نیشنل یوتھ فیسٹیول (این وائی ایف2025 کی تنظیم نو کی گئی اور اسے ترقی یافتہ انڈیا ینگ لیڈرز ڈائیلاگ (وی بی وائی ایل ڈی) کا نام دیا گیا۔وی بی وائی ایل ڈی 2025 این وائی ایف پلیٹ فارم کو وسیع کرنے اور نوجوانوں کے ساتھ زیادہ شدت سے جڑنے کی ایک کوشش تھی۔ یہ 1 لاکھ نوجوانوں کو عوامی امور میں شامل کرنے کے لیے وزیر اعظم کے یوم آزادی کے ویژن کے ساتھ ہم آہنگ کرنے کی ایک کوشش تھی، جس سے انہیں ایک قومی پلیٹ فارم فراہم کیا گیا تاکہ وہ ایک ترقی یافتہ ہندوستان کے لیے قومی ترقی اور قیادت کے لیے ایک بامعنی میدان تیار کر سکیں۔ اس مکالمے نے نوجوانوں کو ترقی یافتہ ہندوستان کے مختلف پہلوؤں کے بارے میں اپنے خیالات کا اظہار کرنے کی ترغیب دی۔ مکالمے نے انہیں بڑے خواب دیکھنے اور ترقی یافتہ ہندوستان 2047 کے وژن کی سمت کام کرنے کی ترغیب دی۔وی بی وائی ایل ڈی 2025ایک تاریخی واقعہ کے طور پر ابھرا جس نے لیڈروں، اختراع کاروں اور مفکرین کی اگلی نسل کو راستہ دکھائیں گے، جو ہندوستان کی ترقی کو آگے بڑھائیں گے۔

ڈیولپڈ انڈیا ینگ لیڈرز ڈائیلاگ 2025 10 سے 12 جنوری 2025 تک بھارت منڈپم، نئی دہلی میں منعقد ہوا۔ متنوع پس منظر سے تعلق رکھنے والے تقریباً 2500 نوجوانوں کو میرٹ پر مبنی، کثیر مرحلے کے عمل کے ذریعے منتخب کیا گیا، جو کہ ترقی یافتہ انڈیا ٹریک اور روایتی ٹریک سے 19-15 سال کی عمر کے ہندوستان کے سب سے متحرک نوجوانوں کے آبادیاتی گروپ کی نمائندگی کرتے ہیں۔

وی بی وائی ایل ڈی 2025 کے حصے کے طور پر نوجوان اختراع کاروں، رضاکاروں وغیرہ نے لوک رقص، لوک گیتوں، مصوری، تقریر، کہانی لکھنے، شاعری اور سائنس کی نمائش جیسے پروگراموں میں حصہ لیا۔ مزید برآں، 6 کروڑ سے زیادہ نوجوانوں اور دیگر نے مختلف سوشل میڈیا پلیٹ فارمز کے ذریعے اس تقریب کو دیکھا۔

نیشنل یوتھ فیسٹیول، 2025 ہائبرڈ موڈ میں منعقد ہوا۔ نیشنل یوتھ فیسٹیول میں نوجوانوں کی شرکت کے لیے چار مرحلوں پر مشتمل مقابلہ، وکست بھارت چیلنج کا انعقاد کیا گیا۔ وکست بھارت چیلنج کے پہلے دو مراحل یعنی فیز 1: وکست بھارت کوئز جو 25 نومبر سے 10 دسمبر 2024 تک منعقد کیا گیا تھا اور فیز 2: وکست بھارت مضمون کا چیلنج 10 دسمبر سے 17 دسمبر 2024 تک منعقد کیا گیا تھا ۔ بعد ازاں وکست بھارت چیلنج کے دو مراحل یعنی فیز 3: وکست بھارت پی پی ٹی چیلنج ریاستی سطح پر 22 دسمبر سے 30 دسمبر 2024 تک منعقد کیا گیا اور مرحلہ 4: وکست بھارت چیمپیئن شپ نیشنل یوتھ فیسٹیول میں 10 جنوری سے 12 جنوری تک مختلف ریاستوں میں منعقد ہوئی اور مختلف ریاستوں کے نوجوانوں نے حصہ لیا۔ روایتی ٹریک ایونٹس کے ساتھ ساتھ وکست بھارت چیلنج 3 کروڑ سے زیادہ نوجوانوں اور دیگر نے مختلف سوشل میڈیا پلیٹ فارم جیسے ٹویٹر، فیس بک، انسٹاگرام کے ذریعے وکست بھارت ینگ لیڈرس ڈائیلاگ میں حصہ لیا۔

وزارت نے ریاست/ مرکز کے زیر انتظام حکومتوں، کچھ یونیورسٹیوں اور مائی گوو پورٹل کے تعاون سے اس تقریب کا اہتمام کیا۔ اس تعاون کے تحت وکست بھارت چیلنج کا وکست بھارت کوئز ملک بھر میں 12 زبانوں میں منعقد کیا گیا۔ کوئز میں 28,31,200 شرکاء نے حصہ لیا۔ روایتی ٹریک کے لیے، ریاستوں/ مرکز کے زیر انتظام علاقوں کے ذریعے ضلعی یوتھ فیسٹیول کے بعد ریاستی یوتھ فیسٹیول کا انعقاد کیا گیا۔ ریاستی سطح پر منتخب ہونے والے شرکاء نے روایتی ٹریک کے قومی سطح کے راؤنڈ میں حصہ لیا۔ اول، دوم اورسوم آنے والے فاتحین کو بالترتیب  1,50,000روپے1,00,000روپے اور 75,000 روپے کی انعامی رقم سے نوازا گیا۔

یہ معلومات نوجوانوں کے امور اور کھیلوں  کے وزیر ڈاکٹر منسکھ منڈاویہ نے آج راجیہ سبھا میں ایک سوال کے تحریری جواب میں فراہم کیں۔

***

ش ح۔ ک ا

U.NO.3703

 

(Release ID: 2150920)