مرکزی وزیر برائے سیاحت و ثقافت جناب گجیندر سنگھ شیخاوت نے آج لوک سبھا میں ایک تحریری جواب میں  کہا کہ سیاحتی مقامات اور مصنوعات کی ترقی اور فروغ، جس میں ایڈونچر ٹورزم کا کام متعلقہ ریاستی حکومت/مرکز کے زیر ابتظام علاقے(یوٹی) انتظامیہ کے ذریعے کیا جاتا ہے۔ وزارت مختلف اسکیموں اور اقدامات کے ذریعے ریاستوں/ مرکز کے زیر انتظام علاقوں کی کوششوں کی تکمیل کرتی ہے۔

سیاحت کی وزارت اپنی مرکزی سیکٹر اسکیموں کے ذریعے ’سودیش درشن‘، ’پیلگرمیج ریجوینیشن اینڈ اسپرچوئل، ہیریٹیج آگمینٹیشن ڈرائیو (پرشاد)‘ اور ’سیاحت کے بنیادی ڈھانچے کی ترقی کے لیے مرکزی ایجنسیوں کی مدد‘ کے ذریعے ریاستی حکومتوں/مرکز کے زیر انتظام انتظامیہ کو سیاحت کے بنیادی ڈھانچے بشمول سیاحت کے بنیادی ڈھانچے کی ترقی کے لیے مالی مدد فراہم کرتی ہے۔ وزارت کی طرف سے ترقی کے لیے شروع کیے گئے پروجیکٹوں کی شناخت ریاستی حکومتوں/مرکز کے زیر انتظام علاقوں کی انتظامیہ/مرکزی ایجنسیوں کے مشورے سے کی جاتی ہے اور ان کی طرف سے پروجیکٹ کی تجاویز جمع کرانے، متعلقہ اسکیم کے رہنما خطوط پر عمل پیرا ہونے اور مناسب تفصیلی پروجیکٹ رپورٹس جمع کرانے کے بعد منظور کیے جاتے ہیں۔

سیاحت کی وزارت نے ایڈونچر ٹور آپریٹرز ایسوسی ایشن آف انڈیا (اے ٹی او اے آئی) کے ساتھ مل کر ماڈل ایڈونچر سیفٹی گائیڈ لائنز تیار کی ہیں جس کا مقصد پورے ہندوستان میں ایڈونچر ٹورازم سیکٹر میں حفاظت کو یقینی بنانے کے لیے ایک جامع اور معیاری فریم ورک قائم کرنا ہے۔ حفاظتی پروٹوکول کو اپنانے اور تشکیل دینے/اپ ڈیٹ کرنے کے لیے یہ رہنما خطوط تمام ریاستوں اور مرکز کے زیر انتظام علاقوں کو بھیجے گئے ہیں۔

تمام ریاستوں/مرکز کے زیر انتظام علاقوں سے درخواست کی گئی ہے کہ وہ ایڈونچر سے متعلق تمام سرگرمیوں پر کڑی نظر رکھیں اور تمام آپریٹروںکے ذریعہ حفاظتی ضابطوں اور لائسنسنگ کے اصولوں پر سخت  عمل آوری کو یقینی بنائیں۔

 

***********

ش ح۔ع و۔ ج ا

 (U: 3437) 

(Release ID: 2149365) Visitor Counter : 6