یکم جولائی کو، مرکزی کابینہ نے تحقیق اور ترقی ( آر اینڈ ڈی) میں نجی شعبے کی شرکت کو ترغیب دینے کے لیے ریسرچ، ڈیولپمنٹ، اور انوویشن (آر ڈی آئی) اسکیم کو منظوری دی۔

حکومت ہند پہلے سے ہی کئی فلیگ شپ اقدامات جیسے کہ اٹل انوویشن مشن، نیشنل سپر کمپیوٹنگ مشن، اور انڈیا سیمی کنڈکٹر مشن کو فعال طور پر نافذ کر رہی ہے جس نے مینوفیکچرنگ اور جدید ٹیکنالوجی کی ترقی کے لیے ایک مضبوط اختراعی ماحولیاتی نظام کی ابتدائی بنیاد رکھی ہے۔ اس بنیاد پر، نیشنل کوانٹم مشن، انڈیا اے آئی مشن، اور نیشنل گرین ہائیڈروجن مشن جیسے نئے پروگرام اگلی نسل کی ٹیکنالوجیز میں قیادت کرنے کے حکومت کے اسٹریٹجک ارادے کی عکاسی کرتے ہیں۔

ایک نئی آر ڈی آئی اسکیم میں 6 سالوں کے دوران 1 لاکھ کروڑ روپے کا کل خرچ  آتاہے۔ آر ڈی آئی اسکیم کے تحت اسٹریٹجک اہمیت کے حامل ٹیکنالوجی کے شعبوں کی نشاندہی کی گئی ہے۔ ان میں توانائی کا تحفظ، موسمیاتی سرگرمیاں اورڈیپ ٹیکنالوجیز جیسے کوانٹم کمپیوٹنگ، مصنوعی ذہانت، بائیو ٹیکنالوجی، اور ڈیجیٹل اکانومی شامل ہیں۔ اس اسکیم میں سٹریٹجک اور اقتصادی تحفظ کے لیے اہم شعبوں کا بھی احاطہ کیا گیا ہے، جس میں بااختیار گروپ آف سیکریٹریز (ای جی او ایس) کی منظوری کی بنیاد پر اضافی شعبوں کو شامل کرنے کا التزام ہے۔ اس اسکیم کے تحت فنانسنگ کی نوعیت میں طویل مدتی قرضے (کم یا بغیر سود پر)، ایکویٹی فنانسنگ، اور فنڈز کے ڈیپ ٹیک فنڈ میں تعاون شامل ہیں۔اس  اسکیم  میں گرانٹ فنانسنگ اور قلیل مدتی قرضوں کا تصور نہیں ہے۔

انوسندھان نیشنل ریسرچ فاؤنڈیشن (اے این آر ایف) کے تحت ایک خصوصی مقصدی فنڈ (ایس پی ایف) لیول 1 فنڈ کےنگراں کے طور پر کام کرے گا۔ عمل درآمد دوسرے درجے کے فنڈ منیجرز (ایس ایل ایف ایم ایس) کے ذریعے کیا جائے گا، جس میں متبادل سرمایہ کاری فنڈز (اے آئی ایف ایس)، ترقیاتی مالیاتی ادارے (ڈی ایف آئی ایس)، غیر بینکنگ مالیاتی کمپنیاں (این بی ایف سی ایس)، اور فوکسڈ ریسرچ آرگنائزیشنز (ایف آر او ایس)، جیسےبی آئی آر اے سی ، ٹی ڈی بی، اورآئی آئی ٹی کے ساتھ ریسرچ گروپس، اور آئی آئی ٹی کے ذریعے ریسرچ گروپس، بااختیار گروپ آف سیکریٹریز(ای جی او ایس)سے منظوری کے ساتھ شامل کئے گئے ہیں۔  

اس اسکیم کا مقصد ٹی آر ایل ایس 4 اور اس سے اوپر کی تبدیلی کی صلاحیت کے ساتھ  آر ڈی آئی پروجیکٹس کی مالی اعانت کرنا، اے این آر ایف کے ساتھ اوورلیپ سے بچنا، اور حکمت عملی کے لحاظ سے اہم ٹیکنالوجیز کے حصول کی اجازت دینا ہے۔ تاہم، فنانسنگ میں اگلی نسل کی آر اینڈ ڈی لیبز، سرکاری اداروں کے لیے  آر ڈی آئی فنانسنگ، اور قلیل مدتی قرضے شامل نہیں ہیں۔ فنانسنگ پراجیکٹ کی تخمینہ شدہ لاگت کے زیادہ سے زیادہ 50فیصد تک محدود رہے گی، باقی فنڈز پروجیکٹ کے حامی کے ذریعہ ترتیب دیے جائیں گے۔ غیر معمولی قسم کے پراجیکٹس/سیکٹرز میں، فنانسنگ میں حکومتی حصہ داری کی مالی حدای جی او ایس کی منظوری سے نرم کی جا سکتی ہے۔

سائنس اور ٹیکنالوجی کا محکمہ اس اسکیم کے لیے نوڈل ایجنسی ہے۔ نگرانی اور نظم و نسق اے این آر ایف کے گورننگ بورڈ کے ذریعے فراہم کیا جاتا ہے، جبکہ ای جی او ایس، ایگزیکٹو کونسل (ای سی) اور سرمایہ کاری کمیٹیاں (آئی سی ایس) سیکٹر کی منظوریوں، فنڈ منیجر کے انتخاب، پروجیکٹ کی تشخیص، اور مجموعی کارکردگی کے جائزے کے لیے ذمہ دار ہیں۔

محکمہ سائنس اور ٹیکنالوجی (ڈی ایس ٹی) نے بجٹ کے بعد کے ویبینار کے دوران 10,000 سے زیادہ شراکت داروں کے ساتھ وسیع مشاورت کی، جس میں ماہرین تعلیم، صنعت، اسٹارٹ اپس، اور ریسرچ کمیونٹی کے ماہرین شامل ہیں۔ اس کے بعد، صنعت کے عملے، مالیاتی اداروں، اور موضوع کے ماہرین کے ساتھ کئی فالو اپ میٹنگز کی گئیں تاکہ بات چیت کو مزید وسیع کیا جا سکے اور شعبے سے متعلق مخصوص معلومات کو شامل کیا جا سکے۔ ان مشاورتوں کا مقصد تشکیل اور عمل درآمد کے عمل سے آگاہ کرنے کے لیے متنوع نقطہ نظر کو جمع کرنا تھا۔ پوسٹ بجٹ ویبینار کے دوران موصول ہونے والی سفارشات کی بنیاد پر ایک رپورٹ بھی تیار کی گئی ہے۔ اسکے علاوہ، محکمہ اقتصادی امور (ڈی ای اے) کی مشاورت سے بین وزارتی رابطہ کاری  پر تبادلہ خیال کیا گیا۔

متعلقہ رہنما خطوط فی الحال تشکیل کے مراحل میں ہیں اور انہیں محکمہ اقتصادی امور (ڈی ای اے) اور محکمہ اخراجات ( ڈی او ای) کے ساتھ مشاورت سے حتمی شکل دی جائے گی۔

مالی سال 26-2025 کے لیے کل 20,000 کروڑ روپے مختص کیے گئے ہیں۔

یہ معلومات ڈاکٹر جتیندر سنگھ، مرکزی وزیر مملکت (آزادانہ چارج) برائے سائنس اور ٹیکنالوجی، ارضیاتی سائنسز، ایم او ایس پی ایم او، ایم او ایس پرسنل، عوامی شکایات اور پنشن، محکمہ جوہری توانائی اور محکمہ خلائی نے آج لوک سبھا میں ایک تحریری جواب میں دی۔

****

ش ح۔ ع و۔اش ق

U NO: 3596

 

(Release ID: 2150273)