नवी दिल्ली, 31 जुलै 2025

केंद्र सरकारचा जून 2025 पर्यंतचा  मासिक जमाखर्च एकत्रित करून अहवाल प्रकाशित करण्यात आला आहे. या अहवालातील ठळक मुद्दे खालील प्रमाणे आहेत:-

केंद्र सरकारला जून 2025 पर्यंत 9,41,395 कोटी रुपये (एकूण मिळकतीच्या अर्थसंकल्पीय अंदाज 2025-26 च्या 26.9%) प्राप्त झाले आहेत ज्यामध्ये करापोटी मिळालेला महसूल (केंद्र सरकारला मिळालेला निव्वळ महसूल) 5,40,316 कोटी रूपये, कराव्यतिरिक्तच्या महसूलापोटी मिळालेले 3,73,061  कोटी रूपये आणि कर्जाव्यतिरिक्तची भांडवली मिळकत म्हणून मिळालेले 28,018 कोटी रूपये आहेत .या कालावधीत केंद्र सरकारने करांमधील वाट्याचे हस्तांतरण म्हणून 3,26,941 कोटी रुपये राज्य सरकारांना हस्तांतरित केले आहेत जे मागील वर्षापेक्षा 47,439 कोटी रुपयांनी अधिक आहेत.

केंद्र सरकारचा एकूण खर्च 12,22,127 कोटी रुपये (2025-26 च्या अर्थसंकल्पीय अंदाजाच्या 24.1%) आहे, त्यापैकी 9,46,995 कोटी रुपये महसूल खात्यावर आणि 2,75,132 कोटी रुपये  भांडवली खात्यावर आहेत. एकूण महसूल खर्चापैकी 3,86,037 कोटी रुपये व्याज देयकांवर आणि 83,554 कोटी रुपये प्रमुख अनुदानांपोटी खर्च झाले  आहेत.

सोनाली काकडे/सुषमा काणे/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2151049)