مواصلات  اور دیہی ترقیات کےمحکمے کے وزیرمملکت ڈاکٹر پیماسانی چندر شیکھر نے راجیہ سبھا میں ایک سوال کے تحریری جواب میں بتایا کہ ڈیجی پن کو مختلف پلیٹ فارمز میں آسانی سے ضم کرنے کے لیے اس کی مکمل تکنیکی دستاویزات اور سورس کوڈ کو اوپن سورس بنا دیا گیا ہے۔ مزیدبرآں محکمہ نے ڈیجی پن کی تکنیکی تفصیلات اور سورس کوڈ تمام متعلقہ وزارتوں اور ریاستی حکومتوں کے ساتھ شیئر کیے ہیں، تاکہ وہ اسے اپنی موجودہ خدمات، اسکیموں اور متعلقہ ایپلیکیشنز کے کام کاج میں مؤثر طریقے سے شامل کر سکیں۔

ڈیجی پن کا تصور اس مقصد کے ساتھ پیش کیا گیا ہے کہ لوکیشن کی درستگی میں نمایاں بہتری لائی جائے اور ہر جگہ کی درست شناخت ممکن بنائی جا سکے، تاکہ ہر مقام کو قابلِ رسائی بنایا جا سکے اور مختلف شعبوں میں، خاص طور پر دور دراز علاقوں میں، خدمات کی فراہمی اور منصوبہ بندی کو مؤثر بنایا جا سکے۔

جیو ٹیگ شدہ پتے حکمرانی کو بہتر بناتے ہیں، کیونکہ وہ ہر مقام کا درست پتہ فراہم کرتے ہیں، جس سے یہ یقینی بنایا جا سکتا ہے کہ سرکاری خدمات صحیح مقام تک مؤثر طریقے سے پہنچیں۔یہ شفافیت کو فروغ دیتا ہے، کیونکہ اس سے سرکاری اثاثوں اور دفاتر کے درست مقامات کی معلومات عوام کے لیے دستیاب ہو جاتی ہیں، اور ہر پتے سے متعلقہ سرکاری محکموں کے دائرۂ کار کا تعین آسان ہو جاتا ہے۔یہ نظام شکایات کے ازالے اور سرکاری خدمات سے متعلق درخواستوں کے مؤثر طریقے سے نمٹنے میں بھی مدد فراہم کرتا ہے، جس سے جوابدہی کو مزید تقویت ملتی ہے۔

*****

 

ش ح-م ع۔ ف ر

UR No-4287

(Release ID: 2153635)