பிரதமர் பயிர் காப்பீட்டுத் திட்டம் (PMFBY) 2016 காரிஃப் பருவத்திலிருந்து நாட்டில் அறிமுகப்படுத்தப்பட்டது. இந்தத் திட்டம் மாநிலங்கள்/யூனியன் பிரதேசங்களைச் சேர்ந்த விவசாயிகளுக்குத் தேவை சார்ந்ததாகவும் தன்னார்வ அடிப்படையிலானதும் ஆகும். இருப்பினும், கடன் பெறாத விவசாயிகள், சிறு மற்றும் குறு விவசாயிகள் மற்றும் குத்தகைதாரர்கள் உள்ளிட்ட விவசாயிகளின் காப்பீட்டுத் தொகை ஆண்டுதோறும் அதிகரித்து வருகிறது. அரசாங்கத்தால் எடுக்கப்பட்ட பல்வேறு நடவடிக்கைகளைக் கருத்தில் கொண்டு, பதிவு செய்யப்பட்ட மொத்த விவசாயிகளின் எண்ணிக்கை 2022-23 இல் 3.17 கோடியிலிருந்து 2024-25 இல் 4.19 கோடியாக அதிகரித்துள்ளது, அதாவது 32% அதிகரிப்பு. 2024-25 இல் இந்தத் திட்டத்தின் கீழ் சேர்ந்த விவசாயிகளின் எண்ணிக்கை, இந்தத் திட்டம் தொடங்கப்பட்டதிலிருந்து மிக அதிகமாக உள்ளது.

2024-25 ஆம் ஆண்டில் இந்தத் திட்டத்தின் கீழ் பதிவு செய்யப்பட்ட மொத்த விவசாயி விண்ணப்பங்களில், முறையே 6.5%, 17.6% மற்றும் 48% குத்தகைதாரர், குறு விவசாயி மற்றும் கடன் பெற்ற விவசாயிகளுடன் தொடர்புடையவை.

விவசாயி விண்ணப்பங்களின் காப்பீட்டுத் தன்மையை அதிகரித்தல், வெளிப்படைத்தன்மையைக் கொண்டுவருதல், இழப்பீடு கோரிக்கைகளுக்கு சரியான நேரத்தில் தீர்வு காண்பதை உறுதி செய்தல் மற்றும் திட்டம் குறித்த விழிப்புணர்வை அதிகரித்தல் ஆகிய சிறப்பம்சங்கள் அடங்கிய இந்தத் திட்டத்தை செயல்படுத்துவதை வலுப்படுத்த அரசாங்கம் பல்வேறு நடவடிக்கைகளை எடுத்துள்ளது:

மானியம் செலுத்துதல், ஒருங்கிணைப்பு, வெளிப்படைத்தன்மை, தகவல்களைப் பரப்புதல் மற்றும் சேவைகளை வழங்குதல் ஆகியவற்றை உறுதி செய்யும் தரவுகளின் ஒரே ஆதாரமாக தேசிய பயிர் காப்பீட்டு இணையதளத்தை (NCIP) உருவாக்குவதை அரசு மேற்கொண்டுள்ளது. விவசாயிகளின் நேரடி ஆன்லைன் சேர்க்கை, சிறந்த கண்காணிப்புக்காக தனிப்பட்ட காப்பீடு செய்யப்பட்ட விவசாயிகளின் விவரங்களை பதிவேற்றுதல்/பெறுதல் மற்றும் தனிப்பட்ட விவசாயிகளின் வங்கிக் கணக்கிற்கு மின்னணு முறையில் இழப்பீட்டுக் கோரிக்கைத் தொகையை மாற்றுவதை உறுதி செய்தல்.

இழப்பீட்டுக் கோரிக்கை வழங்கல் செயல்முறையை கவனமாக கண்காணிக்க, 2022 காரிஃப் முதல் கோரிக்கைகளை செலுத்துவதற்காக 'டிஜிக்ளைம் தொகுதி' என்ற பிரத்யேக தொகுதி செயல்படுத்தப்பட்டுள்ளது. 2024 காரிஃப் முதல் அனைத்து கோரிக்கைகளையும் சரியான நேரத்தில் மற்றும் வெளிப்படையான முறையில் செயலாக்க தேசிய பயிர் காப்பீட்டு இணையதளம் (NCIP) பொது நிதி மேலாண்மை அமைப்பு (PFMS) மற்றும் காப்பீட்டு நிறுவனங்களின் கணக்கியல் அமைப்புடன் ஒருங்கிணைப்பதை இது உள்ளடக்கியது. காப்பீட்டு நிறுவனத்தால் சரியான நேரத்தில் பணம் செலுத்தப்படாவிட்டால், 12% அபராதம் தானாகக் கணக்கிடப்பட்டு NCIP மூலம் வசூலிக்கப்படுகிறது.

2025 காரிஃப் பருவத்திலிருந்து திட்டத்தின் விதிகளின்படி தங்கள் பிரீமியப் பங்கை முன்கூட்டியே டெபாசிட் செய்வதற்காக சம்பந்தப்பட்ட மாநில அரசு ESCROW கணக்கைத் திறப்பது கட்டாயமாக்கப்பட்டுள்ளது.

காப்பீட்டு நிறுவனத்தால் கோரிக்கைகளை செலுத்துவதில் தாமதம் ஏற்பட்டால் 12% அபராதம் விதிப்பது தேசிய பயிர் காப்பீட்டு போர்ட்டலில் (NCIP) தானாகவே கணக்கிடப்படுகிறது.

PMFBY இன் முக்கிய அம்சங்களை விவசாயிகள் மற்றும் பஞ்சாயத்து ராஜ் அமைப்புகளின் (PRIs) உறுப்பினர்களிடையே பரப்புவதற்காக, மாநிலங்கள், காப்பீட்டு நிறுவனங்கள், நிதி நிறுவனங்கள் மற்றும் பொது சேவை மையங்கள் (CSCs) வலைப் பின்னலை பயன்படுத்துதல் ஆகியவற்றால் மேற்கொள்ளப்படும் விழிப்புணர்வு நடவடிக்கைகளுக்கு அரசாங்கம் தீவிரமாக ஆதரவளித்து வருகிறது.

கட்டமைக்கப்பட்ட விழிப்புணர்வு பிரச்சாரம் 'பயிர் காப்பீட்டு வாரம், 2021 காரீஃப் பருவத்திலிருந்து வேளாண்மை மற்றும் விவசாயிகள் நல அமைச்சகத்தால் தொடங்கப்பட்டுள்ளது. இதனுடன், திட்டத்தை செயல்படுத்துவதற்கான பல்வேறு அம்சங்கள் குறித்து விவசாயிகளின் விழிப்புணர்வை வளர்ப்பதற்காக கிராமப் பிரதேச அளவில் ‘பயிர் காப்பீட்டு பள்ளிகள்’ ஏற்பாடு செய்யப்பட்டுள்ளன.

 

***

(Release ID: 2148513)

AD/SM/ DL

(Release ID: 2148699)