অৱাং-নোংপোক লমদমদা লম্বীগী ইনফ্রাস্ত্রকচর হেনগৎহন্নবগীদমক অৱাং-নোংপোক লমদমগী চাউখৎ-থৌরাং মন্ত্রালয়না (MDoNER) য়ুমশকৈশা (ওগস্ত 6, 2025) নুমিৎতা কিলোমীতর 15 শাংবা লুপা করোর 45.31গী শেনফম চংনা অসামদা KM 11+000দগী KM 26+200 ফাওবগী মনুংদা মঙ্গলদোই-মাজিকুচি লম্বী শেমগৎনবা প্রোজেক্ত অমা অয়াবা পীখ্রে।

প্রোজেক্ত অসি অৱাং নোংপোক্কী স্পেসিএল ইনফ্রাস্ত্রকচর দিবেলপমেন্ত স্কিম (NESIDS) - রোদসকী মখাদা পায়খৎকনি।

প্রোজেক্ত অসিগী মরুওইবা ফীচরশিং অদুদি:

• লম্বী অসিনা মঙ্গলদোইগী দরঙ্গ দিস্ত্রিক্ত হেদক্বাতর অমসুং উদলগুরি দিস্ত্রিক্ত সবদিভিজন হেদক্বাতর ভেরগাওগী মরক্তা হকথেংননা শম্নহনগনি।
• মসিনা মঙ্গলদোই অমসুং ভেরগাওনগী মরক্তা লৈরিবা অরাপ্পা অসি কিলোমীতর 7.2 হন্থহল্লগনি।
• মসিনা দেওমোরনোই কোলেজ য়াওনা এজুকেস্নেল ইন্সতিত্যুসন 7গী এক্সেসিবিলিতী হেনগৎহল্লগনি।
• লম্বী অসিনা পাথুরীঘাত কৃশক শাহীদ মেমোরিএল অমসুং খোতোরা সত্রা, পুৱারী ওইরবা লখিমপুর পুখুরি, রামগাও পুখুরি অসিনচিংবা মরুওইবা তুরিস্তকী মফমশিংগা কন্নেক্তিবিতী ফগৎহল্লগনি।

পনবা য়াবদি NESIDS (রোদস) অসি ভারতকী অৱাং-নোংপোক লমদমদা ইনফ্রাস্ত্রকচর হেনগৎহন্নবা দিজাইন তৌখিবা নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (NESIDS) গী মরুওইবা মচাক অমনি।  ভারত সরকারনা মপুং ফানা শেল থাদরিবা NESIDS অসি মরী লৈনবা রাজ্য সরকারশিংগা খুৎশম্নদুনা MDoNERনা কুপ্না য়েংশিল্লি অমসুং সুপরভাইজ তৌরি।

MDoNERনা ফ্লেগশিপ স্কিম মরি, হায়বদি PM-DevINE স্কিম, নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (NESIDS) - রোদস, নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (NESIDS) - OTRI অমসুং নোর্থ ইস্তর্ন কাউন্সিল (NEC)গী খুত্থাংদা লমদম অসিগী চাউখৎ থৌরাংদা মরুওইবা থৌদাং অমা লৌরি।

*****