ٹیلی کام ریگولیٹری اتھارٹی آف انڈیا (ٹی آر اے آئی) نے آج ڈیجیٹل ایڈریس ایبل سسٹم (ڈی اے ایس ) آڈٹ کے لیے فہرست میں شامل آڈٹ فرموں کی تربیت کے لیے ایک ورکشاپ کا اہتمام کیا۔ ٹی آر اے آئی ہیڈکوارٹر، نئی دہلی میں منعقد ہونے والی ورکشاپ، ریگولیٹری تعمیل کو مضبوط بنانے اور ٹیلی ویژن نشریات کے سلاٹ ڈسٹری بیوشن ایکو سسٹم میں شفافیت کو فروغ دینے کی جانب ایک اہم قدم ہے۔

ٹی آر اے آئی کی طرف سے کل 43 آڈیٹرز اور براڈکاسٹ انڈسٹری کے اسٹیک ہولڈرز کی شرکت کے ساتھ، دن بھر چلنے والی ورکشاپ نے آڈیٹرز اور دیگر اسٹیک ہولڈرز کو آڈٹ کے عمل کے دوران اپنے مشاہدات، سیکھنے اور تجربات کا اشتراک کرنے کے لیے ایک پلیٹ فارم فراہم کیا۔

قواعد و ضوابط کے مطابق، ٹیلی ویژن چینلز کے تمام تقسیم کاروں کو اپنے سبسکرائبر مینجمنٹ سسٹم (ایس ایم ایس)، کنڈیشنل ایکسیس سسٹم (سی اے ایس) اور دیگر متعلقہ سسٹمز کا سالانہ آڈٹ ٹی آر اے آئی کے پینلڈ آڈیٹر یا میسرز بیسل  سے کروانا ہوتا ہے۔ عدم تعمیل مالی حوصلہ شکنی کا باعث بن سکتی ہے۔

ٹی آر اے آئی کے چیئرمین جناب انیل کمار لاہوتی نے کہا، ‘‘ ٹی آر اے آئی کا مقصد تمام اسٹیک ہولڈرز کے لیے ایک منصفانہ اور مساوی ماحول پیدا کرنا ہے۔ ہمارے ریگولیٹری اقدامات کا مقصد صارفین کو سب سے آگے رکھتے ہوئے متنوع اسٹیک ہولڈرز کے درمیان متوازن نقطہ نظر کو برقرار رکھنا ہے۔’’

انہوں نے مزید کہا، ‘‘اس بات کو یقینی بنانے کے لیے کہ ڈی پی اوز کے ذریعے نصب کردہ نظام مقررہ تکنیکی تقاضوں کے مطابق ہوں، فہرست میں شامل آڈیٹرز کے ذریعے آڈٹ ضروری ہے۔ فہرست میں شامل آڈیٹرز کو نہ صرف تکنیکی جائزہ لینے والوں کے طور پر بلکہ شفافیت، درستگی اور جوابدہی کو یقینی بنانے کے لیے سرپرست کے طور پر بھی کام کرنا چاہیے۔’’

ورکشاپ کا انعقاد انڈسٹری کی جانب سے اتھارٹی سے کی گئی درخواستوں کے بعد کیا گیا تھا تاکہ آڈیٹرز کو آڈٹ کے عمل اور طریقہ کار کے بارے میں وقتاً فوقتاً تربیت فراہم کی جائے اور آڈٹ کے نتائج کو تکنیکی اور کاروباری تقاضوں کے مطابق بنا کر آڈٹ رپورٹس کے معیار کو بہتر بنایا جا سکے۔ سیشن میں بیسل، آڈٹ فرموں اور صنعت کے دیگر اسٹیک ہولڈرز کی جانب سے ماہرین کی پیشکشیں دیکھی گئیں۔

 

************

ش ح۔ ام ۔ ا ش ق

 (U:4248

(Release ID: 2153284)