جیولوجیکل سروے آف انڈیا (جی ایس آئی) اپنے 175ویں یوم تاسیس تقریبات کے جزو کے طور پر، مدھیہ پردیش کے شہر جبل پور میں 7 اور 8 اگست 2025 کو ’’اہم معدنیات: تلاش اور استعمال‘‘ کے موضوع پر دو روزہ قومی کانفرنس کا اہتمام کر رہا ہے۔ اس کانفرنس کا آغاز آج رانی درگاوتی وشوودیالیہ کے وائس چانسلر اور تقریب کے مہمان خصوصی پروفیسر راجیش کمار  نے ، جی ایس آئی کے ڈائرکٹر جنرل جناب اسیت ساہا کے ساتھ کیا۔  اس تقریب میں منرل ایکسپلوریشن اینڈ کنسلٹنسی لمیٹڈ (ایم ای سی ایل) کے سی ایم ڈی جناب آئی ڈی نرائن اور ایٹامک منرلس ڈائرکٹوریٹ فار ایکسپلوریشن اینڈ ریسرچ (اے ایم ڈی) نے شرکت کی ۔ ان کے علاوہ اس تقریب میں متعلقہ فریقوں، پالیسی سازوں، آئی آئی ٹی اداروں/ یونیورسٹیوں، تحقیقی اداروں اور تعلیمی اداروں کی شرکت بھی ملاحظہ کی گئی۔

اس کانفرنس نے اہم معدنی وسائل میں اضافے اور استعمال کے مستقبل کے لیے روڈ میپ پر خیالات، تجربات اور بات چیت کے تبادلے کے لیے ایک جامع پلیٹ فارم فراہم کیا۔

اپنے افتتاحی خطاب میں، پروفیسر راجیش کمار ورما، وی سی، رانی درگاوتی وشو ودیالیہ نے تلاش کی کوششوں کو تیز کرنے اور درآمدی انحصار کو کم کرنے کی فوری ضرورت پر زور دیا، ہندوستان کی صاف توانائی کی منتقلی اور تکنیکی خود انحصاری کو حاصل کرنے میں اہم معدنیات کے اسٹریٹجک کردار پر زور دیا۔ انہوں نے اہم معدنیات کی تلاش اور معدنی شعبے کی ترقی کے لیے ایک مضبوط بنیاد بنانے کے میدان میں جی ایس آئی کے اہم کردار کو سراہا۔

جناب آسیت ساہا، ڈی جی، جی ایس آئی، نے اپنے خطاب میں کوئلے کی تلاش پر ابتدائی توجہ مرکوز کرنے سے لے کر متنوع جیو سائنسی ڈومینز میں عالمی سطح پر تسلیم شدہ ادارے کے طور پر ابھرنے تک جی ایس آئی کے 175 سالہ سفر کی عکاسی کی۔ انہوں نے نیشنل کریٹیکل منرل مشن کے اہم کردار پر روشنی ڈالی اور تکنیکی ترقی اور توانائی کی خودمختاری کے لیے اہم معدنی وسائل کو محفوظ بنانے کی ضرورت پر زور دیا۔ اس ڈومین میں شدید عالمی مسابقت کو اجاگر کرتے ہوئے، انہوں نے جی ایس آئی ، اسٹیک ہولڈرز اور اکیڈمی کے درمیان باہمی تعاون پر زور دیا۔

جناب آئی ڈی نارائن، سی ایم ڈی، ایم ای سی ایل ، نے اہم معدنیات کی تلاش اور معدنیات کے بلاک کی نیلامی میں جی ایس آئی کے اہم تعاون کی تعریف کی۔ انہوں نے اہم معدنیات کی تلاش کے میدان میں ایم ای سی ایل اور جی ایس آئی کے درمیان مشترکہ کوششوں پر روشنی ڈالی، جس میں زیمبیا میں بیس میٹل اور اہم معدنیات کی تلاش میں ان کے مشترکہ اقدامات شامل ہیں اور ارضیاتی صلاحیت کو سٹریٹجک وسائل میں تبدیل کرنے کے لیے ایسی باہمی کوششوں کی ضرورت پر زور دیا۔ انہوں نے اختراع، مضبوط شراکت داری، اور ہندوستان کے معدنی وسائل کی بنیاد کو بڑھانے کی طرف مرکوز کوششوں کے ذریعے معدنی خود انحصاری کے حصول کے مشترکہ وژن کا خاکہ پیش کیا۔

اے ایم ڈی کے ڈائریکٹر جناب دھیرج پانڈے نے ہندوستان کی توانائی کی حفاظت اور ڈیجیٹل ترقی کو یقینی بنانے میں جوہری اور نایاب زمینی معدنیات کے اہم کردار پر روشنی ڈالتے ہوئے کانفرنس سے خطاب کیا۔ جی ایس آئی کی فعال کوششوں کو سراہتے ہوئے، انہوں نے ملک کی وسیع معدنی صلاحیت کو کھولنے کے لیے ایجنسیوں کے درمیان گہرے تعاون اور اسٹریٹجک صف بندی پر زور دیا۔

اس تقریب میں مختلف جغرافیائی سائنسی موضوعات جیسے کہ ارضیاتی فریم ورک، معدنی نظام کے ماڈلز، جیو فزیکل حکمت عملی، تلاش کے جدید آلات، پائیدار کان کنی کے طریقوں، پالیسی میں اصلاحات، اور اہم معدنی ری سائیکلنگ پر تکنیکی سیشنز پیش کیے گئے۔ تکنیکی مقالے، پوسٹر، اور تحقیقی خلاصے ڈومین کے ماہرین کے ذریعہ پیش کیے گئے اور ان پر غور و خوض کیا گیا، جس سے ہندوستان کے وسائل کے مستقبل کو محفوظ بنانے میں جیو سائنسی اختراع کی اہمیت کو تقویت حاصل ہوئی۔

کانفرنس کا پہلا دن بامعنی علمی تبادلے کے لیے ایک پلیٹ فارم  کے طور پر نمایاں رہا، جس میں ابھرتی ہوئی چنوتیوں پر مکالمے ، اور  اختراعی نقطہ نظرکو فروغ دیا گیا اور اہم معدنیات کی تلاش میں مستقبل کی سمت طے کی گئی۔ اس نے قومی ترجیحات سے ہم آہنگ جیوسائنٹفک تفہیم کو آگے بڑھانے کے لیے جی ایس آئی کی مضبوط عہدبستگی کی بھی عکاسی کی۔

**********

 (ش ح –ا ب ن)

U.No:4321

(Release ID: 2153816)