حکومت ہند نے وزارت ثقافت اور وزارت داخلہ کے ذریعے باضابطہ طور پرنوٹفائی کیا ہے کہ 1975 میں ایمرجنسی کے نفاذ کے تعلق سے ہر سال 25 جون کو ‘‘سمویدھان ہتیہ دیوس’’ منایا جائے گا ۔ ایمرجنسی کے نفاذ کے 50 ویں سالگرہ کے موقع پر ، حکومت ملک بھر میں مختلف پروگراموں کے ذریعہ 25 جون2024 سے 25 جون 2026 تک کی مدت کے لیے سمویدھان ہتیہ دیوس منا رہی ہے۔  اس سلسلے میں تمام ریاستوں اور مرکز کے زیر انتظام علاقوں کو دو سالہ یادگاری سرگرمیوں کے انعقاد کے لیے ضروری ہدایات پہلے ہی جاری کی جا چکی ہیں ۔  وزارت ثقافت نے اس سلسلے میں بڑی موضوعاتی نمائشوں کے آغاز کی بھی نگرانی کی اور اس بات کو یقینی بنایا کہ ہر ریاست اور مرکز کے زیر انتظام علاقے میں50 اہم مقامات پر عوامی ریلیاں اور تعلیمی سیمینار جیسی سرگرمیاں منعقد کی گئیں ۔

یہ ایک قومی یادگاری تقریب ہے، جس میں تعلیم اور عوامی شمولیت پر خصوصی توجہ دی  گئی ہے ۔  اس میں درج ذیل شامل ہیں:

• یونیورسٹیوں ، کالجوں اور اسکولوں سمیت ملک بھر کے تعلیمی اداروں میں منعقد ہونے والی تقریبات کی تعداد ۔
• حاضری کے ریکارڈ ، تصاویر اور تقریبات کی رپورٹوں کے ذریعے لازمی دستاویزات کے ساتھ تقریبات میں شرکت کی شرح ۔
• بڑے پیمانے پر ریلیوں ، میڈیا کوریج  اور مضامین کے مقابلوں ، مباحثوں  اور طلباء و نوجوانوں کے لیے اسٹریٹ ڈراموں جیسے مسابقتی پروگراموں کے ذریعے اسے لوگوں کے سامنے لانا اور  اس کی تشہیر کرنا ۔

اداروں کو مختلف سطحوں پر عوامی شرکت کو یقینی بنانے اور ایمرجنسی کے نفاذ کے بارے میں عوامی بیداری بڑھانے کے لیے پروگرام منعقد کرنے کا حکم دیا گیا تھا ۔

ملک بھر میں طلباء اور نوجوانوں میں بیداری پیدا کرنے کے لیے مخصوص اقدامات کیے گئے ہیں، جو درج ذیل شامل ہیں:

• آئینی اقدار پر مبنی مضامین لکھنے ، پوسٹر بنانے ، نعروں کے مقابلوں ، کوئز ، اسٹریٹ ڈراموں اور فلموں کی اسکریننگ کا انعقاد ۔
• ماہرین قانون ، قانونی شعبہ سے وابستہ سرکردہ افراد  اور ایمرجنسی  کے دور کا تجربہ  رکھنے  اور اس  وقت کے حالات کا سامنا کرنے والے افراد کی شمولیت سے متعلق سیمینار ۔
• طلباء کی فعال شرکت اور اساتذہ کی شمولیت کے ساتھ بڑے پیمانے پر آگاہی مارچ ۔
• پینل مباحثوں میں تمہید اور آئین کی خصوصیات پر خصوصی توجہ کے ساتھ بات چیت۔

چھتیس گڑھ اور مدھیہ پردیش سمیت تمام ریاستوں اور مرکز کے زیر انتظام علاقوں (یو ٹی) کو ہدایت دی  گئی ہے کہ وہ دو سال تک سمویدھان ہتیہ دیوس سے متعلق سرگرمیاں انجام دیں ۔  اس کے مطابق مدھیہ پردیش میں ایک بڑی تقریب اور چھتیس گڑھ میں ایک وی آئی پی تقریب کا انعقاد کیا گیا ۔

یہ معلومات ثقافت اور سیاحت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں دیں ۔

****

 

ش ح۔م م ع۔ ش ت

U NO: 4015

(Release ID: 2152233)