প্ৰেছ ইনফৰ্মেচন ব্যুৰো (পিআইবি) গুৱাহাটীৰ উদ্যোগত সাতদিনীয়া লাডাখৰ ভ্ৰমণ সফলতাৰে সামৰে অসমৰ আগশাৰীৰ সংবাদ গোষ্ঠীৰ ১৩জনীয়া সাংবাদিকৰ দলে। ২৮ জুলাইৰ পৰা আৰম্ভ হোৱা আৰু ৩ আগষ্ট, ২০২৫ত সামৰণি পৰা এই ভ্ৰমণৰ লক্ষ্য আছিল লাডাখৰ উন্নয়ন যাত্ৰা, কৌশলগত তাৎপৰ্য্য, সাংস্কৃতিক সমৃদ্ধি আৰু পৰম্পৰাগত জ্ঞান ব্যৱস্থা প্ৰদৰ্শন কৰা।
পিআইবিৰ গুৱাহাটীৰ বিষয়া-কৰ্মচাৰীৰে গঠিত প্ৰতিনিধি দলটোৱে সমগ্ৰ লাডাখৰ কেইবাটাও গুৰুত্বপূৰ্ণ প্ৰতিষ্ঠান আৰু সংস্থা পৰিদৰ্শন কৰে। দলটোৱে ভাৰতীয় জ্যোতিৰ্বিজ্ঞান মানৱ নিৰীক্ষণ কেন্দ্ৰ আৰু হেনলে ডাৰ্ক স্কাই ৰিজাৰ্ভ ভ্ৰমণ কৰাটো উল্লেখযোগ্য দিশ আছিল, য’ত সাংবাদিকসকলে জ্যোতিৰ্বিজ্ঞান গৱেষণাৰ ক্ষেত্ৰত ভাৰতৰ অগ্ৰগতি আৰু পোহৰ প্ৰদূষণমুক্ত পৰিৱেশ সংৰক্ষণৰ প্ৰচেষ্টাৰ সাক্ষী হয়। ভ্ৰমণৰ সময়ত প্ৰতিনিধি দলটোৱে আনলে কমিউনিটি ৰেডিঅ’ ষ্টেচনো অন্বেষণ কৰে, যিয়ে ১০ কিলোমিটাৰ ব্যাসাৰ্ধৰ প্ৰায় ৮০০ গাঁৱৰ জনসংখ্যাৰ বাবে বাতৰি আৰু তথ্যৰ একমাত্ৰ উৎস হিচাপে কাম কৰে।
লেহত সাংবাদিকসকলে পৰম্পৰাগত নিৰাময় পদ্ধতিক প্ৰসাৰিত আৰু একত্ৰিত কৰা আয়ুষ মন্ত্ৰালয়ৰ অধীনস্ত নেচনেল ইনষ্টিটিউট অৱ সোৱা-ৰিগপাত প্ৰাচীন তিব্বতী চিকিৎসা পদ্ধতিৰ অন্বেষণ কৰে। প্ৰতিনিধি দলটোৱে বনৌষধি ঔষধ প্ৰস্তুত কৰা, গৱেষণামূলক কাৰ্য্যকলাপ আৰু সোৱা-ৰিগপাৰ ক্ৰমৱৰ্ধমান আন্তঃৰাষ্ট্ৰীয় প্ৰাসংগিকতাৰ বিষয়ে অন্তৰ্দৃষ্টি লাভ কৰে।
আন এক ডাঙৰ দিশ আছিল সীমান্ত পথ সংস্থা (BRO)ৰ দ্বাৰা পৰিচালিত প্ৰজেক্ট হিমাংকৰ পৰিদৰ্শন, য’ত প্ৰতিনিধি দলটোক বিশ্বৰ কিছুমান উচ্চ আৰু প্ৰত্যাহ্বানমূলক ভূখণ্ডত আন্তঃগাঁথনি উন্নয়নৰ প্ৰচেষ্টাৰ বিষয়ে অৱগত কৰা হয়। ৰাষ্ট্ৰীয় নিৰাপত্তা, সংযোগ আৰু আঞ্চলিক উন্নয়নৰ বাবে হিমাংকৰ অভিযান্ত্ৰিক কৃতিত্বসমূহ অতি গুৰুত্বপূৰ্ণ বুলি উপস্থাপন কৰা হয়। এই ভ্ৰমণৰ সময়ত ডিআৰডিঅ’ৰ অধীনত ডিফেন্স ইনষ্টিটিউট অৱ হাই এলটিটুড ৰিচাৰ্চ (ডিএইচএআৰ)ত এক আকৰ্ষণীয় অধিবেশনো অনুষ্ঠিত হয়, য’ত উচ্চ উচ্চতাৰ কৃষি, শীতল অঞ্চলত জীয়াই থকাৰ কৌশল আৰু সশস্ত্ৰ বাহিনী আৰু স্থানীয় কৃষক উভয়কে উপকৃত কৰা উদ্ভাৱনসমূহৰ অগ্ৰণী গৱেষণাৰ সম্পৰ্কে প্ৰদৰ্শন কৰা হয়।
তদুপৰি, সাংবাদিকসকলক লাডাখৰ উদ্ভাৱনীমূলক গোটা আৱৰ্জনা ব্যৱস্থাপনা পদক্ষেপ প্ৰজেক্ট ছাংডাৰ সৈতে পৰিচয় কৰাই দিয়া হয় আৰু পশমিনা উল আৰু এপ্ৰিকট উৎপাদনত নিয়োজিত স্থানীয় সমবায়সমূহ পৰিদৰ্শন কৰোৱা হয়। দলটোৱে অল চাংথাং পশমিনা খেতিয়ক সমবায় বিপণন সমিতিৰ বিষয়া আৰু সদস্যসকলৰ সৈতে মত বিনিময় কৰে, যিয়ে বহনক্ষম পশমিনা উৎপাদনত সহায় কৰি স্থানীয় অঘৰী সম্প্ৰদায়ক সবলীকৰণত গুৰুত্বপূৰ্ণ ভূমিকা পালন কৰে আৰু তেওঁলোকৰ প্ৰিমিয়াম উলৰ বাবে উন্নত বজাৰ প্ৰৱেশ নিশ্চিত কৰে। সাংবাদিকসকলে পশমিনা আঁহ সংগ্ৰহৰ লগত জড়িত নিখুঁত প্ৰক্ৰিয়া আৰু ইয়াৰ উচ্চমানৰ কাপোৰলৈ ৰূপান্তৰিত হোৱাটো পৰ্যবেক্ষণ কৰিবলৈ সক্ষম হয় যিয়ে লাডাখৰ পশমিনাক বিশ্বজুৰি খ্যাতি অৰ্জন কৰিছে। প্ৰতিনিধি দলটোৱে জৈৱিক এপ্ৰিকোট ফাৰ্ম এখনো পৰিদৰ্শন কৰে, য’ত তেওঁলোকে এই গুৰুত্বপূৰ্ণ ফলবিধৰ খেতি আৰু ঋতুভিত্তিক চপোৱাৰ বিষয়ে জানিব পাৰে, যাক প্ৰায়ে লাডাখৰ ‘সোণালী শস্য’ বুলি কোৱা হয়। এই শস্যই কৃষি, শুকান আৰু মূল্য সংযোজিত প্ৰক্ৰিয়াকৰণে জি আই টেগিং প্ৰচেষ্টাৰ অধীনত গ্ৰাম্য আয়, কৃষি ব্যৱসায়ত মহিলাক জড়িত কৰাৰ লগতে আৰু ৰপ্তানিৰ সম্ভাৱনাৰো নতুন পথ মুকলি কৰিছে।

ভ্ৰমণৰ সময়ত সাংবাদিকৰ দলটোৱে লাডাখৰ মুখ্য সচিবক সৌজন্যমূলক সাক্ষাৎ কৰে, য’ত সাংবাদিকসকলক কেন্দ্ৰীয় শাসিত অঞ্চলৰ উন্নয়নৰ অগ্ৰাধিকাৰ, প্ৰশাসনিক প্ৰত্যাহ্বান আৰু সংবাদ মাধ্যমৰ সৈতে জড়িত হোৱাৰ সুযোগৰ বিষয়ে অৱগত কৰা হয়। তদুপৰি, দলটোৱে লাডাখ কেন্দ্ৰীয় শাসিত অঞ্চলৰ তথ্য আৰু জনসংযোগ বিভাগৰ (ডিআইপিআৰ) বিষয়াসকলৰ লগতে লেহ প্ৰেছ ক্লাবৰ সদস্যসকলৰ সৈতে মত বিনিময় কৰি সাংবাদিকতাৰ বিনিময়, স্থানীয় সহযোগিতা আৰু আঞ্চলিক আঞ্চলিক আলোচনাৰ প্ৰসাৰ ঘটায়। সংবাদ মাধ্যমৰ দলটোৱে অন্যান্য আনুষ্ঠানিক সংযোগৰ মাজতে লেহ পেলেচ, পাংগং টছ’, সিন্ধু-জাংস্কাৰ ছাংগাম, মেগনেটিক হিল, ছুথাং হট স্প্ৰিংছ, ৰেজাং লা ৱাৰ মেম’ৰিয়েল আদি কিছুমান পৰ্যটনস্থলীও অন্বেষণ কৰে।
 

Pavni Gupta/Smita Saikia/Diganta

(रिलीज़ आईडी: 2152696) आगंतुक पटल : 13