بھارت سیاحت اور تقریبات کے ماحولیاتی نظام میں ایک عالمی رہنما کے طور پر اپنا مقام رکھتا ہے، وزارت سیاحت نے ملک کے اجلاسوں، ترغیبات، کانفرنسوں اور نمائشوں(ایم آئی سی ای) کے شعبے کو بڑھانے کے لیے اپنے مضبوط عزم کا اعادہ کیا۔ یہ اعلان انڈین ایگزیبیشن انڈسٹری ایسوسی ایشن(آئی ای آئی اے)کی طرف سے وزارت کے اشتراک سے چنئی میں ساؤتھ انڈیا تھاٹ لیڈرز کانفرنس میں کیا گیا۔

کانفرنس کا افتتاح کرتے ہوئے،جناب سمن بلا، ایڈیشنل سکریٹری اور ڈائرکٹر جنرل وزارت سیاحت نے کہا کہملکبھر کی ریاستیں اپنے منفرد طریقوں سے سیاحت کے مواقع کو کھول رہی ہیں، اب وقت آگیا ہے کہ بھارت کو عالمی ایم آئی سی ای نقشے پر نمایاں کیا جائے۔ ناقابل یقین انڈیا مہم کے تحت بھارت منڈپم، یشوبھومی، اور جیو ورلڈ سنٹر جیسے مشہور مقامات اور ایم آئی سی ای کو ترجیح دئے جانے کے ساتھ، ہمارا مقصد کم از کم 10 بھارتیوں شہروں، خاص طور پر جنوبی بھارت میں ایم آئی سی ای کو عالمی مقامات میں شامل کرنا ہے۔ انہوں نے مزید کہا کہ بھارت اس وقت عالمی سطح پر ایم آئی سی ای کے 850 بلین  امریکی ڈالرمارکیٹ میں سے صرف 5فیصد پر قابض ہے۔ شہر کی سطح کے کنونشن پروموشن بیورو کو خود مختار اداروں کے طور پر قائم کرنا ہماری موجودگی کو مضبوط بنانے کے لیے اہم ہے۔ یہ اقدام ایم آئی سی ای سیاحت کو فروغ دے گا اورایم ایس ایم ای، مہمان نوازی اور خدمات کے شعبوں میں ترقی کو متحرک کرے گا۔

تمل ناڈو کی صلاحیتوں پر روشنی ڈالتے ہوئے، جناب  ٹی کرسٹوراج، ڈائریکٹر، محکمہ سیاحت اور تمل ناڈو ٹورازم ڈیولپمنٹ کارپوریشن کے مینیجنگ ڈائریکٹر نے کہا، تمل ناڈو میں کانفرنسوں اور نمائشوں کے لیے کچھ بہترین بنیادی ڈھانچہ موجود ہے۔ایم آئی سی ای سیاحت کی پوری صلاحیت کو کھولنے کے لیے، اسے چنئی سے آگے کانچی پورم، کوئمبٹور، مدورائی، تروچیراپلی اور سیلم جیسے شہروں تک پھیلانا چاہیے۔ بنیادی ڈھانچے کے خلاء کو پورا کرنا کلیدی اہمیت کا حامل ہوگا۔

صنعت کا جائزہ پیش کرتے ہوئے،آئی ای آئی اے سے جناب دھون نےکہاکہ عالمی ایم آئی سی ای  صنعت کے 2030 تک 870 بلین سے بڑھ کر 1.4 ٹریلین ڈالرہونے کا امکان ہے۔ بھارت ایک اہم اور تیزی سے بڑھتا ہوا کھلاڑی ہے۔ یہ ایم آئی سی ای لیڈرز کنیکٹ پورے جنوبی ریاستوں سے کلیدی اسٹیک ہولڈرز کو اکٹھا کرتا ہے تاکہ اس شعبے کے لیے ایک مربوط روڈ میپ تیار کیا جا سکے۔

اس تقریب میں ایم آئی سی ای تنظیموں، مہمان نوازی کے گروپس، وینیو آپریٹرز، تجارتی اداروں، اور جنوبیبھارت کے ریاستی سیاحت کے اعلیٰ عہدیداروں کی پرجوش شرکت دیکھنے میں آئی، جنہوں نےایم آئی سی ای ماحولیاتی نظام کو ادارہ جاتی بنانے اور اسے بھارت کے وسیع تر اقتصادی وژن کے ساتھ ہم آہنگ کرنے کی حکمت عملیوں پر تبادلہ خیال کیا۔

مقررین نے ضرورت پر زور دیا:

بین الاقوامی تقریبات کو اپنی طرف متوجہ کرنے اور ان کا انتظام کرنے کے لیے سرشار سٹی کنونشن بیورو کی تشکیل۔

عالمی ایونٹ کیلنڈرز کے ساتھ مربوط ایک قومی ایم آئی سی ای برانڈنگ حکمت عملی تیار کرنا۔

عالمی سطح پر مسابقتی انفراسٹرکچر بنانے کے لیے پبلک پرائیویٹ تعاون کی سہولت فراہم کرنا۔

ایم آئی سی ای ویلیو چین کو سپورٹ کرنے کے لیے ہوا بازی، ریلوے اور ہائی ویز میں بھارت کی منصوبہ بند ترقی کا فائدہ اٹھانا۔

ڈاکٹر راجندر کے وی، کمشنر، محکمہ سیاحت، کرناٹک؛ محترمہ امرپالی کاتا، منیجنگ ڈائریکٹر، آندھرا پردیش ٹورازم ڈیولپمنٹ کارپوریشن،محترمہ سکھا سریندرن، ڈائریکٹر، کیرالہ ٹورازم اور ایم ڈی، کیرالہ ٹورازم ڈیولپمنٹ کارپوریشن،محترمہ جیوتی کماری، سکریٹری، سیاحت، انڈمان اور نکوبار جزائر، جناب گیری خان، سی ای او، حیدرآباد کنونشن وزیٹرز بیورو اورجناب وجے شرما، ڈائریکٹرجی ڈبلیو سی ،جیایم بی ایچ ان نمایاں آوازوں میں شامل تھے جنہوں نےایم آئی سی ای کی ترقی کے اگلے مرحلے کو آگے بڑھانے میں مربوط پالیسی فریم ورک، عالمی تعاون، اور صلاحیت سازی کی اہمیت پر زور دیا۔

ملک کی اسٹریٹجک انفراسٹرکچر سرمایہ کاری اور منزل کی برانڈنگ پر نئی توجہ کے ساتھ، بھارت نہ صرف ایک سفری منزل کے طور پر، بلکہ عالمی سطح کی کانفرنس اور نمائشی مرکز کے طور پر ابھرنے کے لیے تیار ہے۔

***

(ش ح۔اص)

UR 3570

(Release ID: 2149950) Visitor Counter : 8