وزیر مملکت برائے زراعت اور کسانوں کی بہبود جناب رام ناتھ ٹھاکر نے آج لوک سبھا میں ایک تحریری جواب میں کہا کہ پی ایم-کسان یوجنا ایک مرکزی سیکٹر اسکیم ہے جو قابل کاشت اراضی والے کسانوں کی مالی ضروریات کو پورا کرنے کے لیے فروری 2019 میں عزت مآب وزیر اعظم نے شروع کی تھی۔ اس اسکیم کے تحت، 6,000 روپے سالانہ کا مالی فائدہ براہ راست فوائد کی منتقلی (ڈی بی ٹی) کے ذریعے کسانوں کے آدھار سے منسلک بینک کھاتوں میں تین مساوی قسطوں میں منتقل کیا جاتا ہے۔ پی ایم-کسان یوجنا کے تحت، قابل کاشت زمین اسکیم کے فوائد حاصل کرنے کے لیے بنیادی اہلیت کا معیار ہے، جو کہ زیادہ آمدنی کی حیثیت سے متعلق کچھ استثناء کے ساتھ مشروط ہے۔

کسانوں پر مرکوز ڈیجیٹل انفراسٹرکچر نے اس بات کو یقینی بنایا ہے کہ کسی بھی دلال کی شمولیت کے بغیر اسکیم کے فوائد ملک بھر کے تمام کسانوں تک پہنچیں۔ استفادہ کنندگان کے رجسٹریشن اور تصدیق میں مکمل شفافیت کو برقرار رکھتے ہوئے، حکومت ہند نے اسکیم کے آغاز سے اب تک 20 قسطوں کے ذریعے 3.90 لاکھ کروڑ روپے سے زیادہ کی رقم تقسیم کی ہے۔ کسان آئی ڈی کو اب 14 ریاستوں میں پی ایم- کسان کے تحت نئے رجسٹریشن کے لیے لازمی کر دیا گیا ہے۔

حکومت نے ریاستی کسانوں کی رجسٹری کے عمل کی تشکیل میں کسانوں کے اندراج کے مختلف طریقوں کو فعال کیا ہے۔ ریاستوں نے خود رجسٹریشن، سی ایس سی موڈ، آپریٹر موڈ (بشمول فیلڈ لیول پر اسٹیٹ ایگریکلچر اور ریونیو حکام) اور سہائک موڈ جیسے میکانزم بنائے ہیں۔ اگر کوئی خدشات ہیں تو، کسانوں کی رجسٹریشن کے دوران ریاستی حکومتیں ضلعی سطح پر مقامی انتظامیہ کے ساتھ خدشات کو ظاہر کرنے کے لیے مندرجہ بالا طریقوں کا استعمال کررہی ہیں، جس کے لیے فیلڈ سطح پر مجاز اہلکاروں کے لیے تکنیکی انتظامات کیے گئے ہیں۔

فی الحال، پی ایم کسان اسکیم کے تحت فائدہ کی رقم بڑھانے کی کوئی تجویز زیر غور نہیں ہے۔

-----------------------------------------------------

 

ش ح-ش ب-ج ا

UN-NO-4145

(Release ID: 2152869)