کروپک ( کلیکشن آف ریئل ٹائم آبزرویشنز اینڈ فوٹوگرافس آف کراپس، یعنی فصلوں کی تصویروں اور بر محل نگرانی کا مجموعہ) پردھان منتری فسل بیمہ یوجنا  (پی ایم ایف بی وائی) کے تحت ایک ٹیکنالوجی کا اقدام ہے۔ یہ ایک ڈیجیٹل ایپلی کیشن ہے جو فصلوں کے کھیتوں کی تصاویر جمع کرنے کے لیے بنائی گئی ہے تاکہ فصلوں کی صحت کا تعین کیا جا سکے اور خطرات کی وجہ سے ہونے والے نقصان کی نشاندہی کی جا سکے۔ کروپک ایپ کا مقصد کسانوں اور زمینی رابطہ کاروں سے اسمارٹ فونز کے ذریعے جیو ٹیگ شدہ کراؤڈ سورس تصاویر جمع کرنا ہے۔ ٹائم سیریز جیو ٹیگ شدہ تصاویر کا مقصد بیمہ شدہ فصلوں کے مقابلے میں فصلوں کی تصدیق اور مقامی آفات کی صورت میں فصلوں کے نقصان کا جائزہ لینا ہے۔

کروپک پی ایم ایف بی وائی کی حمایت کرتا ہے جس کے ذریعے عمومی فصلوں کی نگرانی کی معلومات فراہم کی جاتی ہیں، فصلوں کے خطرات کو قریب قریب حقیقی وقت میں رپورٹ کیا جاتا ہے، اور یس ٹیک کے پیداوار تخمینی ماڈلز کی تصدیق کے ساتھ ساتھ بعض خطرات کو مدنظر رکھنے کے لیے سہولت فراہم کی جاتی ہے۔

کروپک کا تصور فصلوں کی نگرانی اور انتظام کے لیے ایک شفاف، حقیقی وقت، ثبوت پر مبنی نظام کے ساتھ فصل کے بیمہ کے شراکت داروں کو بااختیار بنانے کے لیے کیا گیا ہے، جو فصل کے بیمہ اور آفت کے ردعمل کی تاثیر کو مضبوط کرتا ہے اور ڈیٹا پر مبنی پالیسی فیصلوں کو یقینی بناتا ہے۔

یہ معلومات زراعت اور کسانوں کی بہبود کے ریاستی وزیر جناب رام ناتھ ٹھاکر نے آج راجیہ سبھا میں تحریری جواب میں دی ہیں۔

 

************

ش ح ۔    م د  ۔  م  ص

 (U : 3346      )

(Release ID: 2148619)