5 جی خدمات ملک بھر کی تمام ریاستوں اور مرکز کے زیر انتظام علاقوں میں شروع کی گئی ہیں اور فی الحال یہ ملک کے 99.8 فیصد اضلاع میں دستیاب ہے۔ مزید، 30.06.2025 تک، ملک بھر میں 4.86 لاکھ 5 جی بیس ٹرانسیور اسٹیشنز (بی ٹی ایس) ٹیلی کام سروس پرووائیڈرز (ٹی ایس پیز) کے ذریعے نصب کیے گئے ہیں۔

ٹی ایس پیز نے ملک بھر میں 5 جی خدمات کو وسعت دی ہے اور کم از کم رول آؤٹ ذمہ داریوں سے آگے بڑھ گئے ہیں، جیسا کہ ا سپیکٹرم نیلامی کے لیے نوٹس انویٹنگ ایپلیکیشن (این آئی اے) میں تجویز کیا گیا ہے۔ ان ذمہ داریوں سے آگے موبائل سروسز کی توسیع کا انحصار ٹی ایس پیز کے ٹیکنو کمرشیل کنسڈریشن پر ہے۔

حکومت نے 5 جی خدمات کے وسعت اور پھیلاؤ کے لیے کئی اقدامات کیے ہیں، جو دیگر چیزوں کے ساتھ درج ذیل ہیں:

1. 5 جی موبائل سروسز کے لیےا سپیکٹرم کی نیلامی۔
2.  ایڈجسٹڈ گراس ریونیو (اے جی آر)، بینک گارنٹیز (بی جی) اور شرح سود کو معقول بنانے کے لیے مالی اصلاحات۔
3.  2022 اور اس کے بعد کی نیلامی میں حاصل کردہ اسپیکٹرم کے استعمال کے چارجز کو ہٹانا۔
4. ایس اے سی ایف اے (اسٹینڈنگ ایڈوائزری کمیٹی برائےریڈیو فریکوئنسی ایلوکیشنز یعنی ریڈیو فریکیوئنسی مخصوص کرنے سے متعلق قائمہ مشارتی کمیٹی) کے لیے کلیئرنس کے طریقہ کار کو آسان بنانا۔
5. پی ایم گتی شکتی سنچار پورٹل اور آر او ڈبلیو (رائٹ آف وے) کے قواعد و ضوابط کا آغاز، آر او ڈبلیو اجازتوں اور ٹیلی کام بنیادی ڈھانچے کی تنصیب کی منظوری کی راہ ہموار کی جا سکے۔
6. چھوٹے سیل اور ٹیلی کمیونیکیشن لائن کی تنصیب کے لیے اسٹریٹ فرنیچر کے استعمال کے لیے مقررہ وقت کی اجازت۔

5 جی سروسز کی تعیناتی اور فراہمی کو یقینی بنانے کے لیے ملک بھر کے اعلیٰ تعلیمی اداروں میں 5 جی یوز کیس کی سو لیبز قائم کی گئی ہیں۔ 5 جی کے یوز کیس کی ترقی کے لیے ایرکسن اور کوالاکوم جیسی بین الاقوامی کمپنیوں کے ساتھ صلاحیت سازی اور مہارت کی ترقی کے لیے تعاون اور اشتراک کیا گیا ہے۔

یہ معلومات مواصلات اور دیہی ترقیات کے وزیر مملکت ڈاکٹر پیمسانی چندر شیکھر نے آج راجیہ سبھا میں ایک سوال کے تحریری جواب میں دی ہے۔

*****

UR- 3209

(ش ح۔   م  م ع۔ ا ک م)

(Release ID: 2147941)