضافی مرکزی امداد کی فراہمی جی ایچ ٹی سی-انڈیا کی تصدیق شدہ ٹیکنالوجیز کو اپنانے کے لیے ایک فروغ ہے۔

یہ اطلاع ہاؤسنگ اور شہری امور کے وزیر مملکت جناب توکھن ساہو کے ذریعہ آج لوک سبھا میں ایک تحریری جواب کے تحت دی گئی۔

**********

 (ش ح –ا ب ن)

U.No:4323

(Release ID: 2153878)