مویشی پروری اور ڈیری کا محکمہ راشٹریہ گوکل مشن کے تحت درج ذیل ٹیکنالوجیز کو فروغ دے رہا ہے: (i) سیکس سارٹیڈ سیمین ٹیکنالوجی: 5 سرکاری سیمین اسٹیشنوں پر سیکس سارٹیڈ سیمین کی پیداوار کی سہولت قائم کی گئی ہے۔ ملک میں اب تک 125 لاکھ سیکس سے الگ ہونے والی منی کی ڈوز تیار کی جا چکی ہیں، جن میں سیمین کی ڈوز نجی سیمین ا سٹیشنوں سے تیار کی گئی ہیں۔ کسانوں کے درمیان اس ٹیکنالوجی کو فروغ دینے کے لیے، اس اسکیم کے تحت جنس سے الگ ہونے والی منی کی قیمت کے 50فیصد تک کی ترغیبات فراہم کی جاتی ہیں۔ (ii) بووائن آئی وی ایف ٹیکنالوجی: اس سکیم کے تحت ملک بھر میں آئی وی ایف ٹیکنالوجی کو فروغ دینے کے لیے 23 آئی وی ایف لیبارٹریز کو آپریشنل بنایا گیا ہے۔ اب تک 26987 قابل عمل ایمبریوز کی افزائش کی جا چکی ہے جن میں سے 14993 ایمبریوز کی منتقلی اور 2361 بچھڑوں کی پیدائش ہو چکی ہے۔ ٹیکنالوجی کو کسانوں کی دہلیز تک لے جانے کے لیے آئی وی ایف ٹیکنالوجی کا استعمال کرتے ہوئے تیز رفتار نسل کی بہتری کے پروگرام کو نافذ کیا جا رہا ہے۔ کسانوں کو 5000 روپے فی یقینی حمل کے حساب سے مراعاتی رقم فراہم کی جاتی ہے۔

حکومت کی طرف سے مویشی پروری اور ڈیری کے شعبے میں حال ہی میں متعارف کرائی گئی اور فروغ دی گئی ٹیکنالوجیز کی تفصیلات کے ساتھ ساتھ ان اداروں کی تفصیلات جو ان کی قیادت کر رہی ہیں اور پیداواریت، صحت اور آمدنی میں اضافہ کے حوالے سے ان کے مطلوبہ فوائد:

1.سیکس سارٹیڈ سیمین پروڈکشن ٹیکنالوجی: عزت مآب وزیر اعظم کے ‘میک ان انڈیا’ اور ‘آتم نر بھر بھارت’ کے وژن کے مطابق، راشٹریہ گوکل مشن کے تحت محکمہ حیوانات اور ڈیرینگ ((ڈی اے ایچ ڈی) نے دیسی، لاگت سے مؤثر سیکس سارٹیڈ سیمین پروڈکشن ٹکنالوجی تیار کی ہے۔ عزت مآب وزیر اعظم نے 5 اکتوبر 2024 کو مقامی طور پر تیار کردہ سیکس سارٹیڈ سیمین پروڈکشن ٹیکنالوجی کا آغاز کیا تھا۔ اس ٹکنالوجی نے کاشتکاروں کے لیے جنس سے الگ ہونے والی منی کی قیمت کو سستی بنا دیا ہے اور یہ 90-85 فیصد درستگی کے ساتھ مادہ بچھڑوں کی پیداوار میں اہم کردار ادا کر رہی ہے۔ اس سے کسانوں کی آمدنی میں اضافہ ہوا ہے۔ سیکس سارٹیڈ سیمین ٹیکنالوجی سے ملک بھر میں ڈیری کے کاروبار میں مصروف 8 کروڑ سے زیادہ چھوٹے اور معمولی کسانوں کو فائدہ پہنچے گا۔

2.جینومک سلیکشن: نیشنل ڈیری ڈیولپمنٹ بورڈ (این ڈی ڈی بی) اور آئی سی اے آر نیشنل بیورو آف اینیمل جینیٹک ریسورسیز (آئی سی اے آر-این بی اے جی آر) کے ذریعے راشٹریہ گوکل مشن کے تحت جانوروں کے پالنے اور ڈیری ڈپارٹمنٹ کے ذریعے ملک بھر میں بہترین  مویشیوں کی شناخت کو یقینی  بنانے کے لیے مویشیوں کے لئے گؤ چپ اور بھینسوں کے لیے مہیش چِپ نام کی بنیاد پر جینومک چپ تیار کیا ہے۔ اس جینو چپ کو عزت مآب وزیراعظم نے 5 اکتوبر 2024 کو لانچ کیا ہے۔جینومک انتخاب کے نفاذ سے بیلوں کی جلد شناخت، دودھ کی پیداوار اور مجموعی پیداوار میں اضافہ ممکن ہو سکے گا۔ کاشتکاروں کو اب گائے کی صلاحیت کا اندازہ لگانے کے لیے 4-3 سال انتظار کرنے کی ضرورت نہیں ہوگی۔ اس کے بجائے، وہ چھوٹی عمر میں ہی جانوروں کی خرید و فروخت کے بارے میں فیصلے کر سکتے ہیں۔ جینومک سلیکشن سروسز کی دستیابی نے کسانوں کو بروقت فیصلے کرنے کے قابل بنایا ہے، اس طرح ان کے ریوڑ کی جینیاتی ترقی کو تیز کیا گیا ہے۔

3.مقامی طور پر تیار کردہ بوائین آئی وی ایف میڈیم: ملک میں پہلی بار راشٹریہ گوکل مشن کے تحت بوائین آئی وی ایف ٹیکنالوجی متعارف کرائی گئی ہے۔ آئی  وی ایف ٹیکنالوجی مویشیوں کی پیداواری صلاحیت کو بڑھانے کے لیے اہم ہے کیونکہ جس کام کے لیے 7 نسلوں کی ضرورت ہوتی ہے وہ آئی وی ایف ٹیکنالوجی کے ذریعے ایک نسل میں کیا جا سکتا ہے۔ نیشنل ڈیری ڈویلپمنٹ بورڈ کے توسط سے محکمہ حیوانات اور ڈیری سازی نے 23 ستمبر 2024 کو دیسی بوائین آئی وی ایف میڈیم کا آغاز کیا۔ دیسی میڈیم مہنگے درآمدی میڈیم کا ایک سستا متبادل فراہم کرتا ہے، جس سے ڈیری کاشت کرنے والے ہمارے کسانوں کے لیے بوائین آئی وی ایف ٹیکنالوجی کی لاگت مناسب اور معقول ہوتی ہے۔

اس کے علاوہ، مویشی پروری اور ڈیری کا محکمہ انیمل ہسبنڈری انفراسٹرکچر ڈویلپمنٹ فنڈ (اے ایچ آئی ڈی ایف) کے تحت نئی ٹیکنالوجیز کے استعمال کو فروغ دے رہا ہے۔ اس میں ڈیری اور میٹ پروسیسنگ یونٹس میں آٹومیشن، سینسر پر مبنی فیڈ اور واٹر مینجمنٹ سسٹم، ماحولیات پر قابو پانے والے پولٹری برڈ شیلٹرز، ویکسین کی تیاری کی ٹیکنالوجیز، اور جانوروں کے فضلے کے انتظام کے لیے بائیو ڈائجشن اور کمپوسٹنگ ٹیکنالوجیز شامل ہیں۔

مویشی پروری اور ڈیری  کے شعبے کو درپیش مسائل کو حل کرنے کے لیے اختراعی اور تجارتی اعتبار سے قابل عمل حل تلاش کرنے کے لیے، محکمہ حیوانات اور ڈیری نے 2021-2020 کے دوران حیوانات کے اسٹارٹ اپ گرینڈ چیلنج 1.0 اور 2021 کے دوران حیوانات کے اسٹارٹ اپ گرینڈ چیلنج 2.0 کا انعقاد کیا۔ اسٹارٹ اپ گرینڈ چیلنج کے فاتحین کو انکیوبیشن اور ورچوئل ماسٹر کلاسز کے لیے تعاون فراہم کیا گیا۔

مویشی پروری ڈیری کے شعبے میں موجودہ اور ابھرتے ہوئے اسٹارٹ اپس کو فروغ دینے کے لیے، نیشنل ڈیری ڈیولپمنٹ بورڈ، اسٹارٹ اپ انڈیا، کنفیڈریشن آف انڈین انڈسٹری (سی آئی آئی) اور ریاستی حیوانات کے محکموں کے اشتراک سے محکمہ حیوانات اور ڈیری نے حیدرآباد، آندھرا پردیش میں ایک اسٹارٹ اپ کانکلیو کا انعقاد کیا۔

اس کے علاوہ، انڈین کونسل آف ایگریکلچرل ریسرچ کے مطابق، انکیوبیٹس کی رجسٹریشن انسٹی ٹیوٹ کی سطح پر ایگری بزنس انکیوبیشن سینٹرز(اے بی آئی سی) کے ذریعے تربیت/تکنیکی رہنمائی/سپورٹ کے لیے کی جاتی ہے۔

مویشی پروری اور ڈیری کے محکمے نے جانوروں اور ڈیری کے شعبے میں تعاون کے لیے ڈیری/جانور پالنے والے ممالک کے ساتھ درج ذیل معاہدوں پر دستخط کیے ہیں: (i) ڈنمارک اور برطانیہ کے ساتھ ایم او یو اور (ii) برازیل اور ڈنمارک کے ساتھ مشترکہ اعلامیہ۔

زرعی تحقیق کی بھارتی کونسل کے مطابق، غیر ملکی تعاون سے مندرجہ ذیل پراجیکٹس پر عمل درآمد کیا جا رہا ہے۔

• بین الاقوامی ایٹمی توانائی ایجنسی (آئی اے ای اے) ویانا کی طرف سے فنڈز سے مسلسل نگرانی اور بہتری کے لیے بہترین اقدامات کی نشاندہی کے لیے مرغیوں میں جراثیم کش مزاحمت کی خصوصیات اور اس کے پیداواری ماحول کے انٹرفیس سے متعلق  پروجیکٹ۔
• انٹرنیشنل اٹامک انرجی ایجنسی (آئی اے ای اے) ویانا کے تعاون سے 'انڈین ڈرومیڈری کیمل جینوم ڈائیورسٹی اینالیسس اینڈ ڈیولپمنٹ اپنی مرضی کے مطابق کم کثافت ایس این پی چپ فار اونٹ' کے عنوان سے تحقیقی پروجیکٹ  پر عمل جاری ہے۔
• تھائی لینڈ اور فلپائن  کی حکومتوں کے تعاون سے  ‘‘تھائی لیریا جنس اور ٹریپینوسوما ایونسی کے خلاف منتخب دواؤں کے پودوں کے نچوڑ سے الگ تھلگ بایو ایکٹیو مالیکیولز کی اینٹی ہیمو پروٹوزان سرگرمی کی وضاحت’’کے عنوان سے آسیان –بھارت باہمی تعاون پر مبنی تحقیقی پروجیکٹ۔

مزید یہ کہ ہنر مندی کی نشوونما، ٹیکنالوجی پر مبنی اقدامات، تحقیق اور علم کے تبادلے کو فروغ دینے کے لیے، مویشی پروری  اور ڈیری کے محکمے کے تحت  کرناتک کے ہیسر گھٹا میں پانچ تنظیموں کے کنسورشیم کے طور پر سینٹر آف ایکسیلنس ان اینیمل ہسبنڈری (سی ای اے ایچ) قائم کیا گیا ہے۔ یہ ادارہ کرناٹک اور دیگر ریاستوں کے سرکاری اور نجی اداروں کے ساتھ ہنر مندی کے فروغ کے پروگراموں کے انعقاد میں تعاون کر رہا ہے۔

یہ معلومات ماہی پروری، مویشی پروری اور ڈیری  کے مرکزی وزیر مملکت پروفیسر ایس پی سنگھ بگھیل نے 29 جولائی 2025 کو لوک سبھا میں ایک تحریری جواب میں دی۔

***

ش ح۔ ک ا۔ م ق ا

U.NO.3580

(Release ID: 2150082)